21.9.09

Trocando peles......


Dende a Ong Acsur-Galiza estase a poñer en marcha o proxecto "TROCANDO PELES". Este é un proxecto que ten por obxecto contribuír á emancipación da poboación inmigrante e sensibilizar a alumnado e profesorado galego sobre dereitos humáns, cidadanía e interculturalidade.

O proxecto está baseado na metodoloxía do Teatro do Oprimido de Agosto Boal e que constitúe a base do teatro social actual. Esta metodoloxía permite crear un espazo de traballo no que as persoas migrantes darán forma ós conflictos que viven coa sociedade galega e partir deste material construir unha obra de Teatro Forum.

Para isto, convocamos a todas as persoas inmigrantes interesadas, así como a profesionais do eido social, educativo, cultural, e persoas interesadas no teatro en xeral a participar desta experiencia.

Organizarase un obradoiro de Teatro do Oprimido, aberto a todo o público interesado e gratuíto, que proporcionará ás persoas participantes o coñecemento básico desta metodoloxía teatral.

Existen dúas posibilidades a elexir entre as dúas datas previstas:

- Primer obradoiro: 2,3 e 4 de octubro. (Inscripción ata 25 de septembro)

- Segundo obradoiro: 16,17,18 de octubro (Inscripción ata 9 de octubro)

Nunha segunda fase, as persoas que teñan interés e que realizaron o obradoiro, poderán participar na producción dunha obra de Teatro Forum.
Esta obra estaría destinada á sensibilización social e sería representada a partir de febreiro de 2010.

Gustarianos contar coa vosa participación e colaboración para difundir esta convocatoria

Gracias e esperamos as vosas respostas.
Para información e inscripcións: 981717122 ou 637776211



17.9.09

Últimas dúas xornadas ‘Contra vento e marea. Verbas e pegadas dos Feminismos’


• NELAS FAISE UN PERCORRIDO DESDE AS PRIMEIRAS LOITAS FAMINISTAS DO SÉCULO XIX ATA Á ACTUALIDADE FACENDO ESPECIAL FINCAPÉ NO ÁMBITO GALEGO E TENTADO AMOSAR UNHA PANORÁMICA AMPLA E PRURAL

• ORGANIZA A CASA-MUSEO EMILIA PARDO BAZÁN EN COLABORACIÓN COA CONCELLARÍA DE IGUALDADE E PARTICIPACIÓN CIDADÁ E A DEPUTACIÓN DA CORUÑA

A Coruña, 16 de setembro de 2009.- A Casa-Museo Emilia Pardo Bazán acollerá o peche das xornadas ‘Contra vento e marea. Verbas e pegadas dos Feminismos” que terán lugar hoxe e mañá.

Hoxe, ás 17.00 horas, Aurora Marco ofrecerá unha conferencia baixo o título ‘Pioneiras e anónimas’ na que rescatará figuras femininas do ámbito galego, anónimas e pioneiras de finais do século XIX até a Guerra Civil. Profesora de Didáctica da Lingua de Literatura Galega na Facultade de Ciencias da Educación da Universidade de Santiago. É autora do ‘Diccionario de mulleres galegas. Das orixes a 1975’ (2007), ‘Vidas de mestras’ (2002) ou ‘As precursoras. Achegadas para o estudo da escrita feminina’ (1993).
Tamén terá lugar ás 19.00 horas a actividade ‘Contenedor de Feminismos: as loitas conserveiras’ no que intervirán Loli Romero Lores, Mari Luz García Vigo, Uqui Permui e Carme Nogueira, actividade coa que se retomará o arquivo feminista de Galicia.
Ás 21.00 horas terá lugar a inauguración do contenedor de feminismos na entrada da Real Academia Galega.




Venres, 18 de setembro 2009

Suspendese a conferencia de Beatriz Preciado por motivos persoais co que o programa de actividades para o venres comezará ás 18.00 horas (adiántase unha hora da programación orixinaria) a mesa redonda ‘A revolución dos xéneros’ con Beatriz Suárez Briones e Rubem Centeno Paradela que falará da revisión das masculinidades, facendo unha revisión do movemento gai. Sociólogo e activista do coletiva queer Maribolheras Precarias da Coruña, integrnates da rede internacional polo ‘Descontrol do xénero e sexual’. Teñen desenvolto numerosas campañas e accións en torno a problemáticas de xénero, sexualidade, migración e precariedade laboral. Organizaron as primeiras manifestacións queer, como alternativa ao institucionalizado Día do Orgullo Gai, en Galicia. Editan ademais a revista ‘As+perralheiras’.

As 21.00 horas terá lugar o making-off de xénero ‘Os Dildos’ de Chévere que terá lugar no Paraninfo da Universidade. Un espectáculo que consta de dúas partes. Por un lado, unha charla parateatral sobre a construción e a deconstrución dos xéneros e por outra parte o concerto punk-rock de Os Díldos, con letras inspiradas no ‘Manifesto Scum’ de Valerie Solanas.


14.9.09

Xogo de Damas. Construción de espazos de recreación, de Mónica Cabo.

O pasado venres 11 de setembro inaugurouse a construción artística Xogo de damas. Contrución de espazos de recreación, obra da artista Mónica Cabo, e que se poderá visitar ata fins deste mes na muralla da cidade vella, á altura da Fundación Luís Seoane.

"Quería que a área elixida do espazo público, ao ser intervida polos efectos da experiencia lúdica do patchwork, puidera converterse nun novo lugar de ocio para os cidadáns", indicounos a responsable desta obra.

Non fai falla que vos recomendemos a súa visita. Estas imaxes falan por si soas.
No centro da seguinte imaxe de satélite, onde se aprecian dúas estruturas horizontais de formigón, podedes observar o lugar exacto onde se ubican as dúas obras de Mónica.


















11.9.09

Fotos da xornada de onte de Contra Vento e Marea













ATENCIÓN.....A VER SE RECOÑECEDES A ESTES.....PERSONAXES!!!!!!!!!






Tarde intensa na Casa Museo........

Novo éxito de asistentes a estas Xornadas Contra Vento e Marea. Verbas e Pegadas dos Feminismos, que se están a celebrar na Casa Museo Emilia Pardo Bazán e que están apoiadas, entre outros, pola nosa Concellaría de Igualdade e Participación Cidadá. De feito, o Salón de actos da Real Academia Galega, unha sorte de bastión da masculinidade que está a ser feminizado a marchas forzadas grazas aos esforzos de Xulia Santiso, Anxela Caramés e todas as persoas que están a participar, contou novamente coa presenza de Margarida Vázquez Veras, a nosa concelleira, quen valorou máis que positivamente tanto a elección do programa de charlas e actividades paralelas como a resposta do público, non só coruñés, todo hai que dicilo, senon chegado tamén dos concellos da nosa comarca.


Nesta foto, Anxela Caramés (esquerda) modera o debate posterior ás intervencións de María Jesús Fariña (centro) e Carmen Blanco (dereita) sobre as figuras de Emilia Pardo Bazán e Rosalía de Castro, respectivamente.


Nesta outra instantánea, tomada durante o debate sobre o papel e situación das traballadoras do fogar, vemos, de esquerda a dereita, a Anxela Caramés, Rocío Fraga (Nonmepisesofreghao), Carmela Casal (Xiara), Paula lobagueira (Centro de atención Hogar-Cáritas) e Marta Casal (ACSUR).


As fotos do Maribingo-Cóckteil colgarémolas nun momentiño.......sede pacientes!!!

10.9.09

Rosa Cobo ofrecerá mañá unha conferencia baixo o título ‘Feminismos: Diferencia e Igualdade’



 A CONTINUACIÓN TERÁ LUGAR DEBATE SOBRE AS REVISTAS FEMINISTAS GALEGAS COA PARTICIPACIÓN DE REPRESENTANTES DAS REVISTAS ANDAINA E FESTA DA PALABRA SILENCIADA

 TAMÉN MAÑÁ INAUGURASE O DE XOGO DE DAMAS DE MÓNICA CABO NA MURALLA DO HOSPITAL MILITAR

 HOXE SERÁ MARÍA JESÚS FARIÑA BUSTO E CARMEN BLANCO FALARÁN DAS FIGURAS DE EMILIA PARDO BAZÁN E ROSALÍA DE CASTRO ÁS 17.00 HORAS. A CONTINUACIÓN TERÁ LUGAR UNHA MESA DE DEBATE SOBRE AS TRABALLADORAS DO FOGAR NO QUE PARTICIPARÁN DISTINTAS ASOCIACIÓNS SOCIAIS (XIARA, ACSUR, CENTRO ATENCIÓN HOGAR-CÁRITAS, E NOMEPISESOFREGHAO). A XORNADA REMATA COA REPRESENTACIÓN DE ‘MAIBINGO-CÓCTEL’ A CARGO DO GRUPO MARIBOLHERAS PRECÁRIAS

A Coruña, 10 de setembro de 2009.- As xornadas ‘Contra Vento e Marea. Verbas e pegadas dos feminismos’ organizadas pola Concellaría de Igualdade e Participación Cidadá que dirixe Margarida Vázquez, continúan hoxe coas conferencias de María Jesús Fariña Busto e Carmen Blanco que falarán das figuras de Emilia Pardo Bazán e Rosalía de Castro (Casa- Museo Emilia Pardo Bazán, 17.00 horas). A continuación terá lugar unha mesa debate sobre ‘As traballadoras do fogar’ no que participarán as asociacións Xiara, ACSUR, Centro de Atención Hogar- Cárias, e Nomepisesofreghao.
Xornada de hoxe remata ás 21.00 horas coa representación de Maribingo a cargo de Maribolheras Precarias. Os ‘maribingos’ son unha recuperación dos tradicionais bingos nos que as mulleres de xerazóns anteriores atopaban un lugar onde poder reunirse e falar das súas cousas, superando o ámbito do doméstico e equiparándose ás actividades de tipo social dos homes. O colectivo reiventa este formato dotándolle dun contido crítico respecto ao xénero, pero sen esquecer o compoñénte lúdico de festa, na liña do resto das súas accións e produccións.
Venres, 11 de setembro
As xornadas ‘Contra vento e marea. Verbas e pegadas dos feminismos’ continúan mañá coa conferencia de Rosa Cobo que analizará e explicará as diversas correntes feministas desenvolvidas na segunda metade do século XX: diferenza, igualdade, construccionismo... Será na Casa-Museo Emilia Pardo Bazán ás 17.00 horas.
Rosa Cobo, profesora na Facultade de Socioloxía de A Coruña, onde foi unha das fundadoras do Seminario Interdisciplinar de Estudos Feministas. Foi codirectora do Máster Experta en Xénero e Políticas de Igualdade. Ten escrito abundantes artigos sobre xénero e actualmente investiga sobre feminismos, multiculturalidade e globalización.
Durante a xornada de mañá venres terá lugar un debate tamén na Casa Museo Emilia Pardo Bazán ás 19.00 horas sobre Revistas feministas galegas na que intervirá a editora xefa da revista Andaina vencellada desde o principio ao Movemento Feminista Galego, e María Xosé Queizán, directora da revista de cultura Festa da palabra silenciaza que saíu á luz no ano 1983 co propósito de sacar da escuridade a escrita feminina e as teorías feministas vixentes nese momento.

Ás 21.00 horas as xornadas trasládanse á muralla do Hospital Militar para a inauguración de Xogo de Damas a cargo de Mónica Cabo. Esta artista posiciónase desde o activismo queer para subverter os roles de xénero tradicionais, amosando corpos e prácticas sexuais alonxadas de calqueira tipo de normativización social. A propia artista explica que “quería que a área elixida do espazo público, ao ser intervida polos efectos da experiencia lúdica do patchwork, puidera converterse nun novo lugar de ocio para os cidadáns. Non sería tanto invadir a rúa a través de prácticas do ámbito privado como crear un lugar que aluda á memoria colectiva, recuperando de materiais de construción dos nosos fogares como o sintasol”.
O lema "Contra vento e marea" fora elixido por Emilia Pardo Bazán para reivindicar o seu compromiso co traballo intelectual tendo en conta as evidentes trabas da época. Interésanos poñer en valor o legado da Condesa na actualidade, unha figura recoñecida pola súa defensa na debatida cuestión da educación das mulleres. Así, nestas xornadas esperase manter esta mesma pulsión de liberdade, recollendo a testemuña do espírito aberto e transgresor da primeira muller catedrática da Universidade española.
Por isto a Concellaría de Igualdade propón un achegamento ás cuestións de xénero a través de dous bloques temáticos, pioneiras e anónimas e feminismo(s), facendo un percorrido desde as primeiras loitas feministas do século XIX ata a actualidade, con especial fincapé no ámbito galego, tentando amosar unha panorámica ampla e plural (teoría, activismo, literatura, arte) por medio de conferencias, debates, teatro, danza e intervencións artísticas na rúa.


9.9.09

Mañá continúan as xornadas ‘Contra vento e marea. Verbas e pegadas dos Feminismos’ na Casa-Museo Emilia Pardo Bazán



 MARÍA JESÚS FARIÑA BUSTO FALARÁ MAÑÁ DA FIGURA EMILIA PARDO BAZÁN E CARMEN BLANCO FALARÁ DA FIGURA DE ROSALÍA DE CASTRO, SEGUIDO DUNHA MESA REDONDA SOBRE AS TRABALLADORAS DO FOGAR E UNHA REPRESENTACIÓN A CARGO DE MARIBOLHERAS PRECARIAS

 NESTAS XORNADAS FAISE UN PERCORRIDO DESDE AS PRIMEIRAS LOITAS FAMINISTAS DO SÉCULO XIX ATA Á ACTUALIDADE FACENDO ESPECIAL FINCAPÉ NO ÁMBITO GALEGO E TENTADO AMOSAR UNHA PANORÁMICA AMPLA E PRURAL

 ORGANIZA A CASA-MUSEO EMILIA PARDO BAZÁN EN COLABORACIÓN COA CONCELLARÍA DE IGUALDADE E PARTICIPACIÓN CIDADÁ E A DEPUTACIÓN DA CORUÑA

A Coruña, 9 de setembro de 2009.- Mañá xoves continúan as Xornadas de ‘Contra vento e marea. Verbas e Pegadas dos Feminismos’ organizadas pola Concellaría de Igualdade e Participación Cidadá que dirixe a nacionalista Margarida Vázquez, en colaboración coa Casa-Museo Emilia Pardo Bazán e a Deputación, nas que se inclúen conferencias, debates, teatro, danza e intervencións artísticas na rúa.
A xornada de mañá conta coa conferencia de María Jesús Fariña Busto e Carmen Blanco ás 17.00 horas quenes falaran das figuras de Emilia Pardo Bazán e Rosalía de Castro respectivamente.
María Jesús Fariña Busto presentará a figura de Emilia Pardo Bazán densde o feminismo. Profesora de Literatura, Española na Universidade de Vigo. A súa investigación está centrada na obra de escritoras, fundamentalmente hispanoamericanas como Cristina Peri Rossi, desde unha perspectiva teórica feminista. Ten publicado diversos artigos especializados e é coeditora de Escribir en femenino: poéticas e políticas (2001).
Carmen Blanco falará de Rosalía de Castro desde unha óptica feminista. Profesora de Literatura Galega na Facultade de Humanidades do Campus de Lugo (USC). Participou activamente no movemento feminista galegos desde os anos setenta. Escribiu numerosos libros sobre cuestións referidas á escrita de mulleres ou a relación do xénero co poder, como O contradiscurso das mulleres (1995) ou Sexo e lugar (2006).
Despois destas dúas conferencias, ás 19.00 horas, terá lugar unha mesa dedebate sobre as ‘Traballadoras do fogar’ na que participarán representantes de distintas entidades como Xiara, ACSUR, Centro Atención Hogar-Cáritas, e Nomepisesofreghao.
A xornada rematará ás 21.00 horas coa representación de Maribingo a cargo de Maribolheras Precarias. Os ‘maribingos’ son unha recuperación dos tradicionais bingos nos que as mulleres de xerazóns anteriores atopaban un lugar onde poder reunirse e falar das súas cousas, superando o ámbito do doméstico e equiparándose ás actividades de tipo social dos homes. O colectivo reiventa este formato dotándolle dun contido crítico respecto ao xénero, pero sen esquecer o compoñénte lúdico de festa, na liña do resto das súas accións e produccións.
O lema ‘Contra vento e marea’ fora elixido por Emilia Pardo Bazán para reivindicar o seu compromiso co traballo intelectual tendo en conta as evidentes trabas da época. Con esta actividade búscase poñer en valor o legado da Condesa na actualidade, unha figura recoñecida pola súa defensa na debatida cuestión da educación das mulleres.
Así, proponse unhas xornadas de achegamento ás cuestións de xénero nas que a través de dous bloques (pioneiras e anónimas e feminismo) farase un percorrido desde as primeiras loitas feministas do século XIX ata a actualidade, facendo especial fincapé no ámbito galego e tentando amosar unha panorámica ampla e plural.
As xornadas son gratuítas, de acceso libre e realizaranse na Casa Museo Emilia Pardo Bazán (rúa Tabernas, 11) todos os xoves e venres do mes de setembro.

4.9.09

Con vento a favor......


Difícilmente poderíamos imaxinar un mellor comezo ao ciclo de Xornadas "Contra Vento e Marea. Verbas e Pegadas dos Feminismos". A primeira boa noticia foi saber, por boca da Directora da Casa-Museo, Xulia Santiso, que o acto se trasladaba ao Salón de Actos da Real Academia Galega, antigo e clásico templo da masculinidade intelectual vedado ás mulleres ata hai ben pouco tempo. O motivo deste traslado forzado foi a cantidade de público asistente que tiña ateigado o local inicialmente previsto desde quince minutos antes das 17:00 horas.

A expectación por escoitar e compartir sentimentos e vivencias con María Reimóndez, autora de "O Club da Calceta", e da máis recente "Pirata", era enorme, como enorme foi a ovación que se levaron tanto María como as actrices Elina Luaces e Laura Ponte ao final da tarde, contra as 20:00 horas.


Seguindo o modelo das tertulias, María Reimóndez departiu co numeroso público sobre O Club e sobre feminismo nun formato ameno que non defraudou, tamén en moi boa parte grazas a Xulia Santiso, quen exerceu de mestra de cerimonias demostrándonos a tod@s que non era a primeira gran tertulia que dirixía e coordinaba.


Ás 19:00 horas en punto as actrices Elina Luaces e Laura Ponte interpretaron dous monólogos extraídos desta novela e da súa adaptación ao teatro. Magníficamente interpretados por estas mulleres, puxeron o broche de ouro a esta primeira intensa, entretida e calurosa xornada.


Para o día de hoxe, a cita trasládase ao Paraninfo da Universidade onde, ás 21:00 horas, Experimentadanza Teatro presentará A Cita. Agardamos contar con tod@s as persoas, homes e mulleres, que gozastes nesta fabulosa tarde de 3 de setembro.

1.9.09

Presentación ante os medios das Xornadas Contra Vento e Marea


 A CONCELLEIRA MARGARIDA VÁZQUEZ QUE PRESENTOU O PROGRAMA CO QUE SE PROPÓN UNA ACHEGAMENTO ÁS CUESTIÓNS DEXÉNERO A TRAVÉS DE DOUS BLOQUES TEMÁTICOS PIONEIRAS E ANÓNIMAS E FEMINISMO (S)

 NAS XORNADAS FARASE UN PERCORRIDO DESDE AS PRIMEIRAS LOITAS FEMINISTAS DO SÉCULO XIX ATA A ACTUALIDADE, CON ESPECIAL FINCAPÉ NO ÁMBITO GALEGO, TENTANDO AMOSAR UNHA PANORÁMICA AMPLA E PLURAL

 A PRIMEIRA DAS XORNADAS TERÁ LUGAR MAÑÁ 3 DE SETEMBRO COA PRESENTACIÓN DO LIBRO ‘O CLUB DA CALCETA’ DE MARÍA REIMÓNDEZ E UNHA SESIÓN DE MONÓLOGOS A CARGO DO GRUPO TEATRO DO MORCEGO

A Coruña, 1 de setembro de 2009.- A Concelleira de Igualdade e Participación Cidadá, Margarida Vázquez, presentou esta mañá as Xornadas ‘Contra Vento e Marea. Verbas e pegadas dos feminismos’, una serie de conferencias, debate, teatro, danza e diversas intervencións artísticas que se desenrrolarán os días 3,4,10,11, 17 e 18 de setembro, organizadas pola Casa-Museo Emilia Pardo Bazán e financiadas pola Concellaría e a Deputación da Coruña
O lema "Contra vento e marea" fora elixido por Emilia Pardo Bazán para reivindicar o seu compromiso co traballo intelectual tendo en conta as evidentes trabas da época. Interésanos poñer en valor o legado da Condesa na actualidade, unha figura recoñecida pola súa defensa na debatida cuestión da educación das mulleres. Así, nestas xornadas esperamos manter esta mesma pulsión de liberdade, recollendo a testemuña do espírito aberto e transgresor da primeira muller catedrática da Universidade española.
Por isto a Concelleira Margarida Vázquez propón un achegamento ás cuestións de xénero a través de dous bloques temáticos, pioneiras e anónimas e feminismo(s), facendo un percorrido desde as primeiras loitas feministas do século XIX ata a actualidade, con especial fincapé no ámbito galego, tentando amosar unha panorámica ampla e plural (teoría, activismo, literatura, arte) por medio de conferencias, debates, teatro, danza e intervencións artísticas na rúa.
As xornadas contan coa dirección e coordinación de Xulia Santiso e Anxela Caramés, serán gratuítas e de acceso libre. Expedirase 1 crédito académico de libre configuración, que estase a tramitar coa Universidade de A Coruña, Santiago de Compostela e Vigo. Para obter o certificado de asistencia haberá que inscribirse indicando os datos persoais (nome, apelidos, tlf, e-mail) á Casa-Museo Emilia Pardo Bazán (rúa Tabernas, 11, 1º) por teléfono (981 20 73 08) ou correo electrónico (casamuseopardobazan@gmail.com). http://casamuseopardobazan.blog.com/

XOVES 3 DE SETEMBRO
TERTULIA DOS XOVES (sala de tertulias da Casa-Museo Emilia Pardo Bazán)
17h- Presentación do libro O club da calceta de MARÍA REIMÓNDEZ
19h- Monólogos O club da calceta por TEATRO DO MORCEGO

VENRES 4 DE SETEMBRO
21h- A cita por EXPERIMENTA DANZA-TEATRO (Paraninfo da Universidade)
XOVES 10 DE SETEMBRO
PIONEIRAS E ANÓNIMAS (Auditorio Real Academia Galega)
17h- Relatorio: Emilia Pardo Bazán e Rosalía de Castro. MARÍA JESÚS BUSTO FARIÑA e CARMEN BLANCO
19h- Mesa redonda: Traballadoras do fogar. XIARA, ACSUR, CENTRO ATENCIÓN HOGAR-CÁRITAS, NOMEPISESOFREGHAO
21h- maribingo por MARIBOLHERAS PRECÀRIAS

VENRES 11 DE STEMBRO
FEMINISMO(S) (Auditorio Real Academia Galega)
17h- Conferencia: Tendencias dos feminismos no século XX: ROSA COBO
19h- Relatorio:Revistas feministas galegas: Festa da palabra silenciada (MARÍA XOSÉ QUEIZÁN) e Andaina (NANINA SANTOS)
21h- Inauguración intervención artística: MÓNICA CABO: Xogo de damas. Construción de espazos de recreación (Muralla Hospital Militar- Fundación Luis Seoane, Paseo Marítimo)

XOVES 17 DE SETEMBRO
PIONEIRAS E ANÓNIMAS (Auditorio Real Academia Galega)
17h-Conferencia: Apuntes sobre as orixes das reivindicacións das mulleres e as anónimas galegas: AURORA MARCO
19h- Mesa redonda: Contenedor de feminismos/ O peche de Odosa (As loitas das mulleres da Conserva na Comarca do Salnés durante os anos oitenta) LOLI ROMERO LORES, CARME FERRO, MAR SUÁREZ, MARI LUZ GARCÍA VIGO, UQUI PERMUI, CARME NOGUEIRA
21h- Inauguración-peche intervención artística: CARME NOGUEIRA: Contenedor de feminismos (Obelisco, Cantóns)

VENRES 18 DE SETEMBRO
FEMINISMO(S) (Auditorio Real Academia Galega)
17h- Conferencia: Réxime farmacopornográfico BEATRIZ PRECIADO
19h- Relatorio: Identidade de xénero e sexualidades non heteronormativas BEATRIZ SUÁREZ BRIONES e RUBEM CENTENO PARADELA
21h- Espectáculo teatral e musical: Os dildos (Making-off de xénero) por CHÉVERE (Paraninfo da Universidade)

INFORMACIÓN SOBRE AS PARTICIPANTES:
TERTULIA DOS XOVES
MARÍA REIMÓNDEZ
Tradutora, intérprete e escritora. Investiga sobre a interacción do feminismo, o poscolonialismo e a traducción. Leva traballando en proxectos de cooperación internacional desde o ano 1994, favorecendo a superación da discriminación de xénero en países desfavorecidos. No 2006 escribiu O club da calceta.

CONFERENCIAS

AURORA MARCO
Rescatará figuras femininas do ámbito galego, anónimas e pioneiras de finais do século XIX até a Guerra Civil.
Profesora de Didáctica da Língua e de Literatura Galega na Facultade de Ciencias da Educación da Universidade de Santiago. É autora do Diccionario de mulleres galegas. Das orixes a 1975 (2007) , Mulleres e educación en Galiza. Vidas de mestras (2002) ou As precursoras. Achegas para o estudo da escrita feminina (1993).

ROSA COBO
Analizará e explicará as diversas correntes feministas desenvolvidas na segunda metade do século XX: diferenza, igualdade, construccionismo...
Profesora na Facultade de Socioloxía de A Coruña, onde foi unha das fundadoras do Seminario Interdisciplinar de Estudos Feministas. Foi codirectora do Máster Experta en Xénero e Políticas de Igualdade. Ten escrito abundantes artigos sobre xénero e actualmente investiga sobre feminismos, multiculturalidade e globalización.

BEATRIZ PRECIADO
Falará do réxime farmacopornográfico: a tiranía da produción de corpos, xéneros e sexualidades a partir das hormonas e da pornografía.
Activista queer, filósofa e profesora de Teoría do Xénero en diferentes universidades estatais e internacionais, como a Universidade de París VIII, L' Ecole des Beaux Arts de Bourges. Dirixe o departamento de xénero no Programa de Estudios Independentes do MACBA. É autora de Manifiesto Contra-sexual (2000), Testo Yonqui (2008) e outros ensaios sobre o tema.

RELATORIOS

MARÍA JESÚS FARIÑA BUSTO
Presentará a figura de Emilia Pardo Bazán desde o feminismo. Profesora de Literatura Española na Universidade de Vigo. A súa investigación está centrada na obra de escritoras, fundamentalmente hispanoamericanas -como Cristina Peri Rossi- desde unha perspectiva teórica feminista. Ten publicado diversos artigos sobre estas cuestións; é coeditora de Escribir en femenino: poéticas y políticas (2001).

CARMEN BLANCO
Falará de Rosalía de Castro desde unha óptica feminista. Profesora de Literatura Galega na Facultade de Humanidades do Campus de Lugo (USC). Participou activamente no movemento feminista galego desde os anos setenta. Escribiu numerosos libros sobre cuestións referidas á escrita de mulleres ou a relación do xénero co poder, coma 0 contradiscurso das mulleres (1995) ou Sexo e lugar (2006).

A FESTA DA PALABRA SILENCIADA
Revista de cultura, producida por Feministas Independentes Galegas e dirixida por MARÍA XOSÉ QUEIZÁN, que sae á luz no ano 1983 co propósito de sacar da escuridade a escrita feminina e as teorías feministas vixentes nese momento. Ata o ano 1998 foi elaborada integramente por mulleres, desde o deseño e maquetación, a realización, as colaboracións e o material gráfico.

ANDAINA
Revista de pensamento feminista xurdida no ano 1983 que funciona de xeito asambleario, tendo como editora xefa a NANINA SANTOS. Estivo vencellada desde o principio ao Movemento Feminista Galego. Trata temas variados: socioloxía, política ecoloxismo, arte, literatura...

BEATRIZ SUÁREZ BRIONES
Falará da teoría queer e a sexualidade en relación á literatura.
É profesora de Teoría da Literatura na Universidade de Vigo. Investiga arredor das interseccións entre a teoría feminista coa sexualidade, o pensamento queer, a psicanálise e a literatura de mulleres. É autora de Sextualidades: Teorías literarias feministas (2003), é coeditora de Escribir en femernino: poéticas y políticas (2001), de Mujer, adulterio y cine (2003) e da sección dedicada á escrita de mulleres na Galiza en Breve historia feminista de la literatura española (2001).

RUBEM CENTENO PARADELA
Falará da revisión das masculinidades, facendo unha revisión do movemento gai.
Sociólogo e activista do colectivo activista queer Maribolheras Precàrias de A Coruña, integrantes da rede internacional polo "Descontrol de xénero e sexual". Teñen desenvolto numerosas campañas e accións en torno a problemáticas de xénero, sexualidade, migración e precariedade laboral. Organizaron as primeiras manifestacións queer, -como alternativa ao institucionalizado Día do Orgullo Gai, na Galiza. Editan a revista As + perralheiras.

MESAS REDONDAS

XIARA
Asociación de Empregadas do Fogar de Santiago de Compostela. Levan a cabo diversas actividades e campañas de sensibilización sobre a precariedade laboral que sofren. Forman parte da "Plataforma pola dignificación do Emprego de Fogar".

ACSUR
ONG estatal centrada en promover e realizar accións, proxectos e programas de cooperación ao desenvolvemento, sensibilización, axuda humanitaria e solidaria cos pobos do Sur, prestando especial atención á temas de xénero. A delegación galega ultimamente ten realizado actividades en torno ao traballo doméstico. Falará MARTA CASAL.

CENTRO ATENCIÓN HOGAR-CÁRITAS
desenvolven un proxecto xurdido de "Equal-En plan de igualdad" -dentro da Asociación Coruña Solidaria- desde hai tres anos, tendo como responsable a PAULA LOBAGUEIRA. Está focalizado na revalorización ocupacional e a regularización da actividade das empregadas domésticas.

NOMEPISESOFREGHAO. Moreia de parafeministas desgeneradas
colectivo feminista coruñés vencellado ao Centro Social Atreu! -impulsor da Rede de Dereitos Sociais (rds) na cidade-. Foron algunhas das promotoras da Campaña do 8 marzo do 2009, centrada nas problemáticas do traballo doméstico. Falará ROCÍO FRAGA.

CONTENEDOR DE FEMINISMOS/O PECHE DE ODOSA
Presentación da primeira document-acción do Contenedor de Feminismos, centrada nas loitas das mulleres do sector conserva na Comarca do Salnés durante os anos oitenta. Diante dunha fábrica en desuso en Vilaxoan falouse con catro das protagonistas, rememorando os vinte anos do peche de Odosa: LOLI ROMERO LORES e CARME FERRO (traballadoras da conserva), MAR SUÁREZ (sindicalista), MARI LUZ GARCÍA VIGO (avogada), UQUI PERMUI, ANXELA CARAMÉS e CARME NOGUEIRA (Contenedor de feminismos)

INTERVENCIÓNS ARTÍSTICAS

MÓNICA CABO
Xogo de damas. Construción de espazos de recreación
Posiciónase dende o activismo queer para subverter os roles de xénero tradicionais, amosando corpos e prácticas sexuais alonxadas de calquera tipo de normativización social.
"Quería que a área elixida do espazo público, ao ser intervida polos efectos da experiencia lúdica do patchwork, puidera converterse nun novo lugar de ocio para os cidadáns. Non sería tanto invadir a rúa a través de prácticas do ámbito privado como crear un lugar que aluda á memoria colectiva, recuperando de materiais de construción dos nosos fogares, como é o sintasol"

CARME NOGUEIRA
Contenedor de feminismos
Interésase polas obras en proceso e contextuais, xerando instalacións nas que as reflexións críticas sobre o espazo, as discusións de xénero e o papel do espectador convértense en fundamentais.
"Quería visibilizar a proposta de Uqui Permui e Anxela Caramés -Sen consigna. Contenedor de feminismos- de retomar o arquivo feminista de Galicia, polo que propuxen un dispositivo móbil para poder exhibir o material que se vaia recopilando. Penseino como un contenedor que permite reflexionar sobre o feito de arquivar e facilite falar do lugar que hai entre o público e o privado, para poder recuperar ás persoas que están detrás dos procesos colectivos"

ACTIVIDADES ESCÉNICAS

TEATRO DO MORCEGO
O club da calceta
Dous monólogos da adaptación teatral da novela de María Reimóndez O club da calceta, dirixida por Celso Parada, representados polas actrices Elina Luaces (a beata) e Laura Ponte (a intelectual). Na obra seis mulleres moi diferentes entre si acuden a clases de calceta, un lugar tradicionalmente feminino que non obstante lles serve para unirse debido á converxencia das súas frustacións, tomando así conciencia da súa situación persoal e atopando as forzas para poder superala.

EXPERIMENTADANZA-TEATRO
A Cita
¿Que ocorre na cabeza e no corpo dunha muller cando perde a dignidade?
Cando o tempo de desexo convértese en tempo de medo.
Cando o fogar é unha prisión e a parella un verdugo.
Do amor á incomprensión, do bico interminabel ao maltrato físico, do respecto á máis absoluta crueldade. Por que?
Mais existe a esperanza, cando nos intentan encarcerar e somos quen de facer brotar flores da terra seca e as nosas alas axúdannos a voar. Texto: Xoan Carlos Mejuto. Coreografía: Carlota Fraga

CHÉVERE. Os dildos (Making-off de xénero)
Espectáculo que consta de dúas partes: por un lado, unha charla para-teatral sobre a construción e a deconstrución dos xéneros (partindo de Beatriz Preciado e da experiencia das actrices Patricia de Lorenzo e Natalia Outeiro durante os ensaios da obra Testosterona e a realización do obradoiro drag-king Ser home por un día, realizado coa colaboración da maquilladora Fanny Bello), e, por outra parte, o concerto punk-rock de Os Dildos, con letras inspiradas no "Manifesto Scum" de Valerie Solanas.

MARIBOLHERAS PRECÀRIAS. Maribingo
Recuperación dos tradicionais bingos nos que as mulleres de xerazóns anteriores atopaban un lugar onde poder reunirs e e falar das súas cousas, superando o ámbito do doméstico e equiprándose ás actividades de tipo social dos homes. Reiventan este formato engandíndolle contido crítico respecto ao xénero, sen esquecer o compoñente lúdico da festa, na liña das súas accións e producións.