O Concello da Coruña, xunto coa Deputación Provincial e a Xunta de Galicia através da programación do Xacobeo, vén de presentar no marco incomparable do antigo cárcere provincial da Coruña, aos pés da Torre de Hércules, a primeira edición de (S8)1ª Mostra de Cinema Periférico, que se celebrará os días 3, 4, 5 e 6 de xuño principalmente no edificio do antigo cárcere. Será unha oportunidade única para gozar deste espazo recuperado para a actividade cultural e cidadá.
A nosa Concellaría ten a honra de colaborar significadamente a través dunha actividade individualizada denominada OBSERVATORIO.
Pronto coñeceredes máis aspectos interesantes arredor desta proposta que poderemos contar na Coruña e que espertou a atención dos e das profesionais dos sector a nivel Estado.
Margarida Vázquez, Concelleira de Igualdade e Participación Cidadá, posa no antigo cárcere ao lado dun cartel que anuncia o festivalDeixámosvos aquí, en auténtica primicia, unhas fotografías que amosan o estado actual do interior deste edificio que xa acolle a un importante continxente técnico que está a preparar as instalacións para albergar este evento.
