Igualdade Coruña

DIGNA RABIA na NORMAL o próximo 11 de maio

2011-05-03T10:42:00.002+02:00

A Concellaría de Igualdade e Participación Cidadá, en colaboración coa Oficina para a Igualdade de Xénero da Universidade da Coruña, presentará o próximo 11 de maio, no novo Centro Cultural da Universidade denominado NORMAL, ás 20:00 horas o documental “Digna Rabia”. Esta obra da Asociación Memoria Histórica do 36 en Ponteareas, e dirixida por María Victoria Martíns Rodríguez e Ángel Rodríguez Gallardo, dá conta dun conxunto de mulleres que reflexionan sobre o impacto que o franquismo tivo nas súas vidas. Repásase a soidade da muller na posguerra, a súa reclusión no mundo doméstico ou a ideoloxía falanxista dominante naqueles primeiros anos de ditadura fascista. A Igrexa española e o seu papel, así como a violencia de xénero ou as dificultades para instruírse son algúns dos temas que se tocan nesta obra.

A entrada será libre ata completar aforo.

Ver web da Oficina para a Igualdade de Xénero

Ver noticia

Contactar coa Asociación Memoria Histórica do 36 en Ponteareas

Próximas actividades no Centro Cívico e Social de Novomesoiro

2011-04-18T11:09:00.001+02:00

XV Campionato de Europa de rugby feminino na Coruña

2011-04-15T12:53:00.001+02:00

Consultar noticia

ENTREGA DE DIPLOMAS ÁS NOVAS MEDIADORAS VECIÑAIS DO PROGRAMA CONVIVE

2011-04-11T14:23:00.003+02:00

O pasado 8 de abril finalizou o segundo curso de mediación en conflitos veciñais, organizado dentro do marco do Programa Convive, posto en marcha pola Concellaría de Igualdade e Participación Cidadá.

Un total de 16 persoas, todas elas mulleres, participaron nesta formación con excelentes resultados y un alto grado de satisfacción, tanto por parte das alumnas, como por parte do equipo docente, quen subliñóu a gran capacidade do grupo para acadar os obxectivos propostos, así como as inmellorables aptitudes perofesionais e actitudes persoais de todas elas.

O acto de entrega dos diplomas contóu coa presencia da Concelleira de Igualdade e Participación, Margarida Vázquez, quen quiso felicitar personalmente a todas estas mulleres xa formadas como mediadoras, agradecéndolles a súa participación e animándoas a colaborar no Programa Convive de mediación veciñal, que segue dando atención á cidadanía desde o Centro de Participación Cidadá do Birloque.

Pola súa parte, o alumnado expresóu a súa gran satisfacción pola formación de calidade recibida, e solicitóu a Margarida Vázquez a posibilidade de ampliar os coñecementos adquiridos a través de módulos complementarios; solicitude que será tida moi en conta de cara á programación da Concellaría nun futuro próximo.

Grazas a esta iniciativa, o Programa Convive pode ampliar o equipo de persoas que traballan VOLUNTARIAMENTE, interviñendo en calidade de mediadoras para axudar a solucionar de forma pacífica conflitos e disputas veciñais na nosa cidade.

As solicitudes de mediación veciñal recíbense no Centro de Participación Cidadá do Birloque.

Avda. de Glasgow, nº 10.

Tf. 981 189 869

E-mail: participacion@coruna.es

A Concellaría de Igualdade estrea mañá venres na Domus o documental “Silenciadas”

2011-04-07T13:37:00.001+02:00

RECOLLE AS ESTREMECEDORAS HISTORIAS DE NUMEROSAS MULLERES DURAMENTE REPRESALIADAS POR ANDAR NA CLANDESTINIDADE E APOIAR O MOVEMENTO GUERRILLEIRO

O PASE ENMÁRCASE NOS ACTOS PROGRAMADOS CON MOTIVO DA CONMEMORACIÓN DO DÍA INTERNACIONAL DAS MULLERES

A Concellaría de Igualdade e Participación Cidadá estreará o venres, 8 de abril, na Domus: Casa da Humanidade, o documental histórico "Silenciadas", froito dun traballo de investigación de Aurora Marco e dirixido por Pablo Ces, con guión de ambos os dous e banda sonora de Pilo Sierra e Kiko Reimúndez. Este pase, que terá lugar ás 20.30 horas, forma parte do ciclo audiovisual organizado dentro das actividades programadas con motivo da conmemoración do 8 de marzo, Día Internacional das Mulleres.

Este film, dunha hora de duración, destaca pola súa fondura e o estremecemento que producen as súas historias: vidas de numerosas mulleres que andiveron na clandestinidade ou apoiaron desde a chaira o movemento guerrilleiro, pezas fundamentais para a superviviencia daquel e que por defendelo, foron duramente represaliadas: cárcere, tortura física e psicolóxica, exilio e incluso morte.

Canguros Municipais en Semana Santa

2011-04-01T14:23:00.001+02:00

COMUNICÁMOSVOS QUE AS LISTAS DE INSCRICIÓN PROVISIONAIS PARA O USO DOS ESPAZOS DE ATENCIÓN Á INFANCIA E LUDOTECA NO PERIODO DAS VACACIÓNS DE SEMANA SANTA ESTARÁN ABERTAS DENDE O 4 AO 7 DE ABRIL.

É NECESARIO ANOTARSE PARA PODER ACCEDER AO SERVIZO

SE É O VOSO INTERESE, PODEDES CHAMAR AO TELÉFONO 981-184356

AS LISTAS DE ADMITIDOS/AS PUBLICARÁNSE O DIA 14 DE ABRIL NOS PROPIOS ESPAZOS, LUDOTECA OU CHAMANDO AO 010

OS ESPAZOS E LUDOTECA FUNCIONARÁN OS SEGUINTES DÍAS E HORARIOS.

DÍAS: 18 – 19 – 20 e 25 DE ABRIL

HORARIO

- ROSALES: de 8:00 A 15:00 horas.

- CASTRILLÓN: de 16:00 a 20:30 horas.

- MONTE ALTO: de 9:00 a 14:30 horas.

- SAGRADA FAMILIA: de 9:30 a 13:30 horas.

- NOVO MESOIRO: 17:30 a 20:30 horas. Sábado de 10:30 a 13:30 horas.( excepto sábado día 23).

A concelleira de Igualdade presenta o II Plan de Equidade entre mulleres e homes como unha aposta pola calidade de vida da cidadanía

2011-03-31T14:13:00.001+02:00

O PLAN CONTEMPLA UN CONXUNTO DE OBXECTIVOS E MEDIDAS PARA PROMOVER UNA IGUALDADE EFECTIVA E NON SÓ LEGAL

A concelleira de Igualdade e Participación Social, Margarida Vázquez, presentou o II Plan para a promoción da equidade entre mulleres e homes do Concello da Coruña (2011-2014). “Este Plan supón unha aposta deste Concello polo fomento da sostenibilidade económica, demográfica e social, a solidariedade, o traballo en rede e, en suma, aposta pola calidade de vida e o benestar dos coruñeses e as coruñesas”, sinalou a concelleira Vázquez. “E contempla un conxunto de obxectivos e medidas basados neses principios e valores fundamentais e promove unha igualdade efectiva, e non só legal, entre mulleres e homes, partindo do feito de que o sexo dunha persoa non debe condicionar o seu desenvolvemento e as súas aspiracións”.

O plan recolle que a calidade de vida e benestar que desexamos para ambos sexos están en consonancia ou en relación coas características e idiosincrasia da nosa cidade: alta densidade poboacional, poboación altamente envellecida, baixo nível de natalidade, mais da metade da poboación son mulleres – concretamente un 53,47%, según datos INE 1/01/2009, logo non se trata dun colectivo respecto do total poboacional- , importante incidencia na xente nova – tanto en rapazas como en rapaces, aínda que con mais incidencia nestes últimos – de actitudes e posicionamentos machistas e homófobos, etc.

Diferencia principal con I Plan: o impulso da EQUIDADE.

A implementación deste Plan non persigue beneficiar en exclusividade ás mulleres coruñesas, nin parte da premisa de que estas son o centro dos problemas que lles afectan, polo tanto non poden ni deben ser o foco de atención en exclusividade das políticas públicas locais.

As diferencia fundamental respecto do primer Plan: o cambio de enfoque ou estratexia nas políticas de igualdade do Concello. O Concello, neste sentido, aposta por:

 Unha estratexia política que integre de xeito efectivo as políticas específicas/medidas de acción positiva que viña desenvolvendo con outras de carácter transversal (ver área 1. Administración igualitaria.

 Unha estratexia que sitúa o seu centro de interese no desenvolvemento das Mulleres e dos Homes e non só das Mulleres, isto é, nas relacións entre homes e mulleres, na toma en consideración das súas necesidades e realidades, de ahí o término de EQUIDADE. O emprego deste término constata que ainda que homes e mulleres non sexan iguais (como non o son os homes entre si e as mulleres entre si) si o deben ser os seus dereitos, oportunidades e posibilidades. Neste sentido, o II Plan en materia de promoción da igualdade deste Concello é realmente o I Plan de promoción da equidade.

Antededentes do II Plan e traballos previos a súa elaboración

O II Plan municipal do Concello ten como punto de partida os resultados e a experiencia do I Plan municipal de Igualdade do Concello (2001-2004). O novo Plan supón nalgunha das actuacións comprometidas no anterior plan a adaptación as necesidades actuais.

O traballo da súa elaboración iniciouse no ano 2008 coa elaboración dunha diagnose base que se completaría o ano seguinte cunha diagnose aplicada e cuxas conclusións se tiveron en conta na redación - no ano 2010 – dun Plan específico ou sectorial , o Plan de programación do tempo da cidade da Coruña.

O obxectivo xeral das medidas que contempla este Plan é a promoción do cambio na organización temporal vixente na cidade mediante un proceso participativo. En todo este proceso o Concello contou co asesoramento e financiación da Consellería de Traballo (Xunta de Galicia).

Posteriormente a ao longo do ano 2010 iniciouse a diagnose para a redacción doutro Plan específico ou sectorial centrado na conciliación da vida persoal, familiar e laboral, isto é, un conxunto de medidas dirixidas a convertir a cidade da Coruña nunha cidade amable para a cidadanía, impulsando a realización de medidas que faciliten a conciliación da vida persoal, familiar e laboral da cidadanía, fomentar a corresponsabilidae e a harmonización dos usos sociais do tempo.

Neste proceso o Concello contou co apoio e asesoramento posto a disposición desde o Instituto da Muller gracias á colaboración deste último coa Femp e a Asociación Noruega de autoridades locais e rexionais (KS).

Casi simultaneamente e tamén ao longo do ano 2010 iniciouse o traballo de diagnose para a redacción do Plan de Equidade, en cuxa redacción se contemplaron todos os obxectivos e medidas contempladas nos plans específicos mencionados e polo tanto as súas metodoloxías de traballo.

Neste proceso o Concello contou con financiación a cargo da subvención anual da Deputación da Coruña.

Por todo o anterior é destacable o peso específico da Conciliación na redacción do Plan de Equidade pero é importante suliñar que o Plan de Equidade é moito mais amplio, isto é, contempla obxectivos e medidas vencellados a outros ámbitos ou temáticas.

Contidos (áreas do Plan) e exemplos dalgún obxectivo específico e medidas contempladas no Plan

1. administración igualitaria e conciliadora
2. atención multidisciplinar á violencia de xénero
3. benestar social e saúde
4. conciliación e corresponsabilidade
5. educación e deportes
6. emprego e novas tecnoloxías
7. multiculturalidade, diversidade, participación cidadá e sensibilización en igualdade
8. turismo e cultura
1. urbanismo e medioambiente
2. xestión da información, linguaxe e publicidade

Importancia do proceso participativo na elaboración do Plan (tanto a nível municipal como por parte da cidadanía)

No proceso participativo de elaboración do Plan de Equidade, participaron persoal técnico e político do Concello e a cidadanía organizada a través de diferentes entidades, axentes e institucións. . Destacar que se realizaron:

- mesas sectoriais e de concertación

- reunións dos órganos: Comité e Comisión de conciliación do Concello da Coruña.

- entrevistas e grupos focais nos que participaron axentes sociais, asociacións, colectivos feministas, etc.

Ciclo audiovisual da Concellaría de Igualdade e Participación Cidadá o xoves 31 de marzo e o venres 1 de abril

2011-03-30T09:08:00.002+02:00

Os próximos días, máis concretamente mañá e pasado mañá, comeza o ciclo audiovisual que a Concellaría de Igualdade e Participación Cidadá programou dentro das actividades do mes de marzo en conmemoración do Día internacional das mulleres. Estas son as dúas interesantísimas propostas:

Ciclo audiovisual

Ambito deportivo. Documentais:

1. IRENE A PORTEIRA: Irene xogou ao fútbol a comezos do século XX na Coruña como porteira do seu equipo. Acadou tanta sona que chegou, primeiro, a ser a capitana e, logo, a darlle o nome ao clube: Irene Fútbol Club.

Autora: Lis Franco

2. PÁDEL: nesta peza documental dase a coñecer un deporte considerado “enganosamente” ultraminoritario pero que é o deporte máis practicado por mulleres maiores de 35 anos en España.

Autora: Lis Franco

3. MEDINA FEMININO DE BALONCESTO: este equipo foi campión da liga española na temporada 1965/66 e subcampión noutras catro ocasións entre 1966 e 1970. Ademais, foron campionas da copa da raíña de 1961.

Autor: Oscar Losada

Lugar: Centro cívico Labañou

Data: 31 de marzo

Hora: 19.30 h.

Longamentraxe documental “A maleta de Sofía”
quen coñece a Sofía Casanova .....?

"A Maleta de Sofía" é unha longametraxe que recupera a vida e a historia de Sofía Casanova, escritora, poeta e correspondente de guerra, que presenciou algúns dos acontecementos máis importantes do século XX, incluídas as dúas Revolucións Rusas e as dúas Guerras Mundiais. No mes de setembro do presente ano 2011 cúmprese o cento cincuenta aniversario do seu nacemento, en A Coruña.

Director e produtor: Marcos Gallego

Lugar: Domus

Hora: 20.00 h.

A entrada en ambas as dúas proxeccións é libre ata completar aforo.

Os veciños de Monelos buscarán hoxe novos finais para os contos tradicionais no obradoiro que se desenvolverá no centro cívico

2011-03-24T13:59:00.000+01:00

A CONCELLARÍA DE IGUALDADE DESEÑOU UN COMPLETO PROGRAMA CON MOTIVO DA CELEBRACIÓN DO DÍA INTERNACIONAL DAS MULLERES CO FIN DE SENSIBILIZAR AOS CIDADÁNS SOBRE A NECESIDADE DE EDUCAR EN IGUALDADE

O Centro Cívico de Monelos acollerá mañá xoves, 24 de marzo, ás 18.30 horas, o obradoiro “O que nunca che contaron: Contos vellos, novos finais”, que se trasladará na xornada do venres, 25 de marzo, ás 11.30 horas, ao Centro Cívico de Artesanos. Este obradoiro de sensibilización está pensado para todas as idades, a partir dos 16 anos, e ten como obxectivo revisar os vellos contos, dominados polos valores estereotipados e pola violencia contra as mulleres.

Esta actividade enmárcase no programa deseñado para este ano pola Concellaría de Igualdade e Participación Cidadá con motivo da conmemoración do Día Internacional das Mulleres, baixo o lema “A Coruña, medrando en igualdade”. Nestas actividades formativas e divulgativas teñen un gran protagonismo os centros cívicos da cidade, xa que un dos máximos obxectivos desta concellaría é chegar ao maior número posible de cidadáns e cidadás con estas propostas. As actividades que se están a desenvolver están acadando un grande éxito de participación en todos os centros cívicos, onde numerosos usuarios de todas as idades achéganse á cultura da igualdade grazas a esta iniciativa da Concellaría de Igualdade.

Recuperar a historia das mulleres é o obxectivo doutra das actividades programadas, que leva por título “Mulleres no rueiro” e que consiste nunha homenaxe ás 37 mulleres que teñen rúas dedicadas na Coruña dun total de 1.500 vías. Así, realízase un itinerario guiado achegando ás persoas participantes a historia descoñecida destas mulleres, nunha actividade que se desenvolverá en cinco centros cívicos. Este obradoiro desenvolverase mañá xoves, ás 10.30 horas, no Centro Cívico de Monelos.

Outro dos obradoiros que se desenvolveron nestes días é o de Corresponsabilidade, apoiado nos paneis da exposición “Visibilidade”. O obxectivo é romper os tópicos sexistas na división do traballo e concienciar sobre a necesidade de que homes e mulleres compartan as tarefas domésticas.

A continuación incluímos, na seguinte páxina, un cadro coas datas e os horarios das actividades que aínda quedan por celebrar:

Actividade Data Hora Centro Cívico

Mulleres no rueiro 24/03/2011 10.30 h Monelos
25/03/2011 11.00 h. Mesoiro
06/04/2011 17.00 h. Eiris

O que nunca
che contaron 24/03/2011 18.00 h. Monelos
25/03/2011 11.30 h. Artesanos
07/04/2011 18.00 h. Mesoiro
13/05/2011 17.00 h. Eirís

Foto-reportaxe de arte+parte 3 a cargo de Pequena Suricata

2011-03-23T14:40:00.000+01:00

Fotos dos concertos de Duplo Son, Chotokoeu e Ojos de Brujo

Fotos da exposición "En feminino"

Fotos da danza-perfomance "En feminino"

Fotos concurso IGUAIS de publicidade antisexista

Fotos de Duelirium

Recollida dos traballos presentados ao concurso IGUAIS non premiados nin seleccionados

2011-03-22T11:30:00.000+01:00

Dende a Concellaría de Igualdade e Participación Cidadá do Concello da Coruña queremos comunicarvos ás persoas cuxos traballos presentados ao concurso IGUAIS non foron premiados nin seleccionados que os días 28 e 29 de marzo en horario de 12:00 a 14:30 poderedes recoller a obra que presentastes ao concurso organizado pola nosa concellaría.

Para a recollida da devandita obra deberedes dirixirvos á Conserxería do Concello, sita no Palacio de María Pita, nº 1, Planta Baixa.

Para calquera aclaración poderedes poñervos en contacto connosco no teléfono 981 184 309 (en horario de 8.30 a 14.30).

A Concellaría de Igualdade e Participación Cidadá da Coruña premiada como entidade pública máis comprometida na I Gala do deporte feminino

2011-03-22T09:30:00.004+01:00

O próximo día 25 de marzo será unha data que aparecerá marcada no calendario: Mudegá celebrará a primeira Gala do Deporte Feminino en Galicia, na que se premiará ás mellores deportistas, técnicas, entidades, árbitras, clubs da pasada tempada.

A cita é o próximo día 25 de marzo (20:30 horas) no Salón de Actos do Pazo da Cultura de Pontevedra, nun evento que é posible grazas a colaboración do Concello de Pontevedra e do Pazo da Cultura. Con este acto, Mudegá busca lograr a visibilidade do deporte feminino, un dos obxectivos principais deste colectivo: Lograr que os éxitos do deporte feminino sexan recoñecidos pola sociedade e para iso é necesario ser visibles nos medios de comunicación.

O xurado, que se reuniu o día 18 de marzo, estivo formado por Mari Luz Ferreiro (xornalista da Voz de Galicia); David Acevedo (Xefe de deportes do Diario de Pontevedra); Elena Fernández (Directora do Centro Galego de Tecnificación Deportiva); Belia Méndez (directora do IMD de Pontevedra); Javier Rico (xerente da Fundación Deporte Galego); Nuria Rodríguez (presidenta da Federación Galega de Salvamento e Socorrismo), Mercé Barrientos (presidenta da Federación Galega de Taekwondo) e Pilar Neira (presidenta de Mudegá). Como secretaria actuou Ana Varela (presidenta do club perla de Fútbol Sala de Sada e directiva de Mudegá).

As persoas e entidades premiadas son: Estefanía Hernández, como mellor deportista galega feminina, e a traineira Rías Baixas, como equipo máis destacado. O xurado tamén recoñeceu a traxectoria profesional da piragüista Ana Penas, Ana Valín (pentatlón) como adestradora máis destacadas do ano 2010. O premio para a mellor árbitro galega recibirao Teresa Martínez Cancelo. Na categoría de mellor iniciativa a favor do deporte feminino foi premiada María Ruiz Castro, creadora de de o club Pádel Cíes. Extruigasa (entidade privada que máis colabora co deporte feminino); Anxo Alfonso Villar, do Friol (mellor directivo); a gimnasta Yael Campo (mellor promesa); Concellaría de Igualdade e Participación Cidadá do Concello da Coruña (entidade pública máis comprometida), e A tempada do fútbol galego (medio de comunicación).

Web de MUDEGA

Noticia na Voz de Galicia

Noticia en Futbolcoruña.com

Arquivo de actividades e novas de deporte feminino

PREMIOS I GALA DO DEPORTE FEMININO GALEGO

Mellor deportista, Estefanía Hernández

Mellor traxectoria, Ana Penas

Medios de comunicació,n A temporada do fútbol galego

Mellor adestradora, Ana Valín

Mellor árbitro, Teresa Martínez Cancelo

Iniciativa a prol do deporte feminino, María Ruíz Castro, creadora do club Padel Feminino Cíes

Entidade privada amiga, Extrugasa

Entidade pública máis comprometida, Concellería de Igualdade do Concello da Coruña

Directivo máis comprometido, Ángel Alfonso Villar (Friol)

Mellor equipo, Traíñas Rías Baixas

Premio a mellor promesa, Yael Campelo

Máis traballos seleccionados

2011-03-19T13:18:00.002+01:00

Cambia o conto, por Adrián Morgade Valcárcel

Comportamento, por Ricardo Fernández Mora

O máis difícil todavía, por Lilith Acción Social e Educativa

Razoa un futuro xusto, por Pedro Martín Pérez

Traballos presentados a IGUAIS e seleccionados para proxectos expositivos coa súa autoría

2011-03-19T11:50:00.002+01:00

Como se indicaba nas bases e convocatoria deste concurso, o xurado escolleu un número de obras presentadas para formar parte de futuras exposicións organizadas pola nosa Concellaría.

Nos próximos días indicaremos onde se poden recoller os traballos non seleccionados.

4 Cambia o conto, por Adrián Morgade Valcárcel

5 Igualitas, por Jose Javier Pérez López

7 Comportamento, por Ricardo Fernández Mora

9 O máis difícil todavía, por Lilith Acción Social e Educativa

12 Razoa un futuro xusto, por Pedro Martín Pérez

15 Nova fregati, por Somosmagenta, S.L.

16 Home ou muller, por Carlos Lorenzo Ayala

17 Píxel, por Borja Lamas Rodríguez

19 Por que elexir?, por Isabel Albela González

21 Que non te encasillen!, por Xiana de la Peña Parga

24 Nivelados, por Xoán Carpente López

26 Desmárcate, por Purificación Cabido Pérez

32 Carta de axuste, Begoña Pastoriza Varela

33 Debuxo, por Laura Cabal García

35 Muller do fogar, por Verónica Eugenia Iglesias Pérez

36 O Sexador, por Juan Diego Ingelmo Benavente

37 Un novo código, por Emilio Pablo Hueso Arevalillo

38 Mente, por Roberto Cores Ferreira ( 1º Accésit )

40 Día do pai, por Alberto Lorenzo Otero

41 Desodorante, por Patricia Portela Vaamonde

45 Fíxate, por Celestino Barreiro Torrado e Rafael Rumbo Vieira ( 2º Accésit )

52 Iguais, por Belén Otero Mouro

54 Sae e xoga pola igualdade, por Lucía Blanco Torres

55 Non queremos ser bonecas, por Marta Paz Naveiro

56 Non é unha muller, por Noemí Cubillo Rico ( 1º Premio )

58 Cabeza, por Antón Lezcano González

59 Oferta, por Rafael Pier Romero

60 Credulidade, por Manuel Ramas Quilez

63 Pseudonimo: Del Lagrace, por Iria Presedo Martínez

64 Tanta loita para isto?, por Esther Amil Bastardo

Campaña de corresponsabilidade da Cruz Vermella

2011-03-18T12:39:00.002+01:00

O pasado 15 de marzo asistimos á inauguración da exposición "Te corresponde, nos corresponde", organizada pola Cruz Vermella coa colaboración da Secretaría de Estado de igualdade e da Obra Social La Caixa no Centro Comercial Espacio Coruña. Esta exposición de vinte viñetas de recoñecidos debuxantes de humor gráfico pretende concienciar sobre a conciliación da vida persoal, familiar e laboral como un dos grandes retos do século XXI. Podedes visitala na primeira planta deste Centro.

Ao mesmo tempo que na Coruña, poderá tamén visitarse en Madrid, Pamplona, Toledo, Castellón, Valladolid, Las Palmas, Oviedo, Girona e Sevilla.

Consulta datas, autores e todo o relativo a este proxecto na Web "Te corresponde, nos corresponde"

Actividades da Concellaría de Igualdade e Participación Cidadá polo 8 de marzo

2011-03-15T13:22:00.006+01:00

Rematado o festival arte+parte 3, aínda nos quedan moitísimas actividades interesantes desde onte, 14 de marzo, ata a primeira semana de abril, coa salvedade do Centro Cívico de Eirís, onde chegaremos ata o 13 de maio co obradoiro "Contos vellos, novos finais".

“As mulleres no rueiro”

Das máis de 1500 vías coas que conta a cidade da Coruña, só 37 están adicadas a mulleres, mentres que máis de 300 honran a memoria de homes. Por iso, e como unha homenaxe a elas, preséntase esta ruta para que a cidadanía coñeza o seu barrio, as vías adicadas ás mulleres e a vida das mesmas. Co itinerario guiado polas rúas con nome de muller preténdese achegar ás persoas participantes a historia descoñecida dalgunhas mulleres.

C.Cívico San Diego 14-03-2011 10:00

Centros cívicos Monte Alto e Artesanos 18-03-2011 10:00

C.C. Monelos 24-03-2011 10:30

C.C. Mesoiro 25-03-2011 11:00

C.C. Castrillón e Eiris 06-04-2011 17:00

O que nunca che contaron: “Contos vellos, novos finais”

Obradoiro de sensibilización en igualdade interxeneracional

A proposta pretende visibilizar e reforzar o papel fundamental das unidades familiares como axentes de socialización primaria.

Facilitarase unha análise crítica dos roles e estereotipos de xénero que desde os contos tradicionais se están a reforzar e reproducir na infancia.

Destacar os seguintes obxectivos:

- Concienciar da importancia dos contos como factor de socialización da infancia.

- Evidenciar o trazo sexista e a violencia contra as mulleres presentada a través da literatura infantil tradicional.

- Valorar positivamente os contos que desenvolvan actitudes e comportamentos de cooperación, amizade, respecto á diferenza e relacións de igualdade.

Centros Cívicos. Monte Alto y Artesanos 15 -03-2011 11:00

C.C. San Diego 16-03-2011 18:00

C.C. Palavea 21-03-2011 18:00

C.C. Monelos 24-03-2011 18:30

C.C. Mallos 31-03-2011 18:00

C.C. Artesanos 01-04-2011 11:30

C.C. Mesoiro 7 - 04-2011 18:00

C.C. Eiris 13-05-2011 17:00

Obradoiro de corresponsabilidade:

“Resetea o teu Rol: saberes esenciais para convivir” + Exposición “ Visibilidade”

Con este obradoiro, apoiado nos paneis da Exposición “Visibilidade” queremos axudar a romper os tópicos e estereotipos sexistas na división do traballo e concienciar sobre a necesidade de que homes e mulleres compartan as tarefas domésticas e responsabilidades familiares para poder gozar da vida en condicións de igualdade.

O dito obradoiro contribúe a visibilizar a realidade do traballo reprodutivo, concienciar da súa importancia e da necesidade de compartilo.

C.C. Elviña 14-03-2011 18:00

C.C. Castrillón 17-03-2011 17:00

Ciclo audiovisual

Ambito deportivo. Documentais:

Autora: Lis Franco

2. PÁDEL: nesta peza documental dase a coñecer un deporte considerado “enganosamente” ultraminoritario pero que é o deporte máis practicado por mulleres maiores de 35 anos en España.

Autora: Lis Franco

Autor: Oscar Losada

Lugar: Centro cívico Labañou

Data: 31 de marzo

Hora: 19.30 h.

Longamentraxe documental “A maleta de Sofía”

quen coñece a Sofía Casanova .....?

Director e produtor: Marcos Gallego

Lugar: Domus

Hora: 20.00 h.

Centos de persoas participaron nas actividades de tarde e case un milleiro asistiron aos concertos da noite

2011-03-14T11:28:00.001+01:00

No transcurso do festival entregáronse os premios Iguais de publicidade antisexista. O primeiro premio recaeu en Noemí Cubillo, e os accesits foron entregados a Roberto Cores e a Celestino Barreiro e Rafael Rumbo

Durante a xornada os numerosos visitantes ao festival que se celebra en EXPOCORUÑA puidero ver ás equilibristas de Duelirium, ou a exposición colectiva “En Feminino” e pola noite o prato forte chegou co concerto de “Ojos de Brujo” e os grupos coruñeses Chotokoeu e Duplo Son

O Festival Mulleres Arte + Parte, celebrado onte en EXPOCORUÑA e promovido pola Concellaría de Igualdade e Participación Cidadá, acadou un grande éxito de participación, tanto nas actividades celebradas durante a tarde, na que se achegaron ao recinto centos de persoas, como pola noite, no programa musical, que chegou a reunir en EXPOCORUÑA a un milleiro de persoas. O obxectivo desta proposta multidisciplinar é reivindicar o papel protagonista das mulleres nas distintas disciplinas artísticas, nas que historicamente foi relegada como simple elemento decorativo. Ademais, no transcurso deste evento celebrouse o acto institucional con motivo do Día Internacional das Mulleres. Ao acto asistiron o alcalde da Coruña, Javier Losada, así como o primeiro tenente de alcalde, Henrique Tello, e a concelleira de Igualdade e Participación Cidadá, Margarida Vázquez.

No transcurso deste acto fíxose público o fallo e realizouse a entrega dos premios de publicidade antisexista “Iguais”, do que permaneceron expostos durante toda a xornada os 60 traballos finalistas. O primeiro premio, dotado con 5.000 euros, foi entregado polo alcalde, e recaeu en Noemí Cubillo Rico, polo seu traballo titulado “Non é unha muller”. O primeiro accesit, dotado con 2.500 euros, foi entregado polo primeiro tenente de alcalde e Roberto Cores Ferreira, polo seu traballo titulado “Mente”. O segundo accesit, dotado coa mesma contía e entregado pola concelleira de Igualdade, foi para Celestino Barreiro e Rafael Rumbo, polo seu traballo titulado “Fíxate”.

Durante o transcurso do festival, que celebrou este ano a súa terceira edición, foron as mulleres o eixo condutor dun encontro no que se mesturaron as artes plásticas, as artes escénicas e, por suposto, a música. As primeiras en actuar, e levantando os aplausos de público de todas as idades, foron as equilibristas do dúo artístico galego Duelirium, integrado por Mercè Solé e Raquel Oitavén. As artistas fixeron un despregue da súa linguaxe propia, na que mesturan mimo, teatro, malabares e unha gran empatía co público con trapecio, danza vertical, voo, contorsión e danza.

Xa ás 19.15 horas celebrouse unha mesa redonda coas artistas participantes na exposición “En Feminino". Esta mostra pictórica colectiva comisariada pola artista coruñesa Rebeca Ponte, conta con obras da propia Rebeca Ponte, Belén Cossío, Mónica Pan,Lara Pintos, Noelia Buján e Yolanda Dorda. A exposición presenta a obra de seis artistas mulleres que na súa propia linguaxe creativa, diferente e persoal, dialogan co público a través do espazo expositivo sobre a imaxe da muller. De xeito indirecto, as artistas participantes realizan unha homenaxe a todas as mulleres da historia que tiveron que asinar as súas obras con pseudónimos ou nomes de home para que así as pezas puidesen ver a luz. A exposición “En Feminino” tense convertido nunha arma contra a violencia machista a través da expresión artística. Así foi considerada polo Instituto Catalán da Muller, que premiou esta mostra na que se transmite con sinxeleza, claridade e solidariedade un grito de liberdade e igualdade.

No transcurso do festival o público puido achegarse de forma gratuíta a contemplar esta mostra, sobre a que Rebeca Ponte presentou unha montaxe de danza – performance inspirada nas obras da mostra. Ademais, durante todo o festival proxectouse a videocreación “Autorretrato”, da recoñecida creadora Ana Domínguez, que é xunto con Ángel Rueda co-directora do festival de cinema S8 (Mostra de Cinema Periférico).

O prato forte chegou a partir das 21.30 horas, co programa musical, que incluiu os concertos dos grupos locais Duplo Son e Chotokoeu. Estas actuacións remataron co concerto culminante, a cargo do grupo Ojos de Brujo, que está realizando a súa xira de despedida, que comezou en xaneiro e rematará en decembro. Por tanto, o público coruñés, formado por en torno a mil persoas, foi un dos privilexiados que puido ver a Ojos de Brujo nunha das súas últimas actuacións.

Para poder levar adiante estas edicións do festival, a Concellaría de Igualdade ven contando coa colaboración estable de entidades e organizacións como están as empresas Gadisa, Begano e Estrella Galicia, así como o Centro Comercial Los Rosales e o Consorcio de Turismo da Coruña.

Listado dos trinta traballos seleccionados dentro do concurso IGUAIS para diferentes proxectos expositivos

2011-03-14T10:05:00.046+01:00

4 Cambia o conto, por Adrián Morgade Valcárcel

5 Igualitas, por Jose Javier Pérez López

7 Comportamento, por Ricardo Fernández Mora

9 O máis difícil todavía, por Lilith Acción Social e Educativa

12 Razoa un futuro xusto, por Pedro Martín Pérez

15 Nova fregati, por Somosmagenta, S.L.

16 Home ou muller, por Carlos Lorenzo Ayala

17 Píxel, por Borja Lamas Rodríguez

19 Por que elexir?, por Isabel Albela González

21 Que non te encasillen!, por Xiana de la Peña Parga

24 Nivelados, por Xoán Carpente López

26 Desmárcate, por Purificación Cabido Pérez

32 Carta de axuste, Begoña Pastoriza Varela

33 Debuxo, por Laura Cabal García

35 Muller do fogar, por Verónica Eugenia Iglesias Pérez

36 O Sexador, por Juan Diego Ingelmo Benavente

37 Un novo código, por Emilio Pablo Hueso Arevalillo

38 Mente, por Roberto Cores Ferreira ( 1º Accésit )

40 Día do pai, por Alberto Lorenzo Otero

41 Desodorante, por Patricia Portela Vaamonde

45 Fíxate, por Celestino Barreiro Torrado e Rafael Rumbo Vieira ( 2º Accésit )

52 Iguais, por Belén Otero Mouro

54 Sae e xoga pola igualdade, por Lucía Blanco Torres

55 Non queremos ser bonecas, por Marta Paz Naveiro

56 Non é unha muller, por Noemí Cubillo Rico ( 1º Premio )

58 Cabeza, por Antón Lezcano González

59 Oferta, por Rafael Pier Romero

60 Credulidade, por Manuel Ramas Quilez

63 Pseudonimo: Del Lagrace, por Iria Presedo Martínez

64 Tanta loita para isto?, por Esther Amil Bastardo

Traballos premiados no concurso IGUAIS de publicidade antisexista

2011-03-13T11:07:00.003+01:00

Primeiro premio

Non é unha muller

Noemí Cubillo Rico

Primeiro accésit

Mente

Roberto Cores Ferreira

Segundo accésit
Fíxate
Celestino Barreiro e Rafael Rumbo

O festival Mulleres arte+parte 3 ofrecerá unha vídeo-creación de Ana Domínguez, codirectora do festival Cinema S8

2011-03-10T10:12:00.003+01:00

Durante toda a tarde do festival, que se celebrará o sábado 12 de marzo en EXPOCORUÑA, proxectarase a video-creación titulada “Autorretrato”

Obxectivo deste evento, que terá carácter multidisciplinar e se pechará co concerto de “Ojos de Brujo”, é reivindicar o papel protagonista das mulleres nas distintas disciplinas artísticas

O recinto de EXPOCORUÑA acollerá o sábado 12 de marzo a terceira edición do festival Mulleres Arte + Parte, promovido pola Concellaría de Igualdade e concibido como un evento multidisciplinar que ten como obxectivo reivindicar o papel protagonista das mulleres nas distintas disciplinas artísticas, nas que historicamente foi relegada como simple elemento decorativo. Por tanto, serán elas o eixo condutor dun encontro no que se mesturarán as artes plásticas, as artes escénicas e, por suposto, a música, cun atractivo programa que se dará a coñecer en próximas datas.

Durante todo o transcurso deste festival, que dará comezo ás 18.30 horas, proxectarase a videocreación “Autorretrato”, da recoñecida creadora Ana Domínguez, que é xunto con Ángel Rueda co-directora do festival de cinema S8 (Mostra de Cinema Periférico).

A peza que os asistentes poderán ver en EXPOCORUÑA está inspirada na tribu dos Yanomami, que significa ser humano. Indica a videocreadora, en referencia á súa obra, que os Yanomami “tíznanse a pel cando van á guerra para que non os distingan na selva. A miña introversión convértese nunha pintura, que me defende…que me fai menos vulnerable...que me fai forte…Capas de auto protección das que me desposúo a intres, para cubrirme de novo”.

Ana Domínguez cursou estudos de arte en Santiago, Barcelona e Alemaña, onde se desenvolve a súa traxectoria artística, con exposicións e deseños de decorados e vestiario para teatro. Ao seu regreso a Galicia forma parte do grupo multidisciplinar e intercultural, Proxecto Ninguén, onde realiza performances pictóricas por todo o territorio galego sendo a autora da portada do disco Ball-Cans, xerme do espectáculo, ano 2000.

Comeza a realizar traballos no cine e a televisión como deseñadora artística e attrezzo. A partir de aquí desenvolve a súa creatividade producindo traballos audiovisuais de autor e creando os seus propios. Actualmente está inmersa na creación, dirección e produción do documental Os Fillos da Vide, á vez que desenvolve diversos traballos de vídeo-creación e instalacións como Tendales Azules, La Basura de mi Casa, Oyemiramundos e Guerreras Amarillas.

Desde o 2009 forma parte xunto con Ángel Rueda e Miguel Mariño de F.D.I , plataforma de Acción Audiovisual Performativa, que formou parte do OutonArte 2009 da Coruña. Actualmente con F.D.I ten prevista unha performance a finais de marzo no país vecino Portugal, concretamente en Oporto. É directora xunto a Ángel Rueda do (S8) Mostra de Cinema Periférico que chegou ao mundo no 2010.

PROGRAMA DO FESTIVAL

O acceso ao recinto de EXPOCORUÑA será gratuíto no que se refire á participación nas actividades previas aos concertos. O acceso ao programa musical terá un custo de 10 euros en entrada anticipada -que se poderá adquirir en Ticketmaster, Novacaixagalicia e Portobello- e 15 euros o mesmo día en taquilla.

O programa inclúe disciplinas como as artes plásticas, nas que destaca a exposición pictórica colectiva “En Feminino”, comisariada pola artista coruñesa Rebeca Ponte, con obras da propia Rebeca Ponte, Belén Cossío, Mónica Pan, Lara Pintos, Noelia Buján e Yolanda Dorda. A mostra presenta a obra de seis artistas mulleres que na súa propia linguaxe creativa, diferente e persoal, dialogan co público a través do espazo expositivo sobre a imaxe da muller. No marco desta exposición, Rebeca Ponte ofrecerá unha performance aos asistentes.

Tamén ofrecerase unha actuación do dúo artístico galego Duelirium, integrado por Mercè Solé e Raquel Oitavén, que desenvolve unha linguaxe propia deseñando as súas propias estruturas, elementos aéreos e vestiarios mesturados cun toque persoal. Trapecio, danza vertical, teas, voo, contorsión, danza, malabares…Son só algunhas das técnicas que fusionan nos seus espectáculos baixo unha concepción artística propia. Tamén se procederá, no transcurso do festival, a facer público o fallo do concurso “Iguais” de publicidade antisexista, ás 20.30 horas.

O prato forte chegará cos concertos , que comezarán ás 21.30 horas e inclúen aos grupos de fusión coruñeses Duplo Son e Chotokoeu. A xornada concluirá coa actuación do grupo Ojos de Brujo, que está realizando a súa xira de despedida, que comezou en xaneiro e rematará en decembro. Por tanto, o público coruñés será un dos privilexiados que poderá ver a Ojos de Grupo nunha das súas últimas actuacións, no marco do festival Mulleres Arte + Parte.

HORARIO DE ACTIVIDADES

Sábado 12 de marzo:

18.00: Apertura de portas.

18.30: Actuación das equilibristas da compañía Duelirium.

19.15: Comezo da mesa redonda coas artistas da zona expositiva “En Feminino”

20.30: Fallo do xurado do concurso “Iguais” de publicidade antisexista.

20.45: Danza-Performance “En Feminino”.

21.00: Final das actividades. Apertura da taquilla e portas do concerto.

21.30: Concertos: Duplo Son, Chotokoeu e Ojos de Brujo.

Caderno de orientación sobre linguaxe administrativa neutra

2011-03-09T09:45:00.000+01:00

A Deputación da Coruña vén de sacar un "Caderno de orientación sobre linguaxe administrativa neutra". No seguinte enlace podedes coñecelo, imprimilo ou gardalo:

Ver o Caderno de orientación sobre linguaxe administrativa neutra

8 de marzo, Día internacional das mulleres

2011-03-08T11:54:00.001+01:00

O Día Internacional das Mulleres achegarase este ano aos centros cívicos para fomentar a igualdade entre toda a cidadanía

2011-03-07T14:40:00.001+01:00

A CONCELLEIRA DE IGUALDADE E PARTICIPACIÓN CIDADÁ PRESENTOU HOXE O PROGRAMA PREVISTO CON MOTIVO DESTA CONMEMORACIÓN, QUE SE INICIARÁ TRAS AS CELEBRACIÓNS DO ANTROIDO CO FESTIVAL MULLERES ARTE + PARTE

A concelleira de Igualdade e Participación Cidadá, Margarida Vázquez, presentou hoxe o programa previsto para a conmemoración do Día Internacional das Mulleres, o 8 de marzo. Nesta comparecencia, Margarida Vázquez estivo acompañada por BetI Rico, coordinadora de programas da Concellaría de Igualdade e Participación Cidadá.

A concelleira sinalou que dado neste ano a data coincide co Antroido, polo que unha vez que conclúan as tradicionais celebracións desta festa se iniciará o programa previsto para a conmemoración do 8 de Marzo, que este ano leva como lema “A Coruña, medrando en igualdade”. O pistoletazo de saída ás actividades, que se prolongarán case até Semana Santa, darase co Festival Mulleres Arte + Parte, previsto para o sábado, 12 de marzo, en EXPOCORUÑA. Este evento multidisciplinar ten como obxectivo reivindicar o papel protagonista das mulleres nas distintas disciplinas artísticas, nas que historicamente foi relegada como simple elemento decorativo. Por tanto, serán elas o eixo condutor dun encontro no que se mesturarán as artes plásticas, as artes escénicas e a música.

Neste sentido, Margarida Vázquez salientou que os obxectivos e o programa de Mulleres Arte + Parte ven a entroncar coa filosofía da conmemoración do Día Internacional das Mulleres, no que se reivindica a necesidade de seguir impulsando dende todos os ámbitos de representación o benestar das mulleres removendo os obstáculos que o impidan para encarar a década cun compromiso equilibrado de futuro. Así se reflicte na declaración institucional do Concello da Coruña con motivo do 8 de Marzo que, tal como adiantou a concelleira, foi aprobada por unanimidade no Pleno celebrado hoxe.

Nesta declaración o Concello da Coruña comprométese a incentivar a perspectiva de xénero nas políticas activas de emprego que a desenvolven a nivel local, invitar ás administracións a fortalecer a colaboración para mellorar os servizos e programas de apoio á conciliación laboral e familiar, e instalas a que participen activamente en incentivar políticas de xénero.

Con respecto ao programa do Día Internacional das Mulleres, Margarida Vázquez lembrou que o seu departamento leva moito tempo traballando la promoción desta conmemoración a través de múltiples actividades. De feito, o pasado ano participaron, a través dos centros de ensino de infantil e primaria, un total de 941 nenos e nenas da cidade.

Para este ano están previstas, ademais de Mulleres Arte + Parte, numerosas actividades vencelladas fundamentalmente aos centros cívicos, co fin de implicar á cidadanía dos diferentes barrios da cidade do fomento das políticas de igualdade. Así, Margarida Vázquez destacou propostas como os obradoiros de sensibilización en igualdade interxeneracional, pensados para todas as idades a partir de 16 anos, nos que se revisen os vellos contos, dominados polos valores estereotipados e pola violencia contra as mulleres. Estes obradoiros, tal como figura no programa que se adxunta xunto con esta nota de prensa, celebraranse en oito centros cívicos entre os días 15 de marzo e 13 de maio.

Tamén lembrou a concelleira que se retomará a itinerancia da exposición do obradoiro de corresponsabilidade, sobre os tópicos sexistas que rodean á división do traballo nas tarefas domésticas. Recuperar a historia das mulleres será o obxectivo doutra das actividades programadas, que leva por título “Mulleres no rueiro” e que consiste nunha homenaxe ás 37 mulleres que teñen rúas dedicadas na Coruña dun total de 1.500 vías. Así, realizarase un itinerario guiado achegando ás persoas participantes a historia descoñecida destas mulleres, nunha actividade que se desenvolverá en cinco centros cívicos.

Por último, Margarida Vázquez resumiu o contido dos actos do ciclo audiovisual programado tamén para esta conmemoración, coa proxección de tres documentais que levan por título Irene a porteira, Pádel e Medina Feminino de Baloncesto, e con contidos que se resumen no documento sobre o programa, así como a longametraxe documental titulada “A maleta de Sofía”, na que se recupera a historia e a vida de Sofía Casanova, escritora, poeta e a primeira muller correspondente de guerra da historia, como lembraba Margarida Vázquez.

Final do vídeo promo de arte+parte 3

2011-03-07T09:53:00.000+01:00

Terceira e última parte das aventuras de Roxy pola Coruña. Chega o día do festival e Roxy acude máis que ben acompañada. Praia, campo e cidade. Nova masculinidade, ocio alternativo e protagonismo feminino nas artes. Agardamos vervos este sábado 12 de marzo en EXPOCORUÑA. A partir das 18:00 actividads gratuítas, e a partir das 21:00 apertura de portas para os concertos de Duplo Son, Chotokoeu e Ojos de Brujo.

A Concellaría de Igualdade e Participación Cidadá fomenta a utilización da linguaxe non sexista coa organización de cursos on-line gratuítos

2011-03-04T13:29:00.002+01:00

O día 2 de marzo deu comezo o primeiro dos cursos de “Lingua e usos non sexistas”, organizados pola Concellaría de Igualdade e Participación Cidadá.

O obxectivo principal desta formación é analizar os usos que facemos da linguaxe para ter a capacidade de identificar o sexismo que transmite, e achegar as ferramentas máis adecuadas para reelaborar cada contexto lingüístico.

Trátase dun curso totalmente gratuíto que se imparte na modalidade on-line, de 10 horas de duración, cunha única sesión presencial de dúas horas na que se da a coñecer o manexo da plataforma de formación e apórtase unha introdución aos contidos do curso. Esta sesión presencial lévase a cabo na aula do Centro de Participación Cidadá do Birloque.

O curso “Lingua e usos non sexistas” ofrece unha oportunidade excelente para reflexionar sobre os usos que facemos da linguaxe, analizando o sexismo que moitas veces poida comunicar e formulando os recursos e as solucións que a propia lingua posúe ou, cando é necesario, introducindo innovacións.

Nesta primeira quenda participan un total de 25 persoas. Algunhas delas forman parte do alumnado doutros programas formativos da nosa Concellaría e consideran este curso como un complemento moi útil e necesario. O grupo completase con persoal técnico do Concello que traballa na área de igualdade e participación cidadá.

O próximo día 22 de marzo dará inicio unha segunda edición do curso, para a que aínda está aberto o prazo de inscrición. As persoas interesadas poden solicitar información no Centro de Participación Cidadá, na Avenida de Glasgow, nº 10, teléfono 981 189 869; ou por correo electrónico no enderezo: participacion@coruna.es

Boletín de marzo do banco de tempo

2011-03-03T12:12:00.002+01:00

Fallo do xurado do concurso IGUAIS

2011-03-02T10:51:00.003+01:00

O próximo 12 de marzo, sábado, no recinto feiral EXPOCORUÑA, poderase ver unha exposición dos traballos presentados e admitidos ao concurso IGUAIS de publicidade antisexista. A apertura de portas para visitar esta exposición será ás 18:00 horas. Nese mesmo marco, ás 20:30 horas, procederase á lectura do fallo do xurado.

COMPOSICIÓN DO XURADO

Presidente:

D. Francisco Gallego Guisán, Asesor Técnico da Concellaría de Igualdade e Participación Cidadá en delegación de Margarida Vázquez Veras, Concelleira de Igualdade e Participación Cidadá

Vogais:

Dª. Mercedes Begoña Rico Rodríguez, Coordinadora de Centros e Programas da Concellaría de Igualdade e Participación Cidadá do Concello da Coruña.

Dª. Xulia Santiso Rolán, Conservadora da Casa-Museo Emilia Pardo Bazán.

D. Javier Álvarez Franco, profesor da Escola de Artes e Superior de Deseño Pablo Picasso da Coruña.

D. Julio Vázquez López, deseñador, coordinador e dinamizador do concurso IGUAIS de publicidade antisexista e responsable de Deica Management, S.L. empresa de iniciativas culturais.

Dª. Carmen Fernández Rivera, Directora do MACUF (Museo de Arte Contemporáneo Unión-Fenosa) da Coruña.

Dª: Nadia álvarez Fernández, en representación da Revista de Pensamento Feminista “Andaina”.

Secretario:

D. Javier Varela Carro, Xefe de Departamento de Igualdade e Participación Cidada do Concello da Coruña.

Esta exposición é unha das actividades que se desenvolverán dentro da terceira edición do festival Mulleres arte+parte 3.

Presentación da programación completa de arte+parte 3

2011-02-28T12:56:00.004+01:00

Na mañá de hoxe presentouse en EXPOCORUÑA a programación completa do festival Mulleres arte+parte 3. Esta presentación contou con Margarida Vázquez, Concelleira de Igualdade e Participación Cidadá, e Henrique Tello, Primeiro Tenente de Alcalde, pola parte do Concello, e Ana Montes, Xerente de EXPOCORUÑA. Ademais, diversos representantes das empresas colaboradoras, como Roberto Vázquez, director do Centro Comercial "Los Rosales", e Iria Rodríguez en representación de GADISA, se deron cita para amosar o seu apoio a esta edición dun festival que pretende ser unha pedra de toque sobre o protagonismo feminino nas artes.

A principal novidade desta edición é o adianto do festival que se celebrará no Centro Comercial "Los Rosales" este venres 4 de marzo ás 18:30. Alí poderase ver a actuación da Cía Duelirium e un obradoiro infantil de circo. Tamén é de resaltar a vídeo-creación de Ana Domínguez que se poderá ver durante toda a tarde do 12 de marzo.

Vémonos en arte+parte 3!!!!!!

De esquerda a dereita, Roberto Vázquez, Director do Centro Comercial "Los Rosales", Ana Montes, Xerente de EXPOCORUÑA, Iria Rodríguez de GADISA, Margarida Vázquez, Concelleira de Igualdade e Participación Cidadá e Henrique Tello, Primeiro Tenente de Alcalde do Concello da Coruña.

Enlaces que che poden interesar:

Info sobre venda de entradas

Info na guía GO

Web de EXPOCORUÑA

Vídeo promo 1

Vídeo promo 2

Facebook do festival

Páxina de Turismo da Coruña

Noticia Opinión Coruña sobre Ojos de Brujo

A portada da guía GO de marzo estará protagonizada polo arte+parte 3

2011-02-25T10:27:00.002+01:00

Esta é a espectacular portada que a guía GO adicará ao noso festival coincidindo co seu número de marzo. Tamén teñen colgada info correspondente neste enlace.

Arte+parte 3 pasearase polo Centro Comercial "Los Rosales" o venres 4 de marzo

2011-02-24T12:54:00.001+01:00

As rapazas da Compañía Duelirium realizarán diferentes acrobacias sobre o chan e. logo, desenvolverase un superobradoiro infantil de circo para todos os nenos e nenas que o desexen. Todo isto a partir das 18:30 na Praza da Moda deste Centro Comercial.

O propio 12 de marzo, dentro do desenvolvemento do festival en EXPOCORUÑA, poderemos ver a estas artistas desenvolvendo as súas acrobacias aéreas!!!!!

Información actividades de entroido Centro Comercial "Los Rosales"

Información Cía. Duelirium

Vídeos promocionais da terceira edición de arte+parte

2011-02-22T13:37:00.002+01:00

Por agora están en dúas partes....e ameazan cunha terceira!!!! En todo caso, os centos de visitas que levan en youtube indican un moi bo acollemento ás aventuras coruñesas de Roxy!!!!

Primeira parte

Segunda parte

Xa están á venda as entradas para arte+parte 3

2011-02-21T14:08:00.000+01:00

Podedes compralas a prezo anticipado en:

Ticketmaster (enlace directo)

Taquillas de NovaCaixaGalicia (enlace directo)

Discos Portobello (a partir de mañá martes)

Ojos de Brujo encabezará o festival Mulleres arte+parte

2011-02-17T11:23:00.005+01:00

O grupo barcelonés Ojos de Brujo encabezará o cartel do festival Mulleres arte+parte na súa terceira edición. Este grupo gañou un Grammy latino en 2007. Esta será a súa primeira actuación en Galicia dentro da súa anunciada xira de despedida dos escenarios.

O proxecto de Ojos de Brujo créase en Barcelona, en 1996, a raíz do encontro, en diferentes jam sessions, de distintos músicos da escena barcelonesa do momento. É destes encontros dos que xurdirán as cancións que conformarán o seu primeiro disco, Vingue, que ve a luz en 1999. Edítase, ademais de en España, noutros países como Bélxica, Holanda, Francia, Italia e Alemania, promocionándose en festivais ao longo e ancho de Europa. O boca a boca supuxo un papel vital na difusión do disco, chegando a vender corenta mil copias, vinte mil delas en oito meses.

A formación do grupo se estabilízase con Ramón Giménez, Juanlu, Mariña "a canillas", Xavi Turull, Panko, Sergio Ramos e Maxwell Wright, pero sempre contando con colaboracións de todo tipo. En 2001 rompen contrato coa súa discográfica, Edel, optan pola autoxestión e comezan a xira "Abrindo portas por toda España".

En 2002 editaron Barí, da man de La Fábrica de Colores, un selo discográfico que crean e autoxestionan para a produción e edición dos seus propios traballos. Este disco suporá o seu definitivo despegue a nivel internacional e a súa xira promocional lévaos por festivais de EEUU, México, Canadá, Xapón, Colombia, Marrocos, Portugal, Cuba, Hungría, Francia, Alemania, Holanda, Dinamarca, Noruega e Italia entre outros países.

O 20 de febreiro de 2006, publican o seu terceiro traballo titulado Techarí en Diquela Records. Neste álbum colaboran Pepe Habichuela, Martirio, Cyber (membro de Asian Dub Foundation) e Nitin Sawhney entre outros. Saíu á venda en dúas edicións diferentes, unha normal e outra deluxe ilustrada por graffiteiros, ilustradores e comiqueiros de varios países.

En 2007 editan o seu primeiro disco en directo chamado Techarí Live, onde interpretan os temas do seu último disco e unha versión de Bob Marley, "Get Up, Stand Up" xunto con Faada Freddy (DaraJ). Este disco vén acompañado cun DVD cun concerto gravado en Barcelona o 22 de decembro de 2006, un documental sobre a banda e extras.

En próximos días a Concellaría de Igualdade e Participación Cidadá dará a coñecer o conxunto de actividades programadas para esta nova edición do arte+parte.

Boletín de febreiro do Banco de tempo

2011-02-11T17:55:00.000+01:00

A Concellaría de Igualdade e Participación Cidadá participou no seminario final do Proxecto Equilibrio no Congreso dos Deputados en Madrid

2011-02-11T17:32:00.002+01:00

A concelleira de Igualdade e Participación Cidadá, Margarida Vázquez, asistiu en Madrid ao Seminario final do Proxecto EQUILIBRIO para a conciliación da vida laboral, familiar e persoal, proxecto europeo do que forman parte entidades locais do Estado Español e Noruega. A presentación do traballo desenvolvido desde o Concello da Coruña correu a cargo da Coordinadora de Programas da Concellaría de Igualdade Beti Rico, dentro da Mesa II denominada: “Facilitando la vida a la ciudadanía: políticas de apoyo a la conciliación: distintas iniciativas”, xunto con outros concellos de España como Aranda del Duero, Barcelona, Alcalá de Henares e mais o Concello da Marnarbal e o Condado de Vest Adger de Noruega.

Datos do Proxecto

O proxecto Equilibrio está financiado por Islandia, Liechtenstein e Noruega a través do Mecanismo Financeiro do Espazo Económico Europeo (EEE) e o Instituto da Muller. Trátase dun proxecto liderado polo Instituto da Muller en colaboración coa Federación Española de Municipios e Provincias (FEMP) e a Asociación Norueguesa de Entidades Locais e Rexionais.

 Como se van realizar estes Plans de Conciliación en cada municipio?

A consecución dos fins operativos programados contará cun equipo de traballo que, en función dunha metodoloxía creada ad hoc no marco do Proxecto, encargarase de asesorar e acompañar tecnicamente ás Entidades Locais. Os labores a realizar, en estreita colaboración co persoal técnico do Concello da Coruña, consistirán no diagnóstico, a detección de fortalezas e áreas de mellora dos recursos do territorio que favorecen a conciliación e a corresponsabilidade da cidadanía e, tamén, a priorización de medidas a pór en marcha a curto, medio e longo prazo. O resultado do asesoramento será o Plan de Conciliación Municipal que, avalado polo compromiso do Consistorio da Coruña, terá a posibilidade de comezar e executar as primeiras accións programadas até febreiro de 2011.

 En que áreas municipais terá efectos directos o Plan de Conciliación?

Cada Plan favorecerá a conciliación do tres ámbitos da vida (laboral, persoal e familiar) incidindo en dous niveis da intervención local, un cara á cidadanía e outro cara aos seus propios traballadores e traballadoras. É dicir, por unha banda, no nivel interno ou da xestión dos recursos humanos que traballan no Concello e por outro, no nivel externo ou das políticas municipais dirixidas a mellorar a harmonización dos tempos de vida da cidadanía (medidas para a flexibilización dos tempos da cidade e do traballo, servizos de lecer e de atención a menores e persoas dependentes xunto a campañas para o cambio de crenzas e comportamentos cara á corresponsabilidade da sociedade).

 Cales son os resultados que conseguirá o Concello da Coruña coa súa participación no Proxecto?

Un estudo-diagnóstico sobre a situación de partida, os recursos dispoñibles e/ou potenciais favorecedores da conciliación, así como as necesidades e demandas cidadás deste municipio en materia de conciliación da vida persoal, familiar e profesional.

A aprobación dun Plan de conciliación axustado ás necesidades concretas da nosa localidade.

A posta en marcha das primeiras actuacións contempladas no Plan de Conciliación.

A visibilización do Concello cara ao exterior como unha organización comprometida coa harmonización dos tempos da cidadanía e como exemplo para outros Concellos interesados en incorporar estratexias viables á súa política de actuación para promover a harmonización do tres espazos de vida.

Aproxímase a terceira edición de arte+parte!!!

2011-02-08T18:26:00.000+01:00

Un amigo do festival enviounos esta vídeocreación propia onde vemos á nosa amiga Roxy de paseo pola praia do Orzán...e non está soa!!!!

Vídeo da Domus conmemorando o 25 de novembro de 2011

2011-02-07T09:33:00.000+01:00

Vídeo de DalleQLibras, empresa encargada da iluminación da Domus con motivo do 25 de novembro, Día internacional contra a violencia de xénero:

Manifesto pola igualdade de xénero no sistema de pensións

2011-02-02T12:59:00.000+01:00

Podedes coñecelo e asinalo neste enlace:

Manifesto pola igualdade de xénero no sistema de pensións

MUFEST: festival de cine feito por mulleres

2011-02-02T11:44:00.001+01:00

Desde Andaina quérennos convidarvos a que asistades á segunda edición do Mufest que terá lugar este mes de Febreiro en Santiago de Compostela. As bases do festival - e, nos vindeiros días, tamén o programa- podédelas atopar en:

www.andainamulleres.org.

A Concellaría de Igualdade abre un cuarto espazo de atención á infancia situado na Sagrada Familia dentro do programa de canguros municipais

2011-02-02T11:26:00.001+01:00

A Concellaría de Igualdade e Participación Cidadá abriu o cuarto espazo de atención á infancia municipal. Está situado con Centro Social de Sagrada Familia. Con este novo espazo amplíase a cobertura do programa de canguros municipais dando un novo servizo á zona do Agra do Orzán, Os Mallos, Sardiñeira e a propia Sagrada Familia.

A este espazo de atención á infancia poden acudir menores desde os catro ata os doce anos, en horario de 16.30 a 20.30 horas. As persoas interesadas en usar este servizo poden obter máis información con Centro de Información á Muller e no teléfono 981184356.

Desde que comezou este servizo municipal, no ano 2009, atendéronse entre as modalidades de espazos de atención, ludoteca e atención a domicilio un total de 1.200 familias e 1.800 menores.

Deporte en igualdade

2011-02-01T12:49:00.001+01:00

Sorpréndenos agradablemente a portada de hoxe do especial RIAZOR da Voz de Galicia adicado ao deporte local cunha instantánea destes dous rapaxes, rapaz e rapaza, disputando un balón nun dos encontros disputados esta fin de semana. Quen levaría o gato, o esférico, á auga???

Boletín de xaneiro do Banco de tempo da Coruña

2011-01-28T14:02:00.000+01:00

Xa podes seguir a actualidade da terceira edición do Festival Mulleres arte+parte

2011-01-27T18:09:00.003+01:00

Para iso, podes premer na imaxe que atoparás na parte superior esquerda deste blog ou entrar directamente no espazo web adicado en exclusiva ao festival Mulleres arte+parte.

Charla/Xornada sobre búsqueda de emprego no Centro Cívico de Eirís

2011-01-19T09:17:00.006+01:00

Desde o Banco do Tempo,e grazas a un dos nosos socios, Felipe García Rei, imos organizar conxuntamente unha charla/xornada sobre procura de emprego e como distinguirnos.

Felipe axudaranos a coñecer cales son as nosas vantaxes, as nosas características para poder sacar todo o noso potencial.

Trátase de coñecernos mellor, ser conscientes das características, que temos cada unha/ou de nós/vos, que nos poden distinguir ante unha oferta de traballo, preparar e afrontar unha entrevista de traballo, coñecer as novas técnicas que se están empregando nas entrevistas persoais, saber onde buscar emprego, como presentarnos....

Ademais tratarase un factor que todas/todos ante unha entrevista ou reunión importante: o medo. Que podemos facer con el ?, Pódenos axudar ?

Para iso animámosvos a participar nesta charla que se celebrará o día 28 de xaneiro de 17 a 19 horas. O lugar escollido é o Centro Cívico de Eirís.

Como chegar premendo AQUÍ.

Dirección:
Rúa Frei Pedro Paio Piñeiro (CCM Eirís), s/n
15009. A Coruña.
Horarios do Centro Cívico:
Luns a venres de 09:00 h. a 14:00 h. e de 16:00 h. a 21:00 h.
Sábado de 10:30 h. a 13:30 h. e de 16:00 h. a 21:00 h.
Domingo de 16:00 h. a 21:00 h.

Teléfono: 636 576 043

Se coñecedes a alguén que poida estar interesada/ou en asistir nesta charla non dubidedes en difuncirlo. O requisito é inscribirse antes do 25 de xaneiro cos seguintes datos:

• Nome e apelidos:

• Idade:

• Situación laboral actual:

• E-mail:

• Número de teléfono:

Podédelo facer vía mail en bdt@coruna.es ou chamando ao 981 18 43 56.

Encantaríanos poder contar coa vosa presenza xa que esta charla pode marcar un antes e un despois. Ídevola perder?

Corrección de erros nas bases do concurso IGUAIS de publicidade antisexista

2011-01-18T12:21:00.004+01:00

Consultar bases completas en www.iguais.org

Publicamos aquí a sustitución da cláusula sétima por un erro na súa publicación. En todo caso, este erro afecta ao coñecemento e difusión dos traballos premiados e seleccionados. En ningún caso ao prazo de entrega, forma ou formato.

CORRECCIÓN DE ERROS
SUSTITUÍR CLÁUSULA SÉTIMA POLO SEGUINTE TEXTO:

SÉTIMA. Prazos de concesión e entrega de premio

Unha vez resolto o fallo, o Xurado procederá á apertura dos sobres nº2 das persoas gañadoras, facéndose pública a súa identidade no marco dun acto específico arredor da conmemoración do 8 de marzo, Día internacional das mulleres. Os traballos premiados, así como unha selección das mellores obras a xuízo do Xurado, formarán parte de diferentes proxectos expositivos da Concellaría.

ESTA CORRECCIÓN APARECEU PUBLICADA NO B.O.P. PUBLICADA NO BOP DO 28 DE XANEIRO DE 2011. Consultar corrección no BOP

Servizo municipal de atención á infancia-Canguros Municipais

2011-01-18T10:08:00.004+01:00

CANGUROS MUNICIPAIS CONCELLO DA CORUÑA

O SERVIZO DE ATENCIÓN Á INFANCIA

O Servizo de atención á infancia para a conciliación da vida laboral, familiar e persoal (Canguros Municipais), é un servizo especializado no coidado e atención dos/as menores das unidades familiares que desenvolven a súa actividade profesional e/ou formativa na cidade da Coruña, para a conciliación da vida laboral, familiar e persoal. Este servizo está regulado pola correspondente Ordenanza municipal, publicada no BOP nº 44 do 23/02/2009.

Este servizo contempla as seguintes modalidades:

1) ESPAZOS DE ATENCIÓN Á INFANCIA DE CARÁCTER COLECTIVO (E.A.I.):

Esta modalidade do servizo proporciona acollemento e desenvolvemento de actividades lúdico-educativas a grupos de menores de idades comprendidas entre os catro e doce anos (artigo 8 da Ordenanza). As excepcoionalidades a este tramo de idade serán resoltas polo equipo técnico do programa de Canguros.

Ubicacións:

Centro de Formación e Emprego dos Rosales

Estrada dos Fortes s/n e Rúa Simón Bolívar s/n

Horario: 15:00 a 20:00 horas

Centro Cívico do Castrillón

Praza Pablo Iglesias s/n

Horario: 16:00 a 20:30

Centro Cívico de Monte Alto

Rúa Vereda do polvorín, 4

Horario: 15:00 a 20:30

Centro Social Sagrada Familia (Desde o 24 de xaneiro de 2011)

Rúa Sagrada Familia, 26, baixo.

Horario: 16:30 a 20:30

Pódese empregar un máximo de 40 horas mensuais por menor. Inscrición previa no 981 184 356.

2) ATENCIÓN Á INFANCIA A DOMICILIO:

Esta modalidade do servicio dá resposta no propio domicilio a necesidades de carácter extraordinario e proporciona coidados e atencións lúdico-educativas a menores de idades comprendidas entre os catro meses e os doce anos (artigo 10 da Ordenanza).

Máximo 48 horas anuales por unidade familiar

3) LUDOTECAS:

Esta modalidade do servizo está dirixida á poboación infantil de idades comprendidas entre os catro e doce anos, favorecendo o seu desenvolvemento persoal, social, afectivo e congnitivo, a través de xogos e xoguetes (artigo 9 da Ordenanza). As ludotecas atopándse reguladas polo Decreto 354/2003, do 16 de setembro, publicado do DOG nº 187 do 26/09/2003.

Segundo a disposición transitoria da Ordenanza do servizo, a posta en marcha de cada una das modalidades do servizo realizarase en función da dispoñibilidade dos recursos materiais e persoais necesarios para a súa axeitada realización.

Ubicación:

Centro Cívico e Social de Novomesoiro

Rúa Ancares s/n

Horario: de luns a venres 17:30 a 20:30. Sábados de 10:30 a 13:30

Inscrición previa no 981 184 356

REQUISITOS XERAIS PARA ACCEDER AO SERVIZO:

Para acceder a este servizo deberán cumplirse os seguintes requisitos:

a) Precisar medidas de conciliación da vida persoal, laboral e familiar no municipio da Coruña. Enténdese que concorren estas necesidades no término municipal:

· Para solicitar o servicio de atención a domicilio, cando o responsable do menor ou o menor estean empadroados no municipio da Coruña.

· Para solicitar o servizo nos E.A.I. ou nas ludotecas, cando o responsable do menor ou o menor estean empadroados no municipio da Coruña, o menor estea cursando estudios nun centro de ensino domiciliado no municipio da Coruña ou cando o responsable do menor sea empregado público, traballador por conta propia ou allea, nun centro de traballo domiciliado no municipio da Coruña.

b) Solicitar o servizo, en razón dalgunha das casuísticas ou motivacións sinaladas conforme a cada unha das tres modalidades de atencións.

c) Non dispor doutro recurso axeitado, según informe motivado dos técnicos municipais.

d) Que o/a menor non requira coidados especiais que excedan da capacidade do servizo, según a valoración do persoal técnico municipal.

Co Servizo de atención á infancia para a conciliación da vida laboral, familiar e persoal,

A CORUÑA ATENDE EN IGUALDADE

PARA SABER MAIS SOBRE ESTE SERVIZO, INFÓRMATE EN:

Centro de Información ás Mulleres (CIM)

Barrio das Flores - Rúa Hortensias s/n, 15008, A Coruña

Teléfono: 981 184356 - Fax: 981 184357

Concellaría de Igualdade e Participación Cidadá do Concello da Coruña

Praza de María Pita s/n, 15001, A Coruña

Teléfonos: 981 184309 - Fax: 981 184312

e-correo: igualdade@coruna.es

A continuación, dun xeito moi sinxelo, poderás descargar a solicitude de ALTA no Servizo. Unha vez cumprimentada, podes entregala no Rexistro Xeral do Concello en María Pita ou no existente no Fórum Metropolitano no Parque Europa. Debes acompañala da seguinte documentación básica:

Documentación que se ten que achegar coa SOLICITUDE DE ALTA no servizo:

- Fotocopia do DNI/NIE da persoa solicitante responsábel da/o menor.

- Documentación que acredite a relación da persoa solicitante coa/o menor ( Fotocopia do libro de familia ou, no seu caso, resolución xudicial ou administrativa )

Unha vez presentada no Rexistro Xeral a SOLICITUDE DE ALTA no servizo, desde o Centro Municipal de Información ás Mulleres (CIM) contactarase por teléfono coa/s persoa/s solicitante/s para concretar a data e hora dunha ENTREVISTA e presentar a documentación complementaria.

A COMUNICACIÓN da necesidade das diferentes modalidades que contempla o servizo realizarase no Centro Municipal de Información ás Mulleres, sito no Barrio das Flores, r/ Hortensias s/n, Tlf.: 981 18 43 56.

Alta no Servizo Municipal de Atención á Infancia:

Imprimir e/ou descargar solicitude de ALTA no Servizo ( galego )

Imprimir e/ou descargar solicitude ALTA no Servizo ( castelán )

Presentada a Guía para a convivencia nas comunidades veciñais

2011-01-13T13:09:00.003+01:00

Descargar a Guía para a convivencia nas comunidades veciñais

A “Guía para a Convivencia nas Comunidades Veciñais” é un pequeno manual de actuación dirixido á veciñanza da Coruña, co obxecto de mellorar a convivencia e as relacións entre as persoas que integran unha comunidade veciñal.

Desde a Concellaría de Igualdade e Participación Cidadá pretendemos ofertar á cidadanía unha ferramenta informativa útil e sinxela para dar resposta a moitas dúbidas comúns que se presentan nas comunidades veciñais.

O obxectivo é poñer a disposición da cidadanía un instrumento que contribúa a favorecer a tolerancia, o civismo e o respecto entre veciños e veciñas da Coruña, axudando a evitar e resolver pacíficamente os posibles problemas ou desavinzas que xurden inevitablemente na convivencia diaria.

A “Guía para a convivencia nas comunidades de veciños e veciñas” edítase cunha doble finalidade:

 Apoiar e complementar as actuacións desenvolvidas no Programa Convive de mediación en conflitos veciñais.

 Dar resposta a unha demanda de información detectada na cidadanía coa posta en marcha deste recurso municipal de mediación.

Efectivamente, desde o inicio do Programa Convive, recíbense no Centro de Participación Cidadá do Birloque numerosas consultas relativas ao funcionamento dunha comunidade veciñal, dereitos, obrigas, axudas, normativa ou recursos dispoñibles.

A “Guía para a convivencia nas comunidades de veciños e veciñas” reune moita información útil para dar resposta a este tipo de demandas de información:

- Normativa municipal sobre ruídos o tenencia de animais domésticos.

- Mantemento de espazos comúns dos edificios.

- Identificación e evitación de condutas molestas.

- Funcionamento das comunidades de propietarios/as.

- Obrigas e dereitos de propietarios/as e inquilinos/as.

- Reformas, instalación de ascensores, axudas á rehabilitación.

As guías están xa a disposición da cidadanía para a súa consulta no Centro de Igualdade e Participación Cidadá do Birloque e na páxina web da Concellaría.

Nos próximos días farase unha distribución da publicación que incluirá:

 Asociacións veciñais da cidade.

 Outras asociacións e entidades sociais.

 Centros Cívicos, asociativos e veciñais municipais.

 Bibliotecas municipais.

 Oficina Municipal de Información al Consumidor (OMIC).

 Oficina Municipal de Rehabilitación Urbana e Vivenda (“O Porto”).

 Administracións de fincas da cidade e Colexio Oficial.

A “Guía para a convivencia nas comunidades de veciños e veciñas” complementa as actuacións levadas a cabo no marco do Programa Convive de mediación en conflitos veciñais.

O Programa Convive é un recurso municipal totalmente gratuíto, dirixido á resolución pacífica de conflitos e problemas veciñais, e que atende a cidadáns e cidadás da Coruña, maiores de idade, e sempre a título individual e particular.

O programa centralízase nas dependencias do Centro de Participación Cidadá do Birloque, na Avda. de Glasgow 10, donde se realiza a atención presencial ás persoas interesadas en formular unha solicitude. As solicitudes poden facerse tamén vía telefónica e a través do correo electrónico ou a páxina web da concellaría.

A decisión de optar pola mediación como forma de solucionar un problema é sempre voluntaria para ambas partes, aínda que preséntase como unha boa opción. O proceso vai ser sempre máis rápido que outras vías de resolución de conflitos e pode evitar a vía legal.

O obxectivo é buscar de forma voluntaria unha solución pacífica de maneira conciliadora sin necesidade de recurrir á xustiza, o que normalmente supón un proceso moito máis longo e costoso.

O funcionamento do Programa Convive aséntase sobre un voluntariado cualificado. Neste momento están xa traballando un grupo de 11 persoas voluntarias, formadas e capacitadas para guiar os procesos de mediación.

Cada sesión do proceso é conducida por unha parella de mediadores e as reunións lévanse sempre a cabo nas dependencias do Centro de Participación Cidadá do Birloque, en horario de mañá ou de tarde, segundo á dispoñibilidade e as preferencias das dúas partes en conflito.

A figura do mediador ou mediadora é neutral e imparcial, NON XULGA, nin resolve. A súa función é a de axudar ás partes a xestionar os conflitos, favorecendo a comunicación e o diálogo entre ambas as dúas partes, para que sexan elas mesmas quenes cheguen á mellor solución.

No próximo mes de febreiro comenzará a impartirse un novo curso de formación en mediación veciñal, co obxecto de ampliar o equipo de mediadores e mediadoras do programa e ofrecer unha atención a cidadanía o máis flexible posible.

Este curso formativo é gratuíto e non se exise unha formación académica específica para formar parte do alumnado. A formación, moi práctica, é impartida por un grupo de profesionais en mediación e capacita ás persoas participantes para actuar como mediadoras.

DATOS DO PROGRAMA:

Dende o momento en que a Concellaría de Igualdade e Participación Cidadá puxo en marcha este recurso, a finais do mes de setembro, atendéronse numerosas consultas telefónicas demandando información sobre o Programa Convive e problemas de convivencia en comunidades veciñais.

A data de hoxe, temos recibido 17 solicitudes formalizadas para iniciar proceso de mediación. Destes procesos, 8 xa están pechados e 9 continúan en proceso. Os datos concretos son os seguintes:

 6 procesos de mediación resoltos con éxito mediante acordos de resolución.

 1 caso considerado non mediable por estar fora da competencia do programa.

 1 caso pechado porque unha das partes non accedeu a participar na mediación.

 9 procesos de mediación continúan abertos, pendentes de resolución.

Non hai un perfil determinado das persoas usuarias deste recurso. Aténdense tanto homes como mulleres de distintas idades. No que se refire a orixe, a maioría trátase de persoas de nacionalidade española e só nalgún caso aparecen implicadas persoas de nacionalidade estranxeira.

Segundo os datos de que dispomos, non existe unha zona ou un barrio da cidade donde existan maior número de conflitos. As 17 solicitudes repártense entre diferentes zonas da Coruña. Non hai ningunha coincidencia.

En canto á natureza dos conflitos, os ruídos molestos e a deshoras sitúanse claramente á cabeza dos problemas manifestados polas persoas usuarias. De feito, 10 das solicitudes de mediación veciñal foron por problemas deste tipo.

O resto dos conflitos manifestados foron por temas de salubridade e desacordos en canto a elementos comúns da comunidade veciñal.

Axudas para accións encamiñadas a eliminar a violencia contra as mulleres

2011-01-11T14:45:00.000+01:00

Consultar as bases AQUÍ

Vídeo de Rebeca Ponte onde se recolle a actividade desenvolvida nos Centros Cívicos do "Bosque de desexos e palabras" contra a violencia de xénero

2011-01-07T13:14:00.002+01:00

Bases do concurso "IGUAIS" de publicidade antisexista

2011-01-05T11:50:00.005+01:00

Consultar bases no BOP da provincia da Coruña de data 5 de xaneiro

Consultar corrección de erros publicada no BOP do 28 de xaneiro

Entrar en www.iguais.org

BASES DO CONCURSO DE PUBLICIDADE ANTISEXISTA “IGUAIS” DA CONCELLARÍA DE IGUALDADE E PARTICIPACIÓN CIDADÁ DO CONCELLO DA CORUÑA

PREÁMBULO

Da mesma forma en que a publicidade reflicte en moitísimas ocasións unha igualdade que existe, de certo, en tanto existe un corpus lexislativo que a consagra e en tanto houbo un cambio recente nos costumes que conduce cara a consecución deste obxectivo social común, tamén resulta en máis dunha ocasión un vehículo de perpetuación e transmisión de roles e estereotipos desigualitarios, cando non discriminatorios, que axudan, e de que forma, a perpetualos no tempo e a dotar de argumentarios de conciencia a aquelas persoas que non cren nesa igualdade nin na súa necesidade.

Con este Concurso de publicidade antisexista “IGUAIS” que convoca a nosa Concellaría de Igualdade e Participación Cidadá do Concello da Coruña pretendemos reflexionar sobre os códigos da publicidade gráfica actual, a que resulta desde logo máis vistosa e, posiblemente, influínte, á vez que achegar unha outra posible visión desta desde códigos igualitarios sen que se perda, en ningún momento, o seu carácter promocional e de difusión tanto de produtos como de ideas e necesidades.

PRIMEIRA. Participantes

Poderán participar nesta convocatoria todas as persoas físicas ou xurídicas, profesionais ou non, maiores de idade e de calquera nacionalidade, individualmente ou en grupo, que presenten soamente unha obra ou composición inédita e non premiada con anterioridade e co texto en galego.

SEGUNDA. Temática

O tema do concurso é “ A igualdade entre xéneros, unha reinterpretación da publicidade de carácter sexista e discriminatorio”. | Serán admitidos traballos de deseño realizados con calquer técnica, sempre nunha linguaxe cercana ao cartelismo e a publicidade. Os traballos presentados poderán afondar no concepto da contrapublicidade sempre e cando ésta non menoscabe os dereitos das empresas creadoras do deseño orixinal, e sen fundamentarse en referencias explícitas. Valoraráse a creatividade, calidade e carga crítica, que axuden ao espectador a reinterpretar as claves que actualmente rixen a linguaxe publicitaria, mostrando alternativas e visións diferentes sobre o cambio de roles. Así mesmo, será valorada a inclusión de textos ou slogans que axuden á dita reinterpretación.

TERCEIRA. Formato

Medidas: (45x65) Será presentado en cartón pluma de 1 cm. De grosor, sen cristal protector nin marco. Poderá utilizarse calquera técnica que permita a súa reprodución fotomecánica. Achegarase obrigatoriamente 1 copia dos traballos en soporte dixital en formato TIF a 300 puntos de resolución permitindo a súa reprodución a un tamaño mínimo de 100x70 cm.

Os traballos serán presentados de xeito que queden absolutamente ocultos, constando sobre o anverso do envoltorio a lenda “ I Concurso de publicidade antisexista IGUAIS”, e o título do traballo. Nunca a identidade da persoa concursante, a fin de garantir o anonimato:

Sobre número 1: Neste sobre entregarase o cartón pluma. No anverso consignarase con claridade “Sobre nº1” e o título da obra. Na mesma non aparecerá nome nin sinatura do autor ou autora.

Sobre número 2: Neste sobre entregarase o soporte dixital. No anverso consignarase con claridade “Sobre nº2” e o título do debuxo, e conterá un documento cos datos persoais da persoa concursante: nome e apelidos, enderezo completo, número de teléfono e dirección de correo electrónico. Ademáis, deberá incluir fotocopia do Documento Nacional de Identidade.

A Concellaría de Igualdade e Participación Cidadá do Concello da Coruña resérvase o dereito a engadir posteriormente o seu logotipo para a edición das obras que esta Concellaría premie e seleccione.

CUARTA. Dotación económica do premio

Establécense os seguintes premios:

Un Primeiro Premio, por valor de 5.000 euros.

Ata dous accésits de 2.500 euros.

O xurado pode contemplar desertos calquera dos accésits, premiando únicamente unha das obras presentadas.

QUINTA. Publicación, prazo e forma de presentación

Estas bases serán publicadas no Boletín Oficial da Provincia da Coruña.

O plazo de presentación das obras comenzará o día 10 de xaneiro de 2011 e finalizará o día 10 de febreiro de 2011 ás 13:00 horas.

Os traballos presentaranse en man no Rexistro Xeral do Concello da Coruña en calquera das súas ubicacións (Praza de María Pita, 1/ Rúa da Franxa 20-22/ Forum Metropolitano-Parque Europa) dirixidos á Concellaría de Igualdade e Participación Cidadá.

SEXTA. Composición e actuación do xurado.

Co fin de avaliar os traballos presentados, así como propoñer a selección da persoa ou persoas gañadoras do concurso, constituirase un xurado que estará presidido por Margarida Vázquez, Concelleira de Igualdade e Participación Cidadá do Concello da Coruña, ou persoa en quen delegue.

Formarán parte do mesmo como vocais as persoas que por ela se designen entre profesionais do ámbito social, cultural, artístico, da publicidade ou medios de comunicación.

O xurado actuará en pleno, sendo necesaria a asistencia de dous terzos dos seus membros. O Xurado adoptará as súas decisións con total independencia, sobre a base dos traballos presentados ao concurso de xeito anónimo, e o seu fallo deberá ser motivado. O fallo do Xurado será inapelable. A proposta de fallo será decidida polo xurado por maoiría de votos dos seus membros presentes. Finalmente, redactarase a acta correspondente. O réxime xurídico e de funcionamento do xurado será o disposto nos artigos 22 a 27 da Lei 30/1992, do 26 de novembro.

O Xurado está facultado para resolver cantas dúbidas sexan plantexadas sobre a aplicación e interpretación destas bases e das súas xuntanzas, que serán secretas. Será levantada acta pola súa Secretaria.

Recibidos os traballos, o xurado procederá á apertura dos sobres numerados co nº1. Da análise e valoración dos contidos dos traballos das persoas concursantes obterase polo Xurado a proposta dos gañadores e o fallo do concurso.

SÉTIMA. Prazos de concesión e entrega de premio

Unha vez resolto o fallo, o Xurado procederá á apertura dos sobres nº2 das persoas gañadoras, facéndose pública a súa identidade, entregándose premios no marco de celebración do Festival Arte + Parte o día 05 de marzo de 2011.

A anterior cláusula queda sustituída pola seguinte. Este cambio, que non afecta a prazo de entrega, forma ou formato en absoluto, será publicado no BOP durante o mes de xaneiro.

SÉTIMA. Prazos de concesión e entrega de premio

Unha vez resolto o fallo, o Xurado procederá á apertura dos sobres nº2 das persoas gañadoras, facéndose pública a súa identidade no marco dun acto específico arredor da conmemoración do 8 de marzo, Día internacional das mulleres. Os traballos premiados, así como unha selección das mellores obras a xuízo do Xurado, formarán parte de diferentes proxectos expositivos da Concellaría.

OITAVA. Devolución das obras

Darase un prazo de ata o 30 de marzo para a retirada das obras non premiadas nin seleccionadas, trascorrido o cal poderán ser destruídas.

NOVENA.

A participación nesta convocatoria supón total aceptación destas bases.

A Coruña, 5 de xaneiro de 2011

A CONCELLARÍA DE IGUALDADE E PARTICIPACIÓN CIDADÁ PRESENTA O CONCURSO “IGUAIS” DE PUBLICIDADE ANTISEXISTA

2011-01-04T13:06:00.001+01:00

( +INFO E BASES A PARTIR DO 10 DE XANEIRO EN www.iguais.org )

 Margarida Vázquez e a artista local Elba Fernández “Pequena Suricata” presentaron as bases, que aparecerán publicadas no BOP de mañá, a imaxe gráfica e a web informativa e promocional deste concurso

 Os traballos poderán presentarse entre o 10 de xaneiro e o 10 de febreiro de 2011. As propostas premiadas, xunto cunha selección dos mellores traballos, serán coñecidas na primeira metade do mes de marzo, coincidindo coa conmemoración do 8 de marzo, Día internacional das mulleres

Da mesma forma en que a publicidade reflicte en moitísimas ocasións unha igualdade que existe, de certo, en tanto existe un corpus lexislativo que a consagra e en tanto houbo un cambio recente nos costumes que conduce cara a consecución deste obxectivo social, tamén resulta en máis dunha ocasión un vehículo de perpetuación e transmisión de roles e estereotipos desigualitarios, cando non discriminatorios, que axudan a perpetualos no tempo.

Durante o acto de presentación celebrado no Salón Real do Palacio de María Pita, Margarida Vázquez sinalou que coa convocatoria deste primeiro Concurso de publicidade antisexista “IGUAIS” se pretende reflexionar sobre os códigos da publicidade gráfica actual, a que resulta desde logo máis vistosa e influínte, á vez que achegar unha outra posible visión desta desde códigos igualitarios sen que se perda, en ningún momento, o seu carácter promocional e de difusión tanto de produtos como de ideas e necesidades.

O tema do concurso é “ A igualdade entre xéneros, unha reinterpretación da publicidade de carácter sexista e discriminatorio”. Serán admitidos traballos de deseño realizados con calquer técnica, sempre nunha linguaxe cercana ao cartelismo e a publicidade. Os traballos presentados poderán afondar no concepto da contrapublicidade sempre e cando ésta non menoscabe os dereitos das empresas creadoras do deseño orixinal, e sen fundamentarse en referencias explícitas. Valoraráse a creatividade, calidade e carga crítica, que axuden ao espectador a reinterpretar as claves que actualmente rixen a linguaxe publicitaria, mostrando alternativas e visións diferentes sobre o cambio de roles. Así mesmo, será valorada a inclusión de textos ou slogans que axuden á dita reinterpretación.

Establécense os seguintes premios:

Un Primeiro Premio, por valor de 5.000 euros.

Ata dous accésits de 2.500 euros.

O xurado realizará unha selección dos mellores traballos para que a Concellaría realice diferentes proxectos expositivos.

O 83,3% dos concellos españois conta cun centro dedicado á atención das mulleres

2011-01-04T10:13:00.001+01:00

▪O 54% dos municipios españois dispón de plans de igualdade en vigor

▪ O 90% dos municipios apoia o asociacionismo prol igualdade

O Instituto da Muller subvencionou, no marco da convocatoria I+D+I, o estudo “O impacto das políticas de igualdade no ámbito local”, co fin de analizar as políticas de xénero que se están levando a cabo nos municipios españois.

Este estudo, realizado polo equipo investigador que dirixe Ramón Bouzas da Universidade de Santiago de Compostela, tamén ten como finalidade investigar os factores que explican a creación e o desenvolvemento de unidades de atención á muller, desvelar as principais características de devanditas unidades, estudar o resultado da implantación das medidas de igualdade, analizar os plans de igualdade elaborados polas Administracións locais e, para rematar, explorar o impacto das políticas municipais de igualdade de xénero á hora de xerar emprego.

METODOLOXÍA

Para a realización deste estudo, cuxo traballo de campo levouse a cabo entre os anos 2007 e 2009, utilizáronse os datos extraídos dunha enquisa que se realizou a 198 municipios españois cunha poboación de entre 25.000 e 100.000 habitantes. Así mesmo, tamén se levaron a cabo entrevistas en profundidade a persoal con competencias no área municipal, grupos de discusión compostos por usuarios individuais e colectivos dos municipios e catro estudos de caso.

PRINCIPAIS RESULTADOS

Contorna política-administrativo

Segundo os datos obtidos, o número de alcaldes supera en 3 a 1 ao de alcaldesas, así como que a paridade na composición dos equipos de goberno só se cumpre no 55, 6% dos municipios españois. Así mesmo, o estudo conclúe que as áreas ou concellarías máis frecuentemente ocupadas por mulleres son a de Muller/Igualdade, nun 88,4%, e a de Benestar/Servizos Sociais, nun 84, 3%, e que nun de cada tres municipios recoñécese abiertamente que a igualdade de xénero non é unha prioridad.

Empregadas/os Municipais

Respecto ao persoal municipal, existe un predominio masculino entre as persoas que traballan con cargo ao orzamento dos municipios. 6 de cada 10 empelados son homes. Así mesmo, só 6 de cada 10 municipios puxeron en marcha iniciativas formativas de xénero para os seus empeladas/vos e que a presenza masculina en devanditas iniciativas é minoritaria.

Estrutura Municipal e Igualdade de Xénero

O 55,5% dos gobernos locais emprega o término “igualdade” para definir as entidades municipais dedicadas aos temas relacionados coa muller ou coa igualdade. Igualmente, só o 22,7% das concellarías que traballan en temas de igualdade dedícanse a devandita materia en exclusividad e no 93,4% de casos á fronte do organismo atópase unha muller.

O estudo conclúe que un 24,3% dos municipios afirma que o diñeiro que destina ao área de muller /igualdade é insuficiente para poder levar a cabo as tarefas máis básicas (a cantidade media sitúase nos 59.840 euros anuais) e que un 38,4% do total dos municipios encuestados non destina recursos económicos ao ámbito da igualdade e o emprego.

A investigación tamén constata que soamente a metade do persoal dedicado a temas de muller/igualdade ten unha formación específica como técnicas/os de igualdade; que a coordinación entre a entidade de muller/igualdade e as restantes áreas do Concello é considerada mayoritariamente aceptable e que é infrecuente que os propios municipios evalúen o impacto real da políticas de igualdade que aplican.

Plans de Igualdade Municipais

O 54% dos municipios españois dispón de plans de igualdade en vigor e o 30% destes carece de financiamento específico.

Só o 8% dos municipios analizados dispón de partidas destinadas á igualdade de oportunidades laborais entre homes e mulleres e máis do 30% de municipios non xera información con datos desagregados por sexo para o deseño das políticas municipais. Igualmente a elaboración de orzamentos en clave de xénero segue sendo unha práctica pouco estendida. Pola contra, as iniciativas de carácter formativo en materia de igualdade están moi estendidas, un 84% dos municipios afirma realizalas.

No referente ás accións de planificación equitativa do tempo, só un 7,1% dos municipios di implementarlos.

Centros Municipais da Muller

O 83,3% dos municipios encuestados conta cun centro dedicado á atención das mulleres e o financiamento do 73,3% de devanditos centros procede das arcas municipais.

Respecto á vez que levan funcionando os centros, a media atópase nos 10, 66 anos e as áreas de traballo ofertadas viran contorna á orientación xurídica, a atención a vítimas de violencia de xénero e a posta en marcha de campañas de sensibilización.

En relación ás canles de comunicación empregados, o principal é a presencial na oficina, 97%, seguido da atención telefónica e a atención virtual. O 95% do persoal de devanditos centros son mulleres e o 24% do persoal posúen formación específica.

Participación, Apoio Institucional Externo, Redes e Igualdade de Xénero. Políticas de Emprego con Perspectiva de Xénero

Malia que o 90% dos municipios afirma que apoia ao asociacionismo prol igualdade, só 6 de cada 10 municipios ten un Consello Municipal da Muller ou órgano análogo.

No 7,1% dos municipios analizados existen asociacións en prol da igualdade dirixidas aos homes. Así mesmo, os Pactos Locais pola Igualdade de Oportunidades de Emprego só están dispoñibles no 7,6% dos municipios.

Outras conclusións que se extraen do estudo son que 9 de cada 10 municipios declaran solicitar axudas para o desenvolvemento de políticas de igualdade e tamén que case a metade dos municipios non participa en ningunha rede de intercambio con outras administracións en materia de política de xénero.

No que se refira ás políticas de emprego con perspectiva de xénero, as máis habituais están dirixidas a persoas inactivas ou desempleadas, 62,1%; emprendedoras/é, 48%; traballadores/as, 46,5% e empresas en xeral, 40,4%. Dentro deste segmento da sociedade, as accións máis habituais son a formación e o acompañamiento á inserción laboral, a promoción e formación no emprego de vítimas de violencia de xénero e os talleres de motivación e autoafirmación para desempleadas.

Reportaxe de TV Coruña.es sobre o Banco de Tempo da Coruña

2011-01-03T13:43:00.000+01:00

Entrar en TV Coruña.es.

Felicitación da nosa Concellaría

2010-12-21T12:13:00.002+01:00

Pinópolis, a cidade das nenas e dos nenos, en Expocoruña ata o 9 de xaneiro

2010-12-20T09:19:00.002+01:00

Pinópolis, que se poderá visitar en ExpoCoruña, é unha cidade de e para os rapaces. Eles serán os principais protagonistas desta vila feita á súa medida onde xogarán a ser maiores. Pretende ser un reflexo da propia cidade de Coruña, un espacio onde se transmitan os valores da vila e os nenos teñan a oportunidade de relacionarse con empresas e institucións coas que conviven no día a día. Así, por medio de diversas actividades lúdicas e obradoiros didácticos, os “cidadáns” de Pinópolis aprenderán valores como solidariedade, respecto, civismo, deportividade, traballo en equipo…

As actividades propostas están deseñadas por franxas de idade, desde os máis cativos ata os 14 anos, e contarán con monitores especializados. Pinópolis abrirá as súas portas ao público o sábado 18 para estar na cidade ata o 9 de xaneiro, aínda que tres días antes estará aberto para centros escolares. Terá un custo de 8 € para nenos menores de 14 anos e de 6€ para maiores. Horario: de luns a vernes de 16:00 a 21:00 e sábados e domingos de 12:00 a 21:00.

Podedes acceder á taquilla AQUÍ.

Vídeo emitido nos buses urbanos da Coruña con motivo da conmemoración do 25 de novembro

2010-12-14T13:52:00.001+01:00

Vídeo de Mikel Fuentes sobre o "Bosque de desexos e palabras" contra a violencia de xénero

2010-12-10T11:52:00.000+01:00

A artista catalana Belén Cossío explícanos o proceso de creación do "Bosque de desexos e palabras"

2010-12-09T10:43:00.000+01:00

A artista catalana Belén Cossío explícanos o proceso de creación do "Bosque de desexos e palabras" no seu blog chamado La Factoría Plástica . Entrando alí poderedes ver as fotos e algúns dos vídeos realizados durante esta actividade. Para a semana que vén esperamos contar cos vídeos gravados nos Centros Cívicos e o propio 25 de novembro, coa participación de cidadáns e cidadás de toda Coruña.

Satisfacción polo grande éxito de participación e o impacto da campaña deste ano contra a violencia de xénero

2010-12-03T09:45:00.000+01:00

OS ACTOS ORGANIZADOS POLA CONCELLERÍA DE IGUALDADE E PARTICIPACIÓN CIDADÁ REUNIRON A NUMEROSO PÚBLICO E FOI MOI CELEBRADA A TEMÁTICA DA IMAXE DA CAMPAÑA, BASEADA NOS ESTEREOTIPOS DOS CONTOS INFANTÍS

A campaña deseñada este ano con motivo da conmemoración do Día Internacional contra a Violencia de Xénero acadou un gran éxito de participación e tamén de impacto entre os cidadáns da Coruña, que puideron contemplar nos mupis luminosos instalados en numerosos puntos de todo o casco urbano, coa imaxe da campaña, baseada nos contos infantís que representan ao modelo estereotipado de “princesa”. Como explicaba a concelleira de Igualdade e Participación Cidadá, Margarida Vázquez, “desde a máis tenra infancia seguimos formando nenos e nenas cos mesmos clichés e os mesmos contos”, polo que a mensaxe que se quere dar é que “as mulleres non queremos príncipes que nos salven, nin queremos ser princesas, non queremos que nos mintan e queremos ser nos as donas do noso conto”.

O lema elixido, “que non che mintan princesa”, foi celebrado por numerosos colectivos e persoas que transmitiron o seu apoio á Concellaría de Igualdade e Participación Cidadá, e que responderon ás numerosas convocatorias realizadas no marco desta conmemoración. Desde o acto celebrado con motivo da proxección na Domus da imaxe da campaña até o acto central que tivo lugar no Obelisco, onde se instalou o chamado Bosque de Desexos e Palabras, no que numerosos coruñeses plasmaron os seus desexos contra a violencia de xénero.

Previamente, esas árbores foron viaxando por diferentes centros cívicos da cidade, onde os usuarios puideron expresar os seus desexos, unha das actividades de maior éxito de participación de cantas se celebraron recentemente nos centros cívicos, segundo aseguraban os responsables dalgúns deles.

Tamén están acadando un gran éxito de participación os obradoiros de prevención da violencia na mocidade, que aínda se están desenvolvendo en diversos centros educativos da cidade, así como a posta en escea da obra “Sen pecado concebida”, da compañía Mariclown e a gala “Elas falan”, un espectáculo poético-musical do grupo Ouriol co que culminaron estes actos.

Obradoiro familiar "A que xogamos?" este sábado 4 de decembro na ludoteca de Novomesoiro

2010-12-01T12:22:00.001+01:00

De 11:00 a 12:00 para nenos e nenas e de 12:00 a 13:00 xunto aos pais e nais. Coordina e imparte María Luísa Abad, orientadora do I.E.S. Menéndez Pidal da Coruña. Consulta no Centro Cívico ou no CIM, no 981 184 356.

Imaxes do 25 de novembro na Coruña

2010-11-26T10:26:00.001+01:00

ACTO CENTRAL

A CAMPAÑA NA DOMUS

O espectáculo poético-musical “Elas falan” pechará os actos organizados este ano con motivo do Día Internacional contra a Violencia de Xénero

2010-11-25T18:04:00.001+01:00

• REPRESENTARASE MAÑÁ VENRES ÁS 20.30 HORAS NO TEATRO ROSALÍA DE CASTRO CON ENTRADA LIBRE ATÉ COMPLETAR O AFORO

• REPRESENTARANSE POEMAS DE DIVERSAS AUTORAS RECITADOS E ACOMPAÑADOS DE MÚSICA, NUNHA MONTAXE DO GRUPO ORIOL

O Teatro Rosalía de Castro acollerá mañá venres, 26 de novembro, ás 20.30 horas o espectáculo poético-musical titulado “Elas falan”, a cargo do Grupo Oriol. Con esta gaña clausúranse os actos organizados pola Concellería de Igualdade e Participación Cidadá con motivo do Día Internacional contra a Violencia de Xénero. Neste espectáculo, de entrada libre até completar o aforo, interpretaranse con voz e música poemas de escritoras elixidas polo grupo Oriol para facer valer a voz de todas as mulleres. A través dos seus poemas –estarrecedores, lúcidos , valentes, fermosísimos- revélannos algo que, máis aló das circunstancias históricas e biográficas nas que se producen, atinxen aos homes e ás mulleres de toda época e condición. Da súa interpretación encargarase o grupo Oriol, composto por Eva Veiga (interpretación e selección dos poemas), Fito Ares (frauta traveseira) e Bernardo Martínez (clarinete e percusións).

As autoras dos poemas seleccionados son:

Anna Ajmátova (Rusia, 1889-1966). Tradución ao galego de Penélope Pedreira, Pilar Pallarés.

Marina Tsveitáieva ( Rusia,1892-1941). Trad. de Pilar Pallarés.

Sylvia Plath (Boston, 1932-Londres, 1963). Trad. de Xoán Abeleira

Alejandra Pizarnik (Bos Aires, 1936-1972). Trad. de Dores Tembrás

Nazik Al Malaika (Bagdad 1923-El Cairo 2007). Trad. De Teresa Seara

Luísa Villalta (A Coruña, 1957-2004).

Clarice Lispector (Ucrania 1920- Río de Xaneiro, 1977)

Pilar Pallarés (Culleredo -A Coruña, 1957).

Luz Pozo Garza (Ribadeo, 1922)

Wislava Szymborska (Polonia, 1923). Trad. de Pilar Pallarés.

O equipo técnico do grupo Oriol é o seguinte:

Produción e presentación: Comba Campoy

Creación artística: Alfonso Costa

Vestiario: Charoa

Asesoramento atístico: Carlos Neira

Iluminación: Octavio Mas

Son: Andrés Teijeiro

Campaña

A campaña deseñada este ano pola Concellería de Igualdade e Participación Cidadá con motivo do Día Internacional contra a Violencia de Xénero está baseada nos contos infantís, representando ao modelo estereotipado de “princesa”. O lema “que non che mintan princesa” acompañando a esta imaxe constitúe o chamado de conciencia sobre os roles difundidos desde o xénero do relato infantil e despois perpetuados por todo tipo de produtos e situación asociados á formación da persoa. “Hai un conto que queremos rachar”, sinala a concelleira de Igualdade a Participación Cidadá, Margarida Vázquez, xa que “estamos falando dunha princesa á que non lle van seguir mentindo”.

Acto central no Obeslico do Día Internacional contra a Violencia de Xénero

2010-11-25T09:23:00.002+01:00

A Concelleira de Igualdade e Participación Cidadá, Margarida Vázquez, intervirá hoxe xoves, 25 de novembro, no acto institucional do Concello da Coruña con motivo da conmemoración do Día Internacional contra a Violencia de Xénero. O acto celebrarase ás 12.00 horas no Obelisco, onde permanecerá instalado durante todo o día o chamado Bosque de Desexos e Palabras contra a violencia de xénero.

Trátase dunha recreación de dez árbores, realizadas en materiais reciclables, coas súas correspondentes follas, nas que os cidadáns e as cidadás poderán escribir os seus desexos contra a violencia de xénero transformados en palabras. Durante os últimos días algunhas desas árbores “viaxaron” polos centros cívicos da cidade, nunha iniciativa que acadou un gran éxito de participación por parte dos usuarios e as usuarias habituais e das persoas que se achegaron a estes centros para deixar constancia dos seus desexos na loita contra a violencia de xénero.

A continuación, a xornalista e delegada da Coruña da Radio Galega, Chus Castro, lerá un texto conmemorativo desta data internacionalmente adicada ao combate contra a violencia de xénero.

Lugar: Obelisco

Data e hora: Xoves, 25 de novembro de 2010 ás 12.00 horas

A Coruña, 25 de novembro de 2010

FOTO DO ACTO:

A Domus tínguese de rosa para conmemorar a loita contra a violencia de xénero

2010-11-23T23:03:00.004+01:00

AUDIO DE ISABEL MARTÍNEZ-RISCO: A CINZENTA REVISADA (aparece unha publi antes, pero logo escóitase a intervención completa)

AUDIO DE MARGARIDA VÁZQUEZ

•HOXE INAUGUROUSE A PROXECCIÓN DA FACHADA DO EMBLEMÁTICO EDIFICIO DA IMAXE DA CAMPAÑA DESEÑADA CON MOTIVO DA CELEBRACIÓN DO DÍA INTERNACIONAL CONTRA A VIOLENCIA DE XÉNERO

•O DESEÑO ESTÁ BASEADO NOS MODELOS ESTEREOTIPADOS DE MULLER NOS CONTOS INFANTÍS, E BAIXO O LEMA “QUE NON CHE MINTAN PRINCESA”

A terraza da Domus foi escenario hoxe do acto de inauguración da proxección da imaxe da campaña deseñada este ano pola Concellería de Igualdade con motivo do Día Internacional contra a Violencia de Xénero. As proxeccións, que tinguiron de rosa a fachada do emblemático edificio, repetiranse todas as noites até o 26 de novembro, convertendo a Casa da Humanidade, mal chamada Casa do Home, nunha plataforma para amosar á cidadanía coruñesa unha mensaxe de concienciación na cultura da igualdade.

O acto foi presentado por Isabel Martínez Risco, que destacou que esta campaña baseada na imaxe estereotipada da muller nos contos infantís, é “de absoluto impacto e innovadora”. Tras narrar unha versión libre, igualitaria, orixinal e moi divertida do conto “A Cincenta”, no que todas as personaxes rematan sendo moi felices e comendo un bo lacón con grelos, foi a concelleira de Igualdade e Participación Cidadá, Margarida Vázquez, a encargada de inaugurar estas proxeccións, tras lembrar que a lacra da violencia de xénero xa deixou no que vai de ano 62 vítimas mortais. Neste senso, a concelleira sinalou que a violencia de xénero non rematará até que exista unha sociedade igualitaria.

Con respecto á campaña, indicou que se elixiu o tema dos contos infantís, baixo o lema “Que non che mintan, princesa”, porque “desde a máis tenra infancia seguimos formando nenos e nenas cos mesmos clichés e os mesmos contos”, para concluír que a mensaxe que se quere dar é que “as mulleres non queremos príncipes que nos salven, nin queremos ser princesas, non queremos que nos mintan e queremos ser nos as donas do noso conto”.

Tras as palabras de Margarida Vázquez, que lembrou que este acto tamén serve para reivindicar que cada vez que lembremos a Domus falemos de humanidade, con homes e mulleres, iniciouse a proxección con música e danzas con sombras chinescas da compañía Entrecaixas. Ademais de proxectar a imaxe da campaña, na fachada da Domus podíanse lerse frases como “cariño, non sei que pasou non volverá suceder”, “se te portaras ben isto non ocorrería” ou “era un pai e un marido exemplar” que, desgraciadamente, se escoitan en moitos fogares ou se din cando ocorre unha traxedia provocada por estes actos criminais.

A DOMUS iluminarase coa imaxe da campaña polo 25 de novembro

2010-11-23T09:42:00.001+01:00

A partir das 19:30 de hoxe, e ata as 2:00 horas do sábado 27, a imaxe de campaña da nosa concellaría pola conmemoración do 25 de novembro será proxectada sobre a fachada da DOMUS, coñecida popularmente como "Casa do home".

Efectivamente, desde hoxe ata as primeiras horas do sábado, poderá contemplarse esta imaxe, acompañada de frases extraídas dos diferentes medios de comunicación á hora de relatar episodios de violencia de xénero, en horario de 19:00 a 00:00 horas, salvo o venres 26, onde se prolongará ata as 2:00 horas do sábado, e de hoxe, onde o acto inaugural, a cargo do grupo de danza Entrecaixas, será ás 19:30.

Esta imauguración contará coa presenza de Margarida Vázquez, en calidade de Concelleira de Igualdade e Participación Cidadá do Concello da Coruña, e de Isabel Martínez-Risco como presentadora, unha muller que xa colaborara con esta Concellaría dentro da exposición "Cambio de roles".

O Instituto da Muller elixe A Coruña para pór en marcha un proxecto pioneiro en conciliacion da vida laboral e familiar

2010-11-22T14:59:00.000+01:00

O ALCALDE PRESENTA A POSTA EN MARCHA DO PROXECTO EQUILIBRIA XUNTO Á DIRECTORA DO INSTITUTO DA MULLER, LAURA SEARA, E A CONCELLEIRA DE IGUALDADE, MARGARIDA VÁZQUEZ

SEARA SUBLIÑA QUE A ELECCIÓN DA CORUÑA DÉBESE A QUE A CIDADE É UN REFERENTE EN POLÍTICAS DE IGUALDADE E CONCILIACIÓN

A Coruña foi un do dez concellos seleccionados para participar no Proxecto ?Equilibrio entre a vida persoal, familiar e profesional en España e Noruega?, que foi presentado hoxe polo alcalde, Javier Losada, a directora do Instituto da Muller, Laura Seara e a concelleira de Igualdade do Concello da Coruña, Margarida Vázquez.

O alcalde subliñou a súa satisfacción porla elección da nosa cidade, que sempre estivo en vanguardia en políticas de conciliación e igualdade. ?Temos programas xa veteranos como Luditardes, Madrugadores ou os comedores escolares para fomentar a igualdade ou a conciliación, e seguimos avanzando con outros programas como o de canguros, que atendeu xa a 1.800 familiaso?, subliñou Javier Losada, quen ligou directamente o traballo a favor da conciliación coas políticas activas de emprego, nas que o Concello inviste cinco millóns de euros, e nas que se fai especial fincapé na incorporación da muller ao mercado de traballo.

Pola súa banda, a directora do Instituto da Muller coincidiu co alcalde na longa traxectoria da Coruña en políticas municipais para a igualdade e a conciliación e destacou que a súa elección para este proxecto ?reforzará a súa posición no mapa de de os Concellos máis implicados no traballo a favor da igualdade en España.

A concelleira de Igualdade, Margarida Vázquez, agradeceu ao Instituto da Muller que se comprometa en programas deste tipo e detallou os pormenores do proxecto Equilibria, que se vai a pór tamén en marcha en Xaén, Alcalá de Henares (Madrid); Valls (Tarragona); Aranda de Douro (Burgos); Barbate (Cádiz); Icod de los Vinos (Tenerife), Eivissa e Vilagarcía de Arousa.

Datos do Proxecto

O proxecto Equilibria está financiado por Islandia, Liechtenstein e Noruega a través do Mecanismo Financeiro do Espazo Económico Europeo (EEE) e o Instituto da Muller. Trátase dun proxecto liderado polo Instituto da Muller en colaboración coa Federación Española de Municipios e Provincias (FEMP) e a Asociación Norueguesa de Entidades Locais e Rexionais.

Como se van a realizar estes Plans de Conciliación en cada municipio?

En que áreas municipais terán efectos directos o Plan de Conciliación?

Cada Plan favorecerá a conciliación do tres ámbitos da vida (laboral, persoal e familiar) incidindo en dous niveis da intervención local, un cara á cidadanía e outro cara aos seus propios traballadores e traballadoras. É dicir, por unha banda, no nivel interno ou da xestión dos recursos humanos que traballan no Concello e por outro, no nivel externo ou das políticas municipais dirixidas a mellorar a armonización dos tempos de vida da cidadanía (medidas para a flexibilización dos tempos da cidade e do traballo, servizos de lecer e de atención a menores e persoas dependentes xunto a campañas para o cambio de crenzas e comportamentos cara á corresponsabilidade da sociedade).

Cales son os resultados que conseguirá o Concello da Coruña coa súa participación no Proxecto?

? Un estudo-diagnóstico sobre a situación de partida, os recursos dispoñibles e/ou potenciais favorecedores da conciliación, así como as necesidades e demandas cidadás deste municipio en materia de conciliación da vida persoal, familiar e profesional.

? A aprobación dun Plan de conciliación axustado ás necesidades concretas da nosa localidade.

? A posta en marcha das primeiras actuacións contempladas no Plan de Conciliación.

? A visibilización do Concello cara ao exterior como unha organización comprometida coa armonización dos tempos da cidadanía e como exemplo para outros Concellos interesados en incorporar estratexias viables á súa política de actuación para promover a armonización do tres espazos de vida.

Comezan os obradoiros de prevención nos centros educativos no marco da Campaña contra a Violencia de Xénero

2010-11-21T13:19:00.002+01:00

• NO MARCO DOS ACTOS DO 25 DE NOVEMBRO, DÍA INTERNACIONAL CONTRA A VIOLENCIA DE XÉNERO, A CONCELLERÍA DE IGUALDADE E PARTICIPACIÓN CIDADÁ DESEÑOU UNHAS ACCIÓNS EDUCATIVAS DIRIXIDAS A ALUMNOS DE PRIMARIA E SECUNDARIA

• AS ACCIÓNS INCLÚEN DESDE SESIÓNS DE CONTACONTOS ATA INTERVENCIÓNS PARA DESMITIFICAR OS TÓPICOS E PREVIR SITUACIÓNS DE VIOLENCIA DURANTE NAS RELACIÓNS DA MOCIDADE

• AS ACTIVIDADES INICIARANSE MAÑÁ NO CEIP CONCEPCIÓN ARENAL COA ACCIÓN DENOMINADA “CONTAMOS X=”

Durante a próxima semana celebrarase nos centros educativos da cidade os Obradoiros de Prevención da Violencia na Mocidade, no marco dos actos programados con motivo do Día Internacional contra a Violencia de Xénero, organizados pola Concellería de Igualdade e Participación Cidadá.

Estas campañas educativas en igualdade de xénero celébranse en diversos centros de ensino da Coruña, onde se desenvolverán dous tipos de intervención. A primeira delas chámase Contamos X= (contamos por igual), e está deseñada para os alumnos de Primaria. Ademais do propio espectáculo do contacontos, as historias que se narran nesta actividade permitirán un traballo posterior onde se analizará o que hai de oculto, as implicacións do día a día… A través de actividades lúdicas complementarase a proposta para que as nenas e os nenos poidan descubrir novos patróns de conduta máis igualitarios. O primeiro grupo en participar neste obradoiro será o do CEIP Concepción Arenal, que repartido en diferentes cursos poderá asistir a estas actividades entre os días 22 e 23 de novembro.

Xa o día 24 esta actividade trasladarase ao CEIP Víctor López Seoane, onde se desenvolverá tamén noutra sesión o día 26. No CEIP Anxo da Guarda está previsto celebrar o obradoiro o día 29 de novembro, e o día 30 no CEIP Fernández Latorre. Xa no mes de decembro, o día 1 repetirase sesión no Fernández Latorre , e os días 4 e 5 levarase o obradoiro ao CEIP María Pita.

A outra actividade deseñada con motivo da campaña conmemorativa do 25 de novembro leva por título Nin príncipes, nin laranxas, e está destinada a alumnos e alumnas de ESO. O obxectivo desta intervención é desmontar os mitos e tópicos do denominado “amor romántico”, así como previr as situacións de violencia, en todas as súas formas, durante as relacións de noivado da mocidade. Asemade, procurarase xerar unha reflexión crítica sobre as diferentes discriminacións que as mulleres sofren no día a día, recorrendo para iso á presentación e análise de diferentes estudos estatísticos. Do mesmo xeito é fundamental desmitificar a idea de que a violencia exercida cara as mulleres nas relacións de parella está asociada a unhas determinadas condicións sociais e culturais.

Estas actividades desenvolveranse o día 23 no IES Menéndez Pidal e no IES Urbano Lugrís, onde se repetirán o día 24. O día 26 levaralse ao IES Salvador de Madariaga e o día 30 ao IES Paseo das Pontes.

Ademais, celebrarase outro obradoiro similar, para alumnos de ESO, denominado Somos dous, eu tamén conto, que se desenvolverá no IES Agra do Orzán (23 e 24 de novembro), no IES Paseo das Pontes (30 de novembro) e nos IES Menéndez Pidal e Urbano Lugrís ao longo do mes de decembro.

Campaña

O lema “que non che mintan princesa” acompañando a esta imaxe constitúe o chamado de conciencia sobre os roles difundidos desde o xénero do relato infantil e despois perpetuados por todo tipo de produtos e situación asociados á formación da persoa. “Hai un conto que queremos rachar”, sinala a concelleira de Igualdade a Participación Cidadá, Margarida Vázquez, xa que “estamos falando dunha princesa á que non lle van seguir mentindo”.

Máis imaxes da campaña pola Coruña

2010-11-19T17:44:00.000+01:00

A campaña pola Coruña...

2010-11-16T18:04:00.001+01:00

Praza de Portugal, Paseo Marítimo, Zalaeta, Catro Camiños...diferentes ubicacións da nosa campaña polo 25 de novembro:

ACTOS E CAMPAÑA DO 25 DE NOVEMBRO, DÍA INTERNACIONAL CONTRA A VIOLENCIA DE XÉNERO

2010-11-12T13:08:00.000+01:00

A CAMPAÑA

Ao longo do transcurso deste ano 2010 son xa 60 as mulleres que perderon a vida vítimas do maior crime co que convivimos diariamente, como é o da violencia de xénero, a violencia exercida contra as mulleres por seren mulleres.

Estas accións criminais están, hoxe por hoxe, ben lonxe da súa desaparición. Desgrazadamente, nos próximos días, semanas, meses e seguramente anos continuaremos asistindo a este continuo goteo que en non poucas ocasións remata definitiva e traxicamente coa vida das mulleres. Neste ano, ademais, resalta o dato de que a mínima parte destas mulleres tiveran realizado denuncia, polo que non foi posible poñer todos os recursos dispoñibles desde a administración para protexer as súas vidas, como indica a moción aprobada polo Concello da Coruña o pasado 2 de novembro.

Na Concellaría de Igualdade e Participación Cidadá consideramos, como xa expuxéramos no proxecto expositivo “DESENFOCADAS” , que a educación sentimental de nenas, adolescentes e mulleres promove uns roles e estereotipos en canto á relación de parella e a posición que a muller debe adoptar nela que favorece unha relación de sumisión que en ocasións conduce aos diferentes episodios de violencia de xénero que estas mulleres padecen ou padecerán. A educación, a formal, a que se recibe nos Centros educativos, é para nós unha das chaves do presente polas que procurar un mellor futuro. Un futuro de xustiza é un futuro igualitario onde o fenómeno da violencia de xénero non ten en absoluto cabida.

A imaxe e lema escollida nesta campaña parte da estética do relato infantil e do modelo “princesa” de conformación da personalidade feminina. “Que non che mintan, princesa” pretende facer un chamado de conciencia sobre os roles e estereotipos difundidos desdes o propio mundo do relato infantil e despois perpetuados desde todo tipo de produtos e situacións asociados á formación da persoa. Non se trata de poñer en tea de xuízo a existencia e disfrute destes relatos, pero si a necesaria reflexión sobre o que eses mesmos relatos nos transmiten, nomeadamente a aquelas persoas que viven o seu período de maduración.

Esta imaxe poderase ver repartida por practicamente toda a cidade através de perto de 60 mupis luminosos, como 60 son as vítimas deste ano, así como será proxectada entre os días 23 e 26 de novembro sobre o edificio da DOMUS, traducida popularmente como Casa do Home, entre o atardecer e as 12:00 horas da noite. O propio 23 realizarase un eventoinaugural a cargo do grupo de danza Entracaixas ás 19:00 horas. Así mesmo, dúas pasarelas en sentido entrada da cidade sobre Alfonso Molina incluirán tamén esta imaxe e este lema.

O ACTO CENTRAL

O acto central o propio 25 de novembro consistirá na instalación no Obelisco, en horario de mañá e tarde, dun “Bosque de desexos e palabras” contra a violencia de xénero. Trátase da recreación de dez árbores, realizados en materiais reciclables, coas súas correspondentes follas onde as/os cidadáns poderán escribir os seus desexos contra a violencia de xénero transformados en palabras. Esta instalación foi deseñada polas artistas Rebeca Ponte e Belén Cossío.

Para estimular o máximo de participación cidadá algunhas destas árbores percorreran os diferentes Centros Cívicos da cidade de cara a que desde estes Centros se estimule a participación de persoas que, doutra forma, non poderían formar parte da actividade se desenvolverá o propio 25 de novembro. Ese mesmo día, ás 12:00 horas da mañá, terá lugar o acto institucional do Concello da Coruña dentro da propia instalación, incluíndo a leitura dun manifesto.

DÍA CENTRO

17 C. C. e V. Pescadores

18 C.C. Monte Alto

C.C. San Diego

19 C.C. Castrillón

22 C.C. Elviña

C.C. Rosales

23 C.C. Labañou

C.C. Palavea

24 C.C. Mallos

C.C. Monelos

SEN PECADO CONCEBIDA

Este domingo 14 de novembro, a partir das 19:00 horas, terá lugar no Centro Cívico e Social de Mesoiro, coñecido tamén como Centro Cívico de Novomesoiro, a representación teatral "Sen pecado concebida", da compañía Mariclown. Esta obra dá comezo ás actividades que a Concellaría de Igualdade e Participación Cidadá desenvolverá arredor da conmemoración do 25 de novembro, día internacional contra a violencia de xénero. O día 24 de novembro representarase no Centro Vívico de Labañou. Nas dúas ocasións esta obra comezará ás 19:00 horas. Esta obra fora estreada o 27 de marzo 2010 no Teatro Jofre de Ferrol, coincidindo co galo do Día Internacional do Teatro.

ARGUMENTO:

Esta traxicomedia comenza no funeral pola morte de Don Paco Mª da Pena, ilustre entre os ilustres, infiel esposo e un bon pai. Petarda alba, muller anacrónica, nai castrante e viuva polo estado civil, recrudece a relación coas súas fillas, Conchita e Purita. Terán que gardar loito por maís de oito anos........

A entrada é libre ata completar aforo.

DÍA HORA CENTRO

14 19:00 C.C.e S. Mesoiro

24 19:00 C.C. Labañou

OBRADOIROS DE PREVENCIÓN DA VIOLENCIA DE XÉNERO NA MOCIDADE

CONTAMOS X = Contamos por igual ( 5º e 6º de Primaria)

“Contamos X =” é unha intervención de carácter educativo que se enmarca dentro da campaña conmemorativa do vindeiro 25 de novembro, “Día Internacional para a eliminación da Violencia de Xénero”. Dita intervención realizarase nos centros educativos de ensino primario que a soliciten.

Ademais do propio espectáculo do “contacontos”, as historias que se conten permitirán un traballo posterior onde se analizará “o que pasou” nos contos, o que hai oculto, as implicacións no día a día, … A través de actividades lúdicas complementarase a proposta para que as nenas e os nenos poidan descubrir novos patróns de conduta máis igualitarios.

NIN PRÍNCIPES, NIN LARANXAS (4º da ESO)

A intervención “Nin príncipes, nin laranxas” forma parte do conxunto de actuacións enmarcadas dentro da campaña que o Concello da Coruña ,a través da Concellaría de Igualdade e Participación cidadá, realizará con motivo do vindeiro 25 de novembro “día internacional para a eliminación da Violencia de Xénero”.

O obxectivo xeral da intervención é desmontar os mitos e tópicos do denominado “amor romántico”, así como previr as situacións de violencia ,en todas as súas formas, durante as relación de noivado na mocidade.

Asemade, procuraremos xenerar unha reflexión crítica, sobre as diferentes discriminacións que as mulleres sofren no día a día, recorrendo para iso á presentación e análise de diferentes estudos estatísticos. Do mesmo xeito é fundamental desmitificar a idea de que a violencia exercida cara as mulleres nas relacións de parella, está asociada a unhas determinadas condicións sociais e culturais.

GALA “ELAS FALAN”

Espectáculo poético-musical do GRUPO OURIOL

TEATRO ROSALÍA DE CASTRO, VENRES 26 DE NOVEMBRO, 20:30 HORAS

“Elas fan valer a voz de todas as mulleres. A través dos seus poemas –estarrecedores, lúcidos , valentes, fermosísimos- revélannos algo que, máis aló das circunstancias históricas e biográficas nas que se producen, atinxen aos homes e ás mulleres de toda época e condición. Porque a poesía é coñecemento ou como escribiu Luísa Villalta: Isto é poesía. Un ruído provocado. [...] Un tambor que desperta. [...] Isto é tamén unha muller que resiste.

ELAS SON:

Anna Ajmátova (Rusia, 1889-1966). Tradución ao galego de Penélope Pedreira, Pilar Pallarés.

Marina Tsveitáieva ( Rusia,1892-1941). Trad. de Pilar Pallarés.

Sylvia Plath (Boston, 1932-Londres, 1963). Trad. de Xoán Abeleira

Alejandra Pizarnik (Bos Aires, 1936-1972). Trad. de Dores Tembrás

Nazik Al Malaika (Bagdad 1923-El Cairo 2007). Trad. De Teresa Seara

Luísa Villalta (A Coruña, 1957-2004).

Clarice Lispector (Ucrania 1920- Río de Xaneiro, 1977)

Pilar Pallarés (Culleredo -A Coruña, 1957).

Luz Pozo Garza (Ribadeo, 1922)

Wislava Szymborska (Polonia, 1923). Trad. de Pilar Pallarés.

OURIOL SON

EVA VEIGA, interpretación e selección dos poemas

FITO ARES, flauta traveseira

BERNARDO MARTÍNEZ, clarinete e percusións

Produción e presentación: Comba Campoy

Creación artística: Alfonso Costa

Vestiario: Charoa

Asesoramento atístico: Carlos Neira

Iluminación: Octavio Mas

Son: Andrés Teijeiro

Duración: 70 minutos

Entrada libre ata completar aforo.

O día 24 de novembro terá lugar a Mesa de coordinación interinstitucional na loita contra a violencia de xénero no Concello da Coruña

2010-11-11T14:25:00.004+01:00

A erradicación da violencia que sufren as mulleres é un dos retos máis importantes da nosa sociedade actual. A violencia de xénero destroza vidas, socava a convivencia e limita a participación das mulleres na vida social impedindo o exercicio da súa cidadanía. As características da violencia exercida contra as mulleres ten levado ás institucións a realizar unha abordaxe integral para favorecer a implementación de estratexias de coordinación entre os diferentes ámbitos e profesionais que interveñen ao longo do proceso como condición necesaria para proporcionar unha atención de calidade ás mulleres en situación de maltrato, sen esquecer a dimensión preventiva.

O Concello da Coruña é consciente da importancia de mellorar a coordinación entre as institucións implicadas na loita contra a violencia de xénero, así como da necesidade de establecer pautas de actuación que redunden no beneficio da asistencia integral ás vitimas( nas vertientes sanitaria, policial, xudicial e social). Por este motivo o vindeiro día 24 de novembro terá lugar a Mesa de coordinación interinstitucional na loita contra a violencia de xénero no Concello da Coruña, cofinanciada coa Secretaría Xeral da Igualdade da Xunta de Galicia.

A intención desde proxecto é crear un espazo de coordinación, coñecemento profundo, reflexión e mellora da atención as vitimas de violencia de xénero, entre as distintas institucións implicadas.

ASISTENTES

Directora do CIM

Servizos Sociais de Atención Primaria

Coordinadora do ATENPRO. Cruz Vermella.

Técnica do SEMUS. Cruz Vermella

Directora da Casa de Acollida

Xerencia de Atención Primaria

Equipo Social CHUAC

Colexio Oficial de Psicoloxía de Galicia

Colexio de Avogacía da Coruña

Colexio de Procuradores/as da Coruña

IMELGA

Director do Centro de Inserción Social "Carmela Arias y Díaz de Rábago"

Delegado Territorial de Galicia Institucións Penitenciarias

Inspector principal da Policía Local da Coruña

Unidade de violencia contra a muller. Subdelegación do Goberno da Coruña

Consultora OBZ

Directora da Area de desenvolvemento local. OBZ

Psicóloga CIS "Carmela Arias y Díaz de Rábago"

ACTUALIZACIÓN

Onte celebrouse a primeira xuntanza da Mesa de Coordinación cunha amplísima representación no Salón Amarelo do Pazo de María Pita. Quedan aquí unhas imaxes:

"Sen pecado concebida", este domingo no Centro Cívico e Social de Mesoiro

2010-11-10T10:13:00.001+01:00

Este domingo 14 de novembro, a partir das 19:00 horas, terá lugar no Centro Cívico e Social de Mesoiro, coñecido tamén como Centro Cívico de Novomesoiro, a representación teatral "Sen pecado concebida", da compañía Mariclown. Esta obra dá comezo ás actividades que a Concellaría de Igualdade e Participación Cidadá desenvolverá arredor da conmemoración do 25 de novembro, día internacional contra a violencia de xénero.

Esta obra foi estreada o 27 de marzo 2010 no Teatro Jofre de Ferrol, coincidindo co galo do Día Internacional do Teatro.

ARGUMENTO:

A entrada é libre ata completar aforo.

Moción do Concello da Coruña con motivo da conmemoración do 25 de novembro, día internacional para a eliminación da violencia de xénero

2010-11-04T11:29:00.003+01:00

Aprobada no Pleno do pasado 2 de novembro de 2010:

EXPOSICIÓN DE MOTIVOS

Queremos facer un chamamento á rebelión colectiva da cidadanía contra a violencia de xénero: non podemos consentir que esta situación siga manténdose e debemos pór, todos e todas, o noso máis enérxico empeño en romper esta dinámica criminal, e protexer as vítimas. A todas as vítimas.

Neste día, queremos mostrar o noso recoñecemento á coraxe e a valentía de tantas mulleres que, día a día, logran superar o medo e as barreiras – psicolóxicas, sociais, familiares, relixiosas…- erguidas ao longo de séculos de dominación machista, para rebelarse contra o seu maltratador.

Queremos denunciar a vergonzante e criminal campaña emprendida por algunhas persoas (apoiadas por grupos e medios de comunicación ultraconservadores) que pretenden instalar na nosa sociedade a falsa idea de que moitas das denuncias de maltrato que se presentan son inventadas, cando os datos demostran todo o contrario.

Hoxe máis que nunca é necesaria a complicidade de todos os homes e mulleres deste país para loitar contra esta violencia. Porque o problema é de todos e non só das vítimas, sendo tamén de toda a sociedade, o deber da denuncia. Se ante unha agresión volvemos o cabeza e calamos, estamos colaborando a crear espazos de impunidade para os agresores e a incrementar o sufrimento das vítimas, na súa maioría mulleres pero tamén dos seus fillos e fillas.

No que vai de ano, 58 mulleres e 4 nenos e nenas foron asasinados por violencia machista. E calcúlase que, aproximadamente, 800.000 nenos e nenas sofren, no seu medio e con gran intensidade, a violencia de xénero. Estes menores necesitan unha protección especial e o apoio de toda a cidadanía para saír da espiral de violencia que sofren, sufriron ou sufrirán.

As Leis tanto estatal como autonómica contra a Violencia de Xénero, non só protexen as mulleres, senón tamén a estas vítimas infantís da violencia de xénero. O pasado mes de abril, o Goberno estatal promoveu destinar un orzamento específico para a prevención e protección das vítimas infantís da violencia de xénero e elaborou un Protocolo de actuación para as Comunidades Autónomas, que agora estas deben pór en marcha de maneira urxente.

Pero non abonda unicamente coa protección institucional. A denuncia facilita a posta en marcha do sistema completo de protección, tanto para as mulleres como para todo o seu medio. E este ano asistimos un triste escenario: a maioría das mulleres asasinadas non denunciaran a seus maltratadores e, polo tanto, non se puido protexer adecuadamente a súa seguridade persoal. Debemos ser moi conscientes do que o silencio é o mellor cómplice dos maltratadores porque lles proporciona a total impunidade e unha ampla liberdade para cometer os seus brutais actos.

Queremos facer un chamamento á conciencia de toda a cidadanía deste País para mobilizarnos contra os maltratadores, para que non encontren ningún resquicio de impunidade para os seus terribles actos. Coa lealdade e corresponsabilidade de todas as Administracións, coa unidade de todas forzas políticas contra o maltrato asasino, co Poder Xudicial aplicando a Lei Orgánica de Medidas de Protección Integral contra a Violencia de Xénero e co esforzo e compromiso de todos conseguiremos erradicar a violencia de xénero.

MOCIÓN

- Instar noso Goberno Autonómico da Xunta de Galicia para que promova, a través dos medios públicos de comunicación, programas específicos de sensibilización da sociedade contra a violencia de xénero a fin de contribuír de maneira decisiva á erradicación deste terrible crime.

- Instar o Goberno do Estado e ao Goberno Autonómico da Xunta de Galicia, a implementar os recursos necesarios para a completa aplicación destas leis así como os necesarios programas para o establecemento efectivo de unha sociedade igualitaria e xusta.

- Instar o Goberno Autonómico da Xunta de Galicia a cumprir os Acordos que, sobre protección de menores expostos a medios de violencia de xénero, foron asumidos polas Comunidades Autónomas na reunión do Consello Sectorial de Igualdade celebrada en Abril deste ano 2010, coa posta en marcha do sistema de protección especializada de menores e de elaboración do Protocolo de atención aos mesmos.

A Coruña, 29 de Outubro de 2010.

Amplíase o prazo de inscrición nos cursos de carretilleira e montaxe de equipos informáticos

2010-11-04T09:19:00.000+01:00

A Concellaría de Igualdade e Participación Cidadá que dirixe Margarida Vázquez amplía o prazo de inscrición dos cursos de carretillera e montaxe de equipos informáticos, ata cubrir plazas.

Montaxe de equipos informáticos 350 h.

Requisitos: muller en idade laboral residente na zona da Agra do Orzán con coñecementos a nivel usuaria do entorno windows.

Operadora de carretilla elevadora. 40 h. (20 teoría e 20 práctica en almacén).

Data de inicio: 14 decembro 2010

Requisitos: ser muller en idade laboral residente na zona da Agra do Orzán.

(Mais información e inscricións: Oficina municipal Urbana-C. R/Corcubión 8, B. teléfono: 981 924 831)

Mañá comeza o Curso de Limpeza Industrial do URBANA-C

2010-11-02T18:27:00.000+01:00

Ás 9:30 horas de mañá, mércores 3 de novembro, inaugúrase oficialmente o Curso de Limpeza Industrial organizado pola Concellaría de Igualdade e Participación Cidadá e que se desenvolverá nas instalacións da oficina Municipal do URBANA-C -Rúa Corcubión, 8- ata o próximo 14 de decembro.

É este o segundo Curso posto en marcha dirixido a rapazas e mulleres do barrio da Agra do Orzán despois de que a semana pasada dese comezo o Curso de Educación Secundaria para Adultos.

Estes son os datos relativos ao Curso de Limpeza Industrial:

NOME DO CURSO: CURSO LIMPEZA INDUSTRIAL

DATAS DE REALIZACIÓN: 3 de novembro ao 14 de decembro 2010 (horas lectivas na aula).

O curso ten unha carga lectiva de 130 horas:

- 108 horas de teoría en aula.

- 22 horas de prácticas en empresas do sector.

TEMARIO:

Contexto social e empresarial da limpeza.

Coñecementos sobre produtos.

Coñecementos sobre suciedade, limpeza e superficie.

Técnicas e utensilios de limpeza.

Método de limpeza.

Organización do traballo.

Prevención de riscos laborais.

Calidade na limpeza. / Sensibilización medioambiental.

Módulo de igualdade de oportunidades.

Módulo de orientación laboral.

HORARIO: de luns a venres de 9:30 a 13:30 horas

DIRECCIÓN: r/ Corcubión 8, baixo.

15010 A Coruña

CONTACTO NO PROGRAMA: Esperanza Castelo ou Chus Vizcaíno.

TELÉFONO: 981 92 62 48

(luns, mércores e venres de 9:30 a 14:00 h.)

As mulleres tamén queren ser profesionais do futbol.

2010-11-02T10:44:00.003+01:00

Malia que a presenza da muller no mundo do futbol crece e gaña valor diariamente, en España non se lle permita á muller exercer a profesión de futbolista.

Mudegá (Mulleres Deportistas Galegas) únese á campaña iniciada por María José López, presidenta da asociación española de clubs de futbol feminino.

Crearon unha páxina no facebook, o día 19 de Outubro: Firmas para que a las mujeres futbolistas se les permita ser profesionales, e como podedes ver, en poucos días conseguiron superar os 10000 apoios.

Esta foi a súa evolución:

19 de Outubro: 1 firma
20 de Outubro: 1.728 firmas
21 de Outubro: 3.746 firmas
22 de Outubro: 5.128 firmas
23 de Outubro: 6.435 firmas
24 de Outubro: 7.012 firmas
25 de Outubro: 7.850 firmas
26 de Outubro: 8.300 firmas
27 de Outubro: 9.052 firmas
28 de Outubro: 9.846 firmas
29 de Outubro ; Chegamos ao noso obxectivo, superar os 10000 apoios
1 de Novembro 11140 persoas apoian que as mulleres teñan dereito a ser profesionais no mundo do futbol.

As futbolistas tamén queren ser profesionais, que se lles dea de alta na Seguridade Social, que non teñan que compaxinar o deporte a nivel profesional con outros traballo porque non lles dea para vivir.

Queren e teñen dereito.

A muller, en España, pode ser avogada, mestra, arquitecta, mineira, doutora... pero non pode vivir de darlle patadas a un balón.

Os clubes femininos poden asumir a profesionalidade en solitario, pero non teñen dereito a ser membros da Asamblea, a acollerse ao convenio colectivo, a dotarse dunha Liga de Fútbol Profesional, a beneficiarse das quinielas e contratos publicitarios. É dicir, non teñen nin voz nin voto.

O non permitirlle ás mulleres ser profesionais do futbol está empurrando aos equipos femininos a cometer ilegalidades, ao non poder asinar un contrato en condicións, a xogadora vese exposta, en caso dunha lesión grave, a quedar desprotexida, veríase na rúa, e sen ningún dereito.

O motivo de abrir esta páxina, é para axudar a liquidar estas e outras discriminacións que sofre a muller futbolista, agora que a lei do deporte, está en pleno debate no congreso dos deputados.

Logo de tanto diñeiro gastado en Proxectos de Igualdade, Concellerías e ata un Ministerio propio, seguen existindo casos flagrantes de discriminación e este, desde logo, é un deles.

Desde a Concellaría de Igualdade e Participación Cidadá do Concello da Coruña queremos manifestar o noso total apoio a todas as mulleres futbolistas e en especial, ás futbolistas galegas.

Guía para practicar unha educación antisexista

2010-10-25T10:50:00.001+02:00

O pasado xoves 21 de outubro, no marco do Seminario "Educando en igualdade", presentouse a Guía para practicar unha educación antisexista, excelente traballo realizado por Ana Iglesias Galdo por encargo da Concellaría de Igualdade e Participación Cidadá. Se estads interesados/as en conseguir un exemplar desta publicación, enchede o seguinte formulario de contacto e procuraremos atendervos coa máxima rapidez posible Evidentemente, estas peticións atenderanse ata esgotar existencias.

Esta guía pretende ser un recurso que contribúa a eliminar os sexismos da nosa vida cotiá, profesional, doméstica, social; convida a agudizar a mirada para detectar os elementos culturais que puideran ser discriminatorios para algún grupo social en particular, e require da implicación de toda a cidadanía.

Persoal técnico/voluntariado de diferentes servizos ou programas de dinamización sociocultural e deportivos, familias, profesorado, educadoras e educadores sociais... Persoas que asumen a práctica da igualdade entre mulleres e homes nun asunto da súa incumbencia, nun tema que lles afecta e intúen que se non se paran a pensar, alí onde só hai acción, acostuman a ser moi activos os estereotipos e prexuízos.

Non é esta unha temática cómoda, lúdica, para o esparcimento, ou o descanso. É unha proposta intrusa, incómoda, dado que se mete co modo de ser e de relacionarnos co mundo, introdúcesenos no ámbito máis privado. Toca a nosa biografía persoal que ten tanto de sociocultural.

Pensada para vós, para unha cidadanía que decide non ser cómplice de prácticas sexistas. É unha cuestión de xustiza social!

Rutas de sendeirismo do Banco de Tempo da Coruña

2010-10-14T18:40:00.000+02:00

Desde o Banco do Tempo queremos organizar unha reunión xa que moitas e muoitos de vós estades interesadas/os en compartir rutas de sendeirismo. É por isto que as e os que estedes interesadas/os teñamos unha reunión o próximo luns 18 ás 17:00 horas no Centro de Información á Muller.

Co fin de organizármonos o mellor posible, por favor, confirmádenos via mail se pensades asistir.

Moitas grazas pola vosa colaboración.

Un saúdo

bdt@coruna.es
Centro de Información ás Mulleres
R/ Hortensias s/n
Telf 981 18 43 56

Imaxe conmemorativa da figura de Rosalía de Castro

2010-10-14T10:23:00.001+02:00

A deseñadora coruñesa Elba Fernández, Pequena Suricata, déixanos esta creación gráfica que procura un xogo de actualización da figura de Rosalía de Castro a partir dunha das súas imaxes máis coñecidas. Estupendo traballo.

Novas actividades de ADA

2010-10-13T10:34:00.001+02:00

O proxecto ADA INTEGRA continua coas súas actividades. Durante os vindeiros meses temos previsto poñer en marcha 2 novas actuacións, nas que terán prioridade as mulleres migrantes que residan na nosa cidade:

- CAMINATAS EN-RED-ADAS: paseos para coñecer diferentes espazos da nosa cidade, para participar, relacionarnos, facer exercicio físico e crear redes de mulleres.

- OBRADOIRO DE INGLÉS: clases de inglés para familiarizarse co vocabulario, conversas, desenvolverte nas túas viaxes… OS MÉRCORES DE 5 A 6 DA TARDE.

- CLUBE DE COSTURA: OS MARTES DE 11 A 12 E OS XOVES DE 5 A 6 DA TARDE.

- CLUBE DE EMPREGO: OS XOVES DE 11 A 13 HORAS.

Ademais continuamos: coas CLASES DE IOGA , agora todos os martes de 6 a 7 horas da tarde...

- ACCESO LIBRE AO AULA DE INFORMÁTICA: Quenda de mañá: de luns a venres de 9 a 11 horas.

Quenda de tarde: luns e mércores de 4,30 a 6,30 horas.

PODES VISITARNOS EN: http://proxectoada.wordpress.com

Todas as actividades e os servizos son gratuítas, poderán contar (previo aviso) de servicio de canguraxe (previa isncrición) e se realizan no Centro Municipal da Muller, rúa Hortensias, s/n.

Agradecemos de antemán a vosa colaboración na difusión desta información.

NO CENTRO MUNICIPAL DA MULLER

(ZONA MONELOS. RÚA HORTENSIAS S/N)

Para máis información contactar con Natalia Domínguez

981 184 356 ou en proxectoada@gmail.com ou

n.dominguez@coruna.es

A Concellaría de Igualdade presentou esta mañá o Seminario ‘Educando en igualdade’ que se celebrará desde o 18 ata o 21 de outubro

2010-10-06T13:48:00.002+02:00

A concelleira de Igualdade e Participación Cidadán, Margarida Vázquez, presentou esta mañá o seminario ‘Educando en Igualdade’ que a o seu departamento en colaboración co Instituto de Estudios Políticos e Sociais e a UDC, desenvolverase os vindeiros días 18, 19, 20 e 21 de outubro no Centro de Estudios de Caixa Galicia (Ronda de Nelle, 31).

Esta actividade está dirixida especialmente a profesionais de diferentes servicios ou programas de acción social, cultural ou educativos: profesorado, educadoras e educadores sociais, persoal de deportes..., así como a todo o alumnado universitario e a cidadanía en xeral que busca non ser sexista.

Tanto a concelleira de Igualdade como a directora académica do Seminario, Ana Iglesias Galdo, coincidiron en sinalar que a actual tendencia de dar a igualdade por suposta e, por ende, non necesaria de demostración, dá conta tamén de certa resistencia a considerar importante interrogar aqueles aspectos que, como é o caso dos sexismos, puidesen romper ese principio.

Pero a realidade social, analizada desde unha perspectiva feminista e recollida en diferentes investigacións, informes e memorias é teimuda: insiste en demostrar que, lonxe de ser un problema de épocas pasadas, as relacións de xénero dominan o escenario social, poderíamos dicir que están de rabiosa actualidade, o que nos esixe seguir analizando como se constrúen, reproducen, resisten e producen na actualidade os sexismos.

Lonxe de dar a igualdade suposta, queremos identificar e someter a crítica todos os contidos culturais que non responden aos que unha cidadanía democrática require, para pasar logo a deseñar propostas que garantan a construcción de cidades coeducadoras. No último día do Seminario presentarase ademáis a ‘Guía para practicar unha educación antisexista’ na que se ofrece recursos a toda a cidadanía para implicarse e colaborar na educación en igualdade na nosa vida cotiá co obxetivo de acabar co sexismo ainda existente na nosa sociedade.

O Seminario ‘Educando en Igualdade’ conta cun límite de prazas de 190 persoas. Todos os interesados en participar deberán inscribirse antes do vindeiro 14 de outrubor a través da web: www.fundacionieps.org, escribindo ao mail: fundacion@fundacionieps.org ou chamando ao teléfono 981 92 71 74. A asistencia e libre e gratuita e concederase un diploma acreditativo. O Seminario convalidarase ademáis por 1 crédito de libre configuración concedido pola Universidade da Coruña. O horario será sempre de tarde co obxetivo de facilitar a participación de toda a cidadanía.

Descargar formulario de inscrición.

PROGRAMA

LUNS, 18 DE OUTUBRO

16:00 h Sesión de apertura

SRA. DNA. MARGARITA IGLESIAS PAIS

Instituto de Estudios Políticos y Sociales

SRA. DNA. ANA IGLESIAS GALDO

Profesora da Facultade de CC. da Educación da Universidade da Coruña

SRA. DNA. MARGARIDA VÁZQUEZ VERAS

Concelleira de Igualdade e Participación Cidadá. Concello da Coruña

SR. D. NARCISO GABRIEL FERNÁNDEZ

Decano da Facultade de CC. da Educación

16:30 h Conferencia inaugural

“Educación e Políticas de Igualdade”

SRA. DNA. PILAR BALLARÍN DOMINGO

Profesora Facultade CC. da Educación da Universidade de Granada

18:00 h Mesa redonda

“Ollando Políticas de Igualdade”

SRA. DNA. LAURA SEARA SOBRADO

Instituto da Muller. Ministerio de Igualdade

SRA. DNA. MARTA GONZÁLEZ VÁZQUEZ

Secretaría Xeral de Igualdade. Xunta de Galicia

SRA. DNA. MARGARIDA VÁZQUEZ VERAS

Concellería de Igualdade e Participación Cidadá. Concello da Coruña

MARTES, 19 DE OUTUBRO

16:00 h Conferencia

“Achegas Prácticas do Feminismo”

SRA. DNA. ROSA COBO BEDIA

Profesora da Facultade de Socioloxia e Ciencia Política da UDC

18:30 h Mesa redonda

“Promovendo a Igualdade...”

SRA. DNA. MARÍA SILVESTRE CABRERA

Emakunde. Instituto Vasco de la Mujer

SRA. DNA. SOLEDAD PÉREZ RODRÍGUEZ

Instituto Andaluz de la Mujer

SR. D. ANTONIO GARCÍA DOMÍNGUEZ

AHIGE. Asociación de Hombres por la Igualdad de Género.

MÉRCORES, 20 DE OUTUBRO

16:00 h Conferencia

“Ciencia, Androcentrisno e Coeducación”

SRA. DNA. ANA SÁNCHEZ BELLO

Profesora da Falcultade de CC. da Educación da Universidade da Coruña

18:30 h Mesa Redonda

“¿Qué podo facer para practicar a coeducación no meu centro?”

“A igualdade...ata na BATA!”

SRA. DNA. MERCEDES OLIVEIRA MALVAR

Profesora do IES “Alexandre Bóveda” de Vigo

“O plan de acción titorial”

SRA. DNA. ESTHER MATO MÉNDEZ

Orientadora do IES “Chapela” de Redondela

“Estratexias de intervención afectivoemocional e sexual”

SRA. DNA. LOLA FERREIRO DÍAZ

Profesora do Programa Oficial de Posgrao en Estudos de Xénero da Universidade de Vigo

XOVES, 21 DE OUTUBRO

16:00 h Construíndo cidades coeducadoras…

Guía para practicar unha educación antisexista

SRA. DNA. ANA IGLESIAS GALDO

Profesora Universidade da Coruña

18:30 h Mesa Redonda

“Experiencias para Coeducar” “Cómo compartir a vida en igualdade. Guía práctica para rapazas e rapaces”

SRA. DNA. ROSA ESCAPA GARRACHÓN

Licenciada en Dereito. Experta en Igualdade de Oportunidades

“A igualdade, un traballo en equipo. A corresponsabilidade no ámbito familiar”

SRA. DNA. MARÍA DEL CARMEN CORDÓN CAÑERO

Instituto Andaluz de la Mujer

“Xogos e xoguetes non sexistas”

SRA. DNA. MARÍA LUISA ABAD ABAD

Orientadora IES Menéndez Pidal da Coruña

20:30 h Acto de Clausura

SRA. DNA. JULIETA GUNDÍN FANDIÑO

Presidenta da Fundación IEPS

SRA. DNA. MERCEDES B. RICO RODRÍGUEZ

Directora do CIM da Coruña

SRA. DNA. ANA IGLESIAS GALDO

Profesora da Universidade da Coruña

SR. D. NARCISO GABRIEL FERNÁNDEZ

Decano da Facultade de CC. da Educación

Nova convocatoria á Mesa de Concertación do Plan de Programación do Tempo da Cidade da Coruña

2010-10-05T09:17:00.004+02:00

Desde a Concellaría de Igualdade e Participación Cidadá estamos poñéndonos en contacto novamente coas entidades sociais co obxecto de convidalas a participar na última mesa de concertación do Plan de Programación do Tempo.

No marco desta iniciativa celebráronse xa varias xuntanzas nas que se recolleu información e se debatiu profundamente, xunto a asociacións e entidades, sobre os usos do tempo na cidade da Coruña.

Resultado deste traballo, editamos a publicación "Diagnose aplicada sobre os usos do tempo na cidade da Coruña" (podedes lela e descargala no enlace anterior), e definíronse e priorizáronse os eixos de intervención e as medidas a implantar, centradas en aspectos como a flexibilidade de horarios laborais, os servizos que melloran a xestión dos tempos, a mobilidade ou a importancia de implementación de medidas vencelladas ás TIC,s.

Convidamos ás entidades a participar nesta última xuntanza da Mesa de Concertación coa finalidade de presentar as medidas e actuacións concretas que estarán incluídas finalmente no Plan de Programación do Tempo da Cidade da Coruña.

No caso de non contar co material de traballo manexado durante o desenvolvemento deste proceso (diagnose ou cuestionario de priorización), a Concellaría de Igualdade e Participación Cidadá achegarao antes do inicio da sesión.

A Mesa de Concertación celebrarase hoxe martes, 5 de outubro, ás 18,30 h., na Fundación Paideia (Praza de María Pita, 17).

Descargar documentación da xornada.

Agradecemos de antemán a participación de todas as persoas en dita Mesa. Para calquera información relativa a este proceso podedes chamar ao 981 189 869. Tamén podedes enviarnos un correo electrónico a igualdade@coruna.es

Vémonos pola tarde!!!!

A concelleira de Igualdade e Participación Cidadá,
Margarida Vázquez Veras

Boletín de outubro do Banco de tempo da Coruña

2010-10-04T13:52:00.004+02:00

Aquí vos deixamos o catálogo do mes de outubro do Banco do Tempo da Coruña.

Animádevos a participar. Xa somos 40 persoas socias, e as/os que queirades formar parte do Banco podedes contactar co Centro de Información ás Mulleres na R/ Hortensias s/n ou no teléfono 981 18 43 56 para concertar unha cita e darvos de alta.

Descarga o boletín neste enlace.

Información sobre os grupos de traballo do II Plan para a promoción da equidade entre mulleres e homes do Concello da Coruña

2010-09-28T09:31:00.003+02:00

Para realizar algunha aportación á elaboración deste Plan podedes facelo neste mesmo blog.

Con motivo da elaboración da diagnose para o futuro II Plan para a promoción da equidade entre mulleres e homes, dende a Concellaría de Igualdade e Participación Cidadá estamos realizando grupos de traballo con diferentes axentes sociais da cidade da Coruña.

No mes de xullo realizamos un grupo co persoal da Rede Municipal de Escolas Infantís (REIM) e co persoal das bibliotecas que traballa co público infantil de 0 a 5 anos, no que se plasmaron propostas moi interesantes para o futuro Plan, nomeadamente no ámbito da educación.

No mes de agosto, a nivel interno, o persoal da Concellaría de Igualdade e Participación Cidadá, tivo o gusto de poder contar coa experta internacional Natalia Navarro Oliván (colaboradora habitual da Consultora Sánchez-Albornoz, responsable do estudo de diagnose) que nos aclarou dúbidas e axudou a definir o enfoque que se lle quere dar ao novo Plan.

No mes de setembro seguimos a realizar diferentes grupos de traballo sectoriais, así, o martes 14 tivemos o grupo co sector económico, o xoves 16 o grupo coas asociacións de base e veciñanza, o martes 21 tocoulle a quenda ás asociacións culturais e deportivas, o xoves 23 convocamos ao sector educativo e o xoves 30 participarán os colectivos feministas e de mulleres da cidade.

Os grupos están tendo moi boa acollida, contando xa cunha participación dunhas 60 persoas, mediante as cales estamos a recoller distintas propostas, que poderán servir como medidas ou como puntos nos que incidir no futuro Plan para a promoción da equidade entre mulleres e homes do Concello da Coruña. Este traballo é especialmente importante porque a través del detectamos posibles necesidades e demandas da cidadanía, que están a dar conta das desigualdades que aínda hoxe existen entre mulleres e homes nos diferentes eidos da vida cotiá.

Pero para chegar a un coñecemento máis profundo de como se valora e traballa a temática de xénero, estamos a realizar tamén entrevistas co persoal técnico das distintas concellarías. Polo momento levamos entrevistado a unhas 40 persoas que nos están facendo achegas dende as diferentes áreas municipais (cultura, educación, urbanismo, medio ambiente, servizos sociais, mocidade, deportes, etc.).

O que pretendemos coa realización das entrevistas e dos grupos de traballo é implicar ao maior número de persoas neste estudo de diagnose, para que todas e todos esteades presentes nas políticas de igualdade que promove o Concello.

Actividades do Proxecto ADA para o mes de outubro

2010-09-24T13:47:00.002+02:00

Bos días ADAS,

- CAMINATAS EN-RED-ADAS: paseos para coñecer diferentes espazos da nosa cidade, para participar, relacionarnos, facer exercicio físico e crear redes de mulleres.

- OBRADOIRO DE INGLÉS: clases de inglés para familiarizarse co vocabulario, conversas, desenvolverte nas túas viaxes…

Ademais continuamos: cos CURSOS DE INFORMÁTICA, CLASES DE IOGA E...

- “CONTIGO, ME RÍO”. OBRADOIRO DE RISA: 20 e 27 de setembro e 4,11, 18 e 25 de outubro.

De 5 a 6 da tarde.

- ACCESO LIBRE Á AULA DE INFORMÁTICA: Quenda de mañá: de luns a venres de 9 a 11 horas.

Quenda de tarde: luns e mércores de 4,30 a 6,30 horas.

PODES VISITARNOS EN: http://proxectoada.wordpress.com

Todas as actividades e os servizos son gratuítas, poderán contar (previo aviso) de servicio de canguraxe (previa isncrición) e se realizan no Centro Municipal da Muller, rúa Hortensias, s/n

Agradecemos de antemán a vosa colaboración na difusión desta información.

Dúas mulleres matemáticas protagonizan o inicio oficial do curso da Universidade da Coruña

2010-09-20T14:53:00.007+02:00

Por primeira vez na historia desta institución, unha muller, Ana Tarrío Tobar (1963, Santiago de Compostela), profesora de Matemáticas e vicerreitora de Organización Académica da Universidade da Coruña, .foi a encargada de impartir a lección inaugural para o curso universitario 2010-2011 cunha conferencia sobre Xeometría Integral.

Ver o seu currículum

Ler o seu traballo sobre María Josefa Wonenburger Planells

Por outra banda, María Josefa Wonenburger Planells (Montrove-Oleiros, 1927-) foi investida Doutora Honoris Causa pola Universidade da Coruña en recoñecemento a unha traxectoria vencellada ao mundo das matemáticas. De feito, formou parte da 1ª promoción de licenciados e licenciadas propiamente en Matemáticas cunha carreira de cinco anos, xa que ata daquela eran catro anos e denominábase "Ciencias Exactas". Foi a primeira muller española en gañar unha das bolsas concedidas polo Instituto de Educación Internacional dos EE UU. Especializada nas publicacións sobre Teoría de Grupos e Teoría de Álxebras de Lie, dirixiu a tese doutural de Robert Moody, que deu lugar á teoría coñecida como as Álxebras de Kac-Moody.

María Wonenburger e o seu "Grupo de Lie", Banff 2001 (Fotografía de Sylvia Thompson - Copyright © Robert V. Moody)

Para saber máis:

As mulleres nas matemáticas
Matilde Ríos Fachal
Baía Edicións. 2008