Próximas actividades no Centro Cívico e Social de Novomesoiro

Canguros Municipais en Semana Santa

COMUNICÁMOSVOS QUE AS LISTAS DE INSCRICIÓN PROVISIONAIS PARA O USO DOS ESPAZOS DE ATENCIÓN Á INFANCIA E LUDOTECA NO PERIODO DAS VACACIÓNS DE SEMANA SANTA ESTARÁN ABERTAS DENDE O 4 AO 7 DE ABRIL.

É NECESARIO ANOTARSE PARA PODER ACCEDER AO SERVIZO

SE É O VOSO INTERESE, PODEDES CHAMAR AO TELÉFONO 981-184356

AS LISTAS DE ADMITIDOS/AS PUBLICARÁNSE O DIA 14 DE ABRIL NOS PROPIOS ESPAZOS, LUDOTECA OU CHAMANDO AO 010

OS ESPAZOS E LUDOTECA FUNCIONARÁN OS SEGUINTES DÍAS E HORARIOS.

DÍAS: 18 – 19 – 20 e 25 DE ABRIL

HORARIO

 - ROSALES: de 8:00 A 15:00 horas.

- CASTRILLÓN: de 16:00 a 20:30 horas.

- MONTE ALTO: de 9:00 a 14:30 horas.

- SAGRADA FAMILIA: de 9:30 a 13:30 horas.

- NOVO MESOIRO: 17:30 a 20:30 horas. Sábado de 10:30 a 13:30 horas.( excepto sábado día 23).

A Concellaría de Igualdade e Participación Cidadá participou no seminario final do Proxecto Equilibrio no Congreso dos Deputados en Madrid

A concelleira de Igualdade e Participación Cidadá, Margarida Vázquez, asistiu en Madrid ao Seminario final do Proxecto EQUILIBRIO para a conciliación da vida laboral, familiar e persoal, proxecto europeo do que forman parte entidades locais do Estado Español e Noruega. A presentación do traballo desenvolvido desde o Concello da Coruña correu a cargo da Coordinadora de Programas da Concellaría de Igualdade Beti Rico, dentro da Mesa II denominada: “Facilitando la vida a la ciudadanía: políticas de apoyo a la conciliación: distintas iniciativas”, xunto con outros concellos de España como Aranda del Duero, Barcelona, Alcalá de Henares e mais o Concello da Marnarbal e o Condado de Vest Adger de Noruega.

Datos do Proxecto

O proxecto Equilibrio está financiado por Islandia, Liechtenstein e Noruega a través do Mecanismo Financeiro do Espazo Económico Europeo (EEE) e o Instituto da Muller. Trátase dun proxecto liderado polo Instituto da Muller en colaboración coa Federación Española de Municipios e Provincias (FEMP) e a Asociación Norueguesa de Entidades Locais e Rexionais.

 Como se van realizar estes Plans de Conciliación en cada municipio?

A consecución dos fins operativos programados contará cun equipo de traballo que, en función dunha metodoloxía creada ad hoc no marco do Proxecto, encargarase de asesorar e acompañar tecnicamente ás Entidades Locais. Os labores a realizar, en estreita colaboración co persoal técnico do Concello da Coruña, consistirán no diagnóstico, a detección de fortalezas e áreas de mellora dos recursos do territorio que favorecen a conciliación e a corresponsabilidade da cidadanía e, tamén, a priorización de medidas a pór en marcha a curto, medio e longo prazo. O resultado do asesoramento será o Plan de Conciliación Municipal que, avalado polo compromiso do Consistorio da Coruña, terá a posibilidade de comezar e executar as primeiras accións programadas até febreiro de 2011.

 En que áreas municipais terá efectos directos o Plan de Conciliación?

Cada Plan favorecerá a conciliación do tres ámbitos da vida (laboral, persoal e familiar) incidindo en dous niveis da intervención local, un cara á cidadanía e outro cara aos seus propios traballadores e traballadoras. É dicir, por unha banda, no nivel interno ou da xestión dos recursos humanos que traballan no Concello e por outro, no nivel externo ou das políticas municipais dirixidas a mellorar a harmonización dos tempos de vida da cidadanía (medidas para a flexibilización dos tempos da cidade e do traballo, servizos de lecer e de atención a menores e persoas dependentes xunto a campañas para o cambio de crenzas e comportamentos cara á corresponsabilidade da sociedade).

 Cales son os resultados que conseguirá o Concello da Coruña coa súa participación no Proxecto?

Un estudo-diagnóstico sobre a situación de partida, os recursos dispoñibles e/ou potenciais favorecedores da conciliación, así como as necesidades e demandas cidadás deste municipio en materia de conciliación da vida persoal, familiar e profesional.

A aprobación dun Plan de conciliación axustado ás necesidades concretas da nosa localidade.

A posta en marcha das primeiras actuacións contempladas no Plan de Conciliación.

A visibilización do Concello cara ao exterior como unha organización comprometida coa harmonización dos tempos da cidadanía e como exemplo para outros Concellos interesados en incorporar estratexias viables á súa política de actuación para promover a harmonización do tres espazos de vida.

A Concellaría de Igualdade abre un cuarto espazo de atención á infancia situado na Sagrada Familia dentro do programa de canguros municipais

A Concellaría de Igualdade e Participación Cidadá abriu o cuarto espazo de atención á infancia municipal. Está situado con Centro Social de Sagrada Familia. Con este novo espazo amplíase a cobertura do programa de canguros municipais dando un novo servizo á zona do Agra do Orzán, Os Mallos, Sardiñeira e a propia Sagrada Familia.

A este espazo de atención á infancia poden acudir menores desde os catro ata os doce anos, en horario de 16.30 a 20.30 horas. As persoas interesadas en usar este servizo poden obter máis información con Centro de Información á Muller e no teléfono 981184356.

Desde que comezou este servizo municipal, no ano 2009, atendéronse entre as modalidades de espazos de atención, ludoteca e atención a domicilio un total de 1.200 familias e 1.800 menores.

Servizo municipal de atención á infancia-Canguros Municipais

CANGUROS MUNICIPAIS CONCELLO DA CORUÑA

O SERVIZO DE ATENCIÓN Á INFANCIA

O Servizo de atención á infancia para a conciliación da vida laboral, familiar e persoal (Canguros Municipais), é un servizo especializado no coidado e atención dos/as menores das unidades familiares que desenvolven a súa actividade profesional e/ou formativa na cidade da Coruña, para a conciliación da vida laboral, familiar e persoal. Este servizo está regulado pola correspondente Ordenanza municipal, publicada no BOP nº 44 do 23/02/2009.

Este servizo contempla as seguintes modalidades:

1) ESPAZOS DE ATENCIÓN Á INFANCIA DE CARÁCTER COLECTIVO (E.A.I.):

Esta modalidade do servizo proporciona acollemento e desenvolvemento de actividades lúdico-educativas a grupos de menores de idades comprendidas entre os catro e doce anos (artigo 8 da Ordenanza). As excepcoionalidades a este tramo de idade serán resoltas polo equipo técnico do programa de Canguros.

Ubicacións:

Centro de Formación e Emprego dos Rosales

Estrada dos Fortes s/n e Rúa Simón Bolívar s/n

Horario: 15:00 a 20:00 horas

Centro Cívico do Castrillón

Praza Pablo Iglesias s/n

Horario: 16:00 a 20:30

Centro Cívico de Monte Alto

Rúa Vereda do polvorín, 4

Horario: 15:00 a 20:30

Centro Social Sagrada Familia (Desde o 24 de xaneiro de 2011)

Rúa Sagrada Familia, 26, baixo.

Horario: 16:30 a 20:30

Pódese empregar un máximo de 40 horas mensuais por menor. Inscrición previa no 981 184 356.

2) ATENCIÓN Á INFANCIA A DOMICILIO:

Esta modalidade do servicio dá resposta no propio domicilio a necesidades de carácter extraordinario e proporciona coidados e atencións lúdico-educativas a menores de idades comprendidas entre os catro meses e os doce anos (artigo 10 da Ordenanza).

Máximo 48 horas anuales por unidade familiar

3) LUDOTECAS:

Esta modalidade do servizo está dirixida á poboación infantil de idades comprendidas entre os catro e doce anos, favorecendo o seu desenvolvemento persoal, social, afectivo e congnitivo, a través de xogos e xoguetes (artigo 9 da Ordenanza). As ludotecas atopándse reguladas polo Decreto 354/2003, do 16 de setembro, publicado do DOG nº 187 do 26/09/2003.

Segundo a disposición transitoria da Ordenanza do servizo, a posta en marcha de cada una das modalidades do servizo realizarase en función da dispoñibilidade dos recursos materiais e persoais necesarios para a súa axeitada realización.

Ubicación:

Centro Cívico e Social de Novomesoiro

Rúa Ancares s/n

Horario: de luns a venres 17:30 a 20:30. Sábados de 10:30 a 13:30   

Inscrición previa no 981 184 356

REQUISITOS XERAIS PARA ACCEDER AO SERVIZO:

Para acceder a este servizo deberán cumplirse os seguintes requisitos:

a) Precisar medidas de conciliación da vida persoal, laboral e familiar no municipio da Coruña. Enténdese que concorren estas necesidades no término municipal:

· Para solicitar o servicio de atención a domicilio, cando o responsable do menor ou o menor estean empadroados no municipio da Coruña.

· Para solicitar o servizo nos E.A.I. ou nas ludotecas, cando o responsable do menor ou o menor estean empadroados no municipio da Coruña, o menor estea cursando estudios nun centro de ensino domiciliado no municipio da Coruña ou cando o responsable do menor sea empregado público, traballador por conta propia ou allea, nun centro de traballo domiciliado no municipio da Coruña.

b) Solicitar o servizo, en razón dalgunha das casuísticas ou motivacións sinaladas conforme a cada unha das tres modalidades de atencións.

c) Non dispor doutro recurso axeitado, según informe motivado dos técnicos municipais.

d) Que o/a menor non requira coidados especiais que excedan da capacidade do servizo, según a valoración do persoal técnico municipal.

Co Servizo de atención á infancia para a conciliación da vida laboral, familiar e persoal,

A CORUÑA ATENDE EN IGUALDADE

PARA SABER MAIS SOBRE ESTE SERVIZO, INFÓRMATE EN:

Centro de Información ás Mulleres (CIM)

Barrio das Flores - Rúa Hortensias s/n, 15008, A Coruña

Teléfono: 981 184356 - Fax: 981 184357

Concellaría de Igualdade e Participación Cidadá do Concello da Coruña

Praza de María Pita s/n, 15001, A Coruña

Teléfonos: 981 184309 - Fax: 981 184312

e-correo: igualdade@coruna.es

A continuación, dun xeito moi sinxelo, poderás descargar a solicitude de ALTA no Servizo. Unha vez cumprimentada, podes entregala no Rexistro Xeral do Concello en María Pita ou no existente no Fórum Metropolitano no Parque Europa. Debes acompañala da seguinte documentación básica:

Documentación que se ten que achegar coa SOLICITUDE DE ALTA no servizo:

- Fotocopia do DNI/NIE da persoa solicitante responsábel da/o menor.

- Documentación que acredite a relación da persoa solicitante coa/o menor ( Fotocopia do libro de familia ou, no seu caso, resolución xudicial ou administrativa )

Unha vez presentada no Rexistro Xeral a SOLICITUDE DE ALTA no servizo, desde o Centro Municipal de Información ás Mulleres (CIM) contactarase por teléfono coa/s persoa/s solicitante/s para concretar a data e hora dunha ENTREVISTA e presentar a documentación complementaria.

A COMUNICACIÓN da necesidade das diferentes modalidades que contempla o servizo realizarase no Centro Municipal de Información ás Mulleres, sito no Barrio das Flores, r/ Hortensias s/n, Tlf.: 981 18 43 56.

Alta no Servizo Municipal de Atención á Infancia:

Imprimir e/ou descargar solicitude de ALTA no Servizo ( galego )

Imprimir e/ou descargar solicitude ALTA no Servizo ( castelán )

Pinópolis, a cidade das nenas e dos nenos, en Expocoruña ata o 9 de xaneiro

Pinópolis, que se poderá visitar en ExpoCoruña, é unha cidade de e para os rapaces. Eles serán os principais protagonistas desta vila feita á súa medida onde xogarán a ser maiores. Pretende ser un reflexo da propia cidade de Coruña, un espacio onde se transmitan os valores da vila e os nenos teñan a oportunidade de relacionarse con empresas e institucións coas que conviven no día a día. Así, por medio de diversas actividades lúdicas e obradoiros didácticos, os “cidadáns” de Pinópolis aprenderán valores como solidariedade, respecto, civismo, deportividade, traballo en equipo…

As actividades propostas están deseñadas por franxas de idade, desde os máis cativos ata os 14 anos, e contarán con monitores especializados. Pinópolis abrirá as súas portas ao público o sábado 18 para estar na cidade ata o 9 de xaneiro, aínda que tres días antes estará aberto para centros escolares. Terá un custo de 8 € para nenos menores de 14 anos e de 6€ para maiores. Horario: de luns a vernes de 16:00 a 21:00 e sábados e domingos de 12:00 a 21:00.

Podedes acceder á taquilla AQUÍ.

Obradoiro familiar "A que xogamos?" este sábado 4 de decembro na ludoteca de Novomesoiro

De 11:00 a 12:00 para nenos e nenas e de 12:00 a 13:00 xunto aos pais e nais. Coordina e imparte María Luísa Abad, orientadora do I.E.S. Menéndez Pidal da Coruña. Consulta no Centro Cívico ou no CIM, no 981 184 356.

O Instituto da Muller elixe A Coruña para pór en marcha un proxecto pioneiro en conciliacion da vida laboral e familiar

O ALCALDE PRESENTA A POSTA EN MARCHA DO PROXECTO EQUILIBRIA XUNTO Á DIRECTORA DO INSTITUTO DA MULLER, LAURA SEARA, E A CONCELLEIRA DE IGUALDADE, MARGARIDA VÁZQUEZ

SEARA SUBLIÑA QUE A ELECCIÓN DA CORUÑA DÉBESE A QUE A CIDADE É UN REFERENTE EN POLÍTICAS DE IGUALDADE E CONCILIACIÓN

A Coruña foi un do dez concellos seleccionados para participar no Proxecto ?Equilibrio entre a vida persoal, familiar e profesional en España e Noruega?, que foi presentado hoxe polo alcalde, Javier Losada, a directora do Instituto da Muller, Laura Seara e a concelleira de Igualdade do Concello da Coruña, Margarida Vázquez.

O alcalde subliñou a súa satisfacción porla elección da nosa cidade, que sempre estivo en vanguardia en políticas de conciliación e igualdade. ?Temos programas xa veteranos como Luditardes, Madrugadores ou os comedores escolares para fomentar a igualdade ou a conciliación, e seguimos avanzando con outros programas como o de canguros, que atendeu xa a 1.800 familiaso?, subliñou Javier Losada, quen ligou directamente o traballo a favor da conciliación coas políticas activas de emprego, nas que o Concello inviste cinco millóns de euros, e nas que se fai especial fincapé na incorporación da muller ao mercado de traballo.

Pola súa banda, a directora do Instituto da Muller coincidiu co alcalde na longa traxectoria da Coruña en políticas municipais para a igualdade e a conciliación e destacou que a súa elección para este proxecto ?reforzará a súa posición no mapa de de os Concellos máis implicados no traballo a favor da igualdade en España.

A concelleira de Igualdade, Margarida Vázquez, agradeceu ao Instituto da Muller que se comprometa en programas deste tipo e detallou os pormenores do proxecto Equilibria, que se vai a pór tamén en marcha en Xaén, Alcalá de Henares (Madrid); Valls (Tarragona); Aranda de Douro (Burgos); Barbate (Cádiz); Icod de los Vinos (Tenerife), Eivissa e Vilagarcía de Arousa.

Datos do Proxecto

O proxecto Equilibria está financiado por Islandia, Liechtenstein e Noruega a través do Mecanismo Financeiro do Espazo Económico Europeo (EEE) e o Instituto da Muller. Trátase dun proxecto liderado polo Instituto da Muller en colaboración coa Federación Española de Municipios e Provincias (FEMP) e a Asociación Norueguesa de Entidades Locais e Rexionais.

Como se van a realizar estes Plans de Conciliación en cada municipio?

A consecución dos fins operativos programados contará cun equipo de traballo que, en función dunha metodoloxía creada ad hoc no marco do Proxecto, encargarase de asesorar e acompañar tecnicamente ás Entidades Locais. Os labores a realizar, en estreita colaboración co persoal técnico do Concello da Coruña, consistirán no diagnóstico, a detección de fortalezas e áreas de mellora dos recursos do territorio que favorecen a conciliación e a corresponsabilidade da cidadanía e, tamén, a priorización de medidas a pór en marcha a curto, medio e longo prazo. O resultado do asesoramento será o Plan de Conciliación Municipal que, avalado polo compromiso do Consistorio da Coruña, terá a posibilidade de comezar e executar as primeiras accións programadas até febreiro de 2011.

En que áreas municipais terán efectos directos o Plan de Conciliación?

Cada Plan favorecerá a conciliación do tres ámbitos da vida (laboral, persoal e familiar) incidindo en dous niveis da intervención local, un cara á cidadanía e outro cara aos seus propios traballadores e traballadoras. É dicir, por unha banda, no nivel interno ou da xestión dos recursos humanos que traballan no Concello e por outro, no nivel externo ou das políticas municipais dirixidas a mellorar a armonización dos tempos de vida da cidadanía (medidas para a flexibilización dos tempos da cidade e do traballo, servizos de lecer e de atención a menores e persoas dependentes xunto a campañas para o cambio de crenzas e comportamentos cara á corresponsabilidade da sociedade).

Cales son os resultados que conseguirá o Concello da Coruña coa súa participación no Proxecto?

? Un estudo-diagnóstico sobre a situación de partida, os recursos dispoñibles e/ou potenciais favorecedores da conciliación, así como as necesidades e demandas cidadás deste municipio en materia de conciliación da vida persoal, familiar e profesional.

? A aprobación dun Plan de conciliación axustado ás necesidades concretas da nosa localidade.

? A posta en marcha das primeiras actuacións contempladas no Plan de Conciliación.

? A visibilización do Concello cara ao exterior como unha organización comprometida coa armonización dos tempos da cidadanía e como exemplo para outros Concellos interesados en incorporar estratexias viables á súa política de actuación para promover a armonización do tres espazos de vida.

Actividades de atención á infancia-Verán 2010

1. INFORMACIÓN XERAL SOBRE “ESPAZOS DE ATENCIÓN Á INFANCIA”.

CENTROS HORARIO VERÁN PERIODO

Roseiras 8:00 – 15:00 h. 23 xuño – 8 setembro (*)

Monte Alto 9:00 - 14:30 h. 23 xuño – 8 setembro (*)

Castrillón 16:00 – 20:30 h. 23 xuño – 8 setembro (*). Pendente Agosto

Novo Mesoiro 8:00 – 15:00 h. 23 xuño – 8 setembro (*). Pendente Agosto

(*) pendente calendario inicio escolar

Xa está aberto o prazo de subscrición nos catro centros (salvo Agosto en Castrillón que se abrirá o prazo do 5 de xullo ao 15 de xullo, dependendo da demanda).

Espazo de Novo Mesoiro: As preinscricións realízanse dende o 24 de maio ata o 4 de xuño. O servizo realizaráse ou non no mes de Agosto dependendo da demanda; en caso de non ter usuarios/as suficientes, analizaráse a posibilidade de completar os horarios dos campamentos urbanos que organiza Servizos Sociais, co noso servizo de atención ao domicilio.

Descargar e/ou imprimir solicitude de alta (galego)

Descargar e/ou imprimir solicitude de alta (castelán)

2. SÁBADOS EN NOVO MESOIRO

Dende o sábado 8 de maio , e todos os sábados ata o 26 de xuño, realízanse actividades programadas para menores entre os 3.5 e 12 anos . Os horarios adaptáronse á demanda existente , pasando de horario de tarde ( de 17:30 a 20:00 horas) a horario de mañá ( de 10:30 a 13:30 horas).

As actividades desenvolvidas en dito espazo , e recollendo a demanda que fixeron as familias nunha xuntanza previa, abarcan dende o coñecemento da contorna, ata actividades escénicas, musicais e de expresión artística, quedando distirbuidas da seguinte maneira:

SÁBADOS

8 DE MAIO e 5 DE XUÑO: Actividades escénicas e musicais “Do, re mi, ¡¡xa estamos aquí !!!"

15 DE MAIO e 12 DE XUÑO: Actividades coa natureza “Explorando a nosa contorna”

22 DE MAIO e 19 DE XUÑO: Actividades de expresión artística “ O curruncho das artes”

29 DE MAIO e 26 DE XUÑO: Actividades coa natureza “Explorando a nosa contorna"

3. INFORMACIÓN ESTADÍSTICA SOBRE O SERVIZO DE CANGUROS MUNICIPAIS.

A día de hoxe, os datos que figuran no departamento sobre os Servizo de Canguros Municipal, tanto en Espazos de Atención á Infancia como o Servizo a Domicilio son os seguintes:

 Espazos Atención á Infancia.


Unidades familiares 335

Nº de menores 498 Nenos 243 Nenas 255

A motivación da demanda é a seguinte

- Traballo: 266 unidades familiares.

- Cursos de formación ocupacional: 16.

- Cursos de formación contínua: 5

- Entrevistas de traballo: 26

- Actividades de participación cidadá: 2

- Situacións de emerxencia: 10 ( hospitalizacións dun familiar, casa de acollida,etc.).

- Outras causas: 10 ( hospitalización do menor, desplazamento dalgun dos proxenitores,...).

 Atención a Domicilio.



Unidades familiares 245
Nº de menores 366 Nenos 161 Nenas 205

A motivación da demanda é a seguinte

- Traballo: 185 unidades familiares.

- Cursos de formación ocupacional: 10

- Cursos de formación contínua: 6

- Entrevistas de traballo: 23

- Actividades de participación cidadá: 0

- Situacións de emerxencia: 11 ( hospitalizacións dun familiar, casa de acollida,etc.).

- Outras causas: 10 ( hospitalización do menor, desplazamento dalgun dos proxenitores,...

Grande acollida á inauguración da Ludoteca de Novomesoiro

Como era de agardar nun barrio tan xoven e con tantos cativos e cativas como Novomesoiro, os peques foron os auténticos protagonistas da xornada inaugural e, como non podía ser doutra forma, a súa Ludoteca. Este novo espazo que forma parte do Servizo de atención á infancia que ten posto en marcha a Concellaría de Igualdade e Participación Cidadá dentro do macro-programa "Concilia os teus tempos" engádese aos xa existentes no Centro de Formación dos Rosales, no Centro Cívico de Monte Alto e no Centro Cívico do Castrillón.

Segundo as cifras facilitadas polas magníficas monitoras da empresa Vitae encargada de xestionar esta Ludoteca, un total de 80 rapaces e rapazas pasaron por alí nas tres horas que durou a festa de inauguración, sendo os máis pequerrechos os amos da pista e do inchable alí instalado. Todo un récord que amosa cómo nestes espazos se poden acoller a un número importantísimo de usuarios ao longo do tempo que se presta o servizo sen custe algún para os proxenitores e cunha moi ben estudada relación entre a calidade do servizo que se presta e o custe para o Concello, que somos todas e todos.

O próximo sábado 24 de abril, entre as 10:30 e as 13:00 horas que se celebra o Foro de Participación de Novomesoiro para a programación de actividades do Centro, estarán novamente estas rapazas e o seu inchable para todas aquelas persoas que se queiran achegar a esta cita veciñal imprescindible de cara á posta en marcha inmediata da actividade regular deste novo Centro. Agardamos contar con tod@s vós!!!!

Plan de Conciliación Municipal do Concello da Coruña no marco do Proxecto Equilibrio

Fonte: Opinión de A Coruña

En xaneiro deste ano comezou a segunda fase do Proxecto Equilibrio cuxo obxectivo xeral consiste en apoiar e asesorar o deseño, a aprobación e a posta en marcha dun Plan de Conciliación en dez territorios de España. Para elixir aos concellos participantes neste hito, o Instituto da Muller en colaboración coa Federación Española de Municipios e Provincias (FEMP), abriron a correspondente convocatoria pública, para a cal o Concello da Coruña presentou a su solicitude de participación. O Concello da Coruña é a única entidade local galega que participa neste proxecto, xunto con outras administracións locais de todo España.

Así, unha vez seleccionadas as dez Entidades Locais participantes, tivo lugar o pasado 19 de xaneiro na sede do Instituto da Muller en Madrid a primeira xornada informativa que contou con representantes deste Organismo, dos municipios e da FEMP. O encontro versou sobre o proceso metodológico que se utilizará para que cada municipio finalice este ano coa posta en marcha dun Plan de Conciliación.

A consecución dos fines operativos programados contará cun equipo de trabajo que, en función dunha metodología creada ad hoc no marco do Proxecto, encargarase de asesorar e acompañar técnicamente ás Entidades Locais. As labores a realizar, en estreita colaboración co personal técnico do Concello da Coruña, consistirán na diagnose, a detección de fortalezas e áreas de mellora dos recursos do territorio que favorecen a conciliación e a corresponsabilidade da ciudadanía e, tamén, a priorización de medidas que se poñerán en marcha a corto, medio e largo prazo. O resultado do asesoramento será o Plan de Conciliación Municipal que, avalado polo compromiso do Consistorio da Coruña, terá a posibilidade de comezar e executar as primeiras acciones programadas ate febreiro de 2011.

Precisamente onte, xoves 11 de marzo, tivemos no noso Consistorio a primeira reunión con representantes do Instituto da Muller e da Asistencia Técnica do proxecto ao obxecto de planificar, de maneira coordinada con distintas áreas municipais, cómo van levarse a cabo as actuaciones necesarias para cumpir cos obxectivos marcados no proxecto e cos que este Concello está plenamente comprometido.

O Plan favorecerá a conciliación dos tres ámbitos da vida (laboral, persoal e familiar) incidindo en dous niveis da intervención local, un hacia a cidadanía (plan externo) e outro hacia os seus propios empregados e empregadas (plan interno). E dicir, por un lado, no nivel interno ou da xestión dos recursos humanos que traballan no Concello e por outro, no nivel externo ou das políticas, servizos e actuacións municipais dirixidas a mellorar a armonización dos tempos da vida da ciudadanía (medidas para a flexibilización dos tempos da cidade e do traballo, servicios de ocio e de atención a menores e persoas dependientes xunto a campañas para o cambio de crencias e comportamentos hacia a corresponsabilidade da sociedade).

Os resultados que conseguiremos desde o Concello da Coruña coa nosa participación no Proyecto son:

 Un estudio-diagnose sobre a situación da partida, os recursos disponibles e/ou potenciais favorecedores da conciliación, así como as necesidades e demandas ciudadás deste municipio en materia de conciliación da vida persoal, familiar e profesional.

 A aprobación dun Plan de Conciliación axustado ás necesidades concretas da nosa localidade (dende o ámbito interto, en relación cas necesidades dos empregados públicos, e dende o ámbito externo, en relación cas necesidades da cidadanía en xeral).

 A posta en marcha das primeiras actuacións contempladas no Plan de Conciliación.

A visibilización do Concello hacia o exterior como unha organización comprometida coa harmonización dos tempos da ciudadanía e como exemplo para outros Concellos interesados en incorporar estratexias viables a súa política de actuación para promover a harmonización dos tres espazos da vida é, tamén, obxectivo último deste Proxecto.

Recepción oficial do Concello da Coruña en conmemoración do centenario da declaración do Día internacional das mulleres

Aquí quédavos a "foto de familia" da recepción que se celebrou onte, na sede da Fundación Luís Seoane da Coruña, ofrecida a cen mulleres coruñesas procedentes dos diferentes Centros Cívicos Municipais, así como representantes de entidades sociais diversas e mesmo dúas das nosas canguras municipais que traballan no Espazo de atención á infancia do Centro Cívico de Monte Alto.

En primeiro término, o Alcalde da Coruña, o señor Javier Losada, a Concelleira de Igualdade e Participación Cidadá, Margarida Vázquez, xunto a outros membros do goberno municipal, directoras de Centros Cívicos, usuarias e convidadas en xeral.

Unha máis que significativa representación de mulleres anónimas que fan que cada día se avance cara a unha igualdade real entre homes e mulleres.

Comezan os obradoiros para dar a coñecer o Banco de tempo da cidade da Coruña

A concellaría de Igualdade e Participación Cidadá, que dirixa Margarida Vázquez Veras, comeza en diferentes Centros Cívicos da rede municipal coruñesa unha campaña de difusión do Banco de Tempo da cidade da Coruña, ao tempo que de captación de posibles usuarios e usuarias.

Durante estas charlas, de importante compoñente práctico, as persoas interesadas poderán coñecer en profundidade en qué consiste este servizo, incluído dentro do programa "Concilia os teus tempos" -no que se inclúe o Servizo de atención á infancia- que está a desenvolver a Concellaría, así como as modalidades de prestación e as casuísticas que se contemplan.

O calendario xa acordado, pendente de pechar en varios dos Centros Cívicos, é o seguinte:

Centro Cívico Municipal del Castrillón

09/02/2010

18:00 h.

Centro Cívico Municipal dos Mallos

18/02/2010

19:00 h

Centro Cívico Municipal de Rosales

22/02/2010

18:00 h.

Centro Cívico Municipal de Monte Alto

23/02/2010

17:30 h.

Centro Cívico Municipal de Monelos

24/02/2010

18:00 h.

Centro Cívico Municipal de Artesáns

25/02/2010

19:00 h.

Centro Cívico Municipal de Elviña

01/03/2010

17:00 h.

Centro de Orientación Familiar

16/03/2010

10:00 h.

Centro Cívico Municipal San Diego

17/03/2010

18:00 h.

Falta, entón, por confirmar Labañou, Palavea e o que poida ir xurdindo, segundo a demanda.

Para máis información, non dubidedes en chamar ao 981 184 356 (CIM-Centro Municipal da Muller)

Algunhas fotos da nosa visita ao Centro Cívico e Social de Mesoiro

Aquí vos deixamos un simple avance do que será o novo Centro Cívico e Social de Mesoiro. Un lugar pensado para compartir e que será, de certo, un orgullo para todas e todos os veciños da zona. En especial, os veciños de NOVOMESOIRO.

En próximos días avanzaremos novidades en canto programación do Centro, actividades da Ludoteca -integrada dentro do Servizo de Atención á Infancia do Concello da Coruña- e moitísimo máis.

A Concellaría de Igualdade e Participación Cidadá está a facer unha recollida de propostas entre os veciños e veciñas de cara a formalizar unha programación ao gusto dos seus usuarios potenciais.

Vista da entrada principal ao Centro. A estética colorista e o impacto que produce a sobrealtura do módulo central, onde se ubica a recepción e o salón de actos, dan a benvida aos usuarios. Á esquerda, adivíñase parte da Ludoteca. Á dereita, a Sala de Lectura. As dúas, con luz natural garantida.

Lateral norte do edificio. A esta parte dan os aseos, os vestiarios, o almacén e, ao fondo -por onde se divisa a entrada- a Sala Dobre de Usos Múltiples e a Sala de Lectura.

Módulo exterior esquerdo, segundo se mira de frente, do edificio. É o lugar que ocupa a impresionante Ludoteca. Ésta conta con entrada desde o propio centro e exterior. Á súa vez, aseos adaptados e despacho para atender aos pais e nais destes pequenos usuarios.

Entrada independente e exterior da Ludoteca, que xa vos comentamos na foto anterior. Posibilita programar actividades exclusivas neste espazo, sen afectar ao conxunto do Centro. Tamén permite saír para desfrutar do Patio descuberto que actúa como Hall aberto...por se sae o sol.

Verxa exterior e módulo correspondente á Sala de Lectura.

Segundo entramos, o Salón de Actos recibe, magnífico, ao visitante. Faltan, evidentemente, as cadeiras. Tamén contará cun panel pregable que permitirá pechalo ou abrilo a convenencia.

Vista do Salón de Actos desde o escenario.

Chamaronnos moitísimo a atención estes elementos dos aseos masculinos. Con tapa e todo.....

Esta é a Sala Dobre de Usos Múltiples. Aínda que non se pode apreciar ben na foto, disporá dun panel corredeiro que pode dividir o espazo en dúas partes iguais ou abrilo totalmente, como está agora.

En fin, que estamos desexando comezar a traballar!!!!!! Nos próximos días, incluiremos máis fotos e novas relativas ao seu funcionamento.

A Coruña, á vangarda na conciliación dentro da Unión Europea

O Concello da Coruña, a través da súa Concellaría de Igualdade e Participación Cidadá, foi eleito, xunto con outras nove cidades españolas, para participar na última fase do programa europeo “Equilibrio entre a vida persoal, familiar e profesional en España e Noruega, proxecto liderado no Estado polo Instituto da Muller, en colaboración coa Federación Española de Municipios e Provincias (FEMP) e a Asociación Norueguesa de Autoridades Locais e Rexionais.

O principal propósito deste proxecto consiste en propoñer o despregue dunha estratexia de actuación dirixida a mellorar as políticas públicas locais para conseguir máis e mellores condicións para a conciliación nestes ámbitos de vida.

Debemos lembrar que o Concello da Coruña conta co programa “Concilia os teus tempos”, onde se inclúen medidas tan impostantes e valoradas polos cidadáns e cidadás como o Servizo de atención á infancia, a Programación do tempo da cidade da Coruña, de xeito semellante ás experiencias en cidades como Turín, Milán ou Barcelona, e o Banco de tempo da Coruña.

O obxectivo final desta fase na que se incorpora a cidade herculina é a elaboración dun Plan local de conciliación entre España e Noruega. En definitiva, trátase de incorporar A Coruña á vangarda da conciliación no territorio da Unión Europea, o que significa, de facto, situarse na vangarda en igualdade a nivel global.

Esta noticia recolleuse na Voz de Galicia de hoxe. Ler AQUÍ.

Banco de tempo da Coruña

Mañá martes 15, ás 11:00 horas, preséntase formalmente o Banco de tempo da Coruña. Este novo programa, deseñado pola Concellaría de Igualdade e Participación Cidadá dentro do macro-programa "Concilia os teus tempos", que contempla á súa vez o Servizo de Atención á Infancia e o Plan de Programación do Tempo da Cidade da Coruña, pretende dar un novo pulo á conciliación da vida laboral, familiar e persoal na nosa cidade, ao tempo de servir de vehículo para todas aquelas persoas que queiran ofertar o seu tempo para intercambialo polo dos demais.

Quédavos aquí o cartel ideado para a súa difusión. Como se adoita dicir, mañá máis.

Preto de 150 familias utilizaron o servizo municipal de atención á infancia desde a súa posta en funcionamento

A concelleira de Igualdade e Participación Cidadá, Margarida Vázquez, expresou o alto grao de satisfacción das familias coruñesas co novo servizo municipal de atención á infancia a domicilio, que xa ten rexistradas as solicitudes de 54 familias para contar coa colaboración de caguros para o coidado dos seus fillos, e coa creación dos espazos de atención á infancia nos Rosales, Monte Alto e Castrillón, onde se atenderon os fillos de 142 familias.

Os espazos de atención á infancia están habilitados no centro de formación dos Rosales e nos centros cívicos de Monte Alto e Castrillón. Trátase dun servizo que permite realizar actividades lúdico-educativas a grupos de menores de idades comprendidas entre os catro e doce anos. Este servizo foi demandado por 142 familias e atendeu a un total de 189 menores. As motivacións das familias para recorrer a este servizo foi fundamentalemente a conciliación laboral e familiar.

Doutra banda, o servizo de atención á infancia a domicilio, coñecido como servizo de canguros, dá resposta no domicilio a necesidades de carácter extraordinario: coidados e atencións lúdico-educativas a menores de idades comprendidas entre os catro meses e os doce anos. Neste caso, son 54 as familias que solicitaron este servizo e 29 os nenos e nenas atendidas. As motivacións para acudir a este servizo son o traballo e enfermidade.

A concelleira destacou a especialización dos servizos, que describiu como de alta calidade. Tamén expresou a importancia de garantir estes servizos de conciliación e a importancia de adaptalos ás necesidades dos usuarios.

Para darse de alta neste servizo é necesario cubrir un formulario de alta que se pode recoller no Rexistro Xeral do Concello e no Centro de Información ás Mulleres, ou descargalo na web www.igualdadecoruna.blogspot.com.

Margarida Vázquez destacou a importancia de rexistrarse coa máxima antelación posible, aínda antes de precisalo realmente, para así facilitar o seu uso no momento en que se necesite.

Canguros Municipais a Domicilio

Desde a semana pasada, en que se recibiron as primeiras peticións de familias que xa formalizaran a súa solicitude para entrar no Servizo Municipal de Atención á Infancia, podemos confirmarvos que XA estamos prestando a modalidade de Atención a Domicilio por primeira vez na historia da nosa cidade.

Por agora trátase dunhas poucas familias con auténticos problemas de conciliación da vida laboral, familiar e persoal, entre outras cousas por non dispoñer de tempo material, polos horarios laborais da parella ou da persoa responsable, e non contar cunha rede social na nosa cidade. Isto é, falamos de persoas que non poden recorrer a familiares ou amigos de moita confianza para que lles resolva o eterno problema de qué facer cos menores cando non hai actividade lectiva e as obrigas laborais impiden totalmente coidar mínimamente deles.

Agárdase un progresivo aumento da demanda conforme sexa un Servizo máis coñecido e conte coa experiencia positiva de familias ou unidades familiares como as que xa están a disfrutalo actualmente. Un bo termómetro do que pode dar de si será cando cheguen as enfermidades características do outono-inverno ( gripes, resfriados....) tanto da/s e do/s menores como dos adultos, coincidindo co período escolar.

Ante o máis que seguro interese que pode espertar en moitas unidades familiares o comezo deste Servizo, pasamos a lembrarvos unha serie de cuestións a ter en conta:

1. É necesario cubrir o impreso de solicitude de ALTA no Servizo e entregar a documentación que se solicita. Podedes ver e descargar ese impreso AQUÍ. Esa solicitude debe entregarse nun Rexistro Municipal ( María Pita ou Forum Metropolitano ).

2. Unha Técnica do Concello concertará unha cita coa persoa da familia que solicite o Servizo para coñecer o caso e saber qué modalidade ou modalidades do Servizo pode precisar.

3. Unha vez cumpridos estes trámites, xa estades en disposición de solicitalo en canto vos faga falta. Salvo emerxencias xustificadas, o aviso debe chegar con 48 horas de antelación.

4. Xa hai máis de 50 familias que xa poden empregar este Servizo.

Desde a Concellaría de Igualdade e Participación Cidadá recomendamos previr antes que lamentar e presentar canto antes a Solicitude de ALTA.

O luns arranca unha nova etapa para o Servizo de Canguros Municipais

O ANO PASADO O SERVIZO ATENDEU A MÁIS CASE 190 MENORES SENDO O TRABALLO O MOTIVO DE DEMANDA MÁIS REPETIDO

A CONCELLERÍA DE IGUALDADE E PARTICIPACIÓN CIDADÁ PON EN MARCHA DOUS BLOGUES A TRAVÉS DOS QUE ENTRE OUTRAS COUSAS PÓDESE DESCARGAR A SOLICITUDE DE INSCRIPCIÓN AO PROGRAMA DE CANGUROS

A Coruña, 8 de maio de 2009- A Concelleira de Igualdade e Participación Cidadá do Concello, Margarida Vázquez, anunciou esta mañá o inicio dunha nova etapa do Servizo de Canguros Municipais o próximo luns despois dun ano dende a súa posta en marcha en marcha en novembro de 2007 o Servizo de Atención á Infancia para a Conciliación de vida laboral, familia e persoal, coñecido tamén como “servizo de canguros municipais”, xestionado polo Centro de Información ás Mulleres (CIM).

Agora, tras un ano de rodaxe e a valoración positiva do seu funcionamento, a Concellaría inicia unha nova etapa do servizo, na que se amplía e potencia as modalidades e o número de espazos de atención coa finalidade de servir a un número maior de cidadás e cidadáns.

O Servizo de Atención á Infancia para a Conciliación de vida laboral, familia e persoal está dirixido a dous colectivos: ás nenas e aos nenos con idades comprendidas entre os 4 meses e os 12 anos, por unha banda; e ás súas nais, pais ou persoas responsabeis, por outra.

O ano pasado atendéronse un total de 186 menores sendo o traballo a motivación de demanda máis repetida.

Con respecto ás persoas responsabeis das/dos menores, o obxectivo do proxecto é contribuír á harmonización da vida laboral, familiar e persoal axudando a responder ás necesidades existentes de conciliación, por parte fundamentalmente das mulleres, no que atinxe ao coidado de persoas dependentes, neste caso de menores ao seu cargo. Tamén pretende fomentar a corresponsabilidade nos eidos doméstico, familiar e social, a través de actividades dirixidas aos/ás máis novos/as.

Con respecto ás/aos menores, preténdese ofertar coidados básicos e atencións de carácter lúdico, social e educativo cando queden sos en ausencia da súa nai, pai ou persoa responsábel, sempre que non se poida recorrer a outros recursos axeitados.

O servizo de canguros municipais pretende ser unha ferramenta flexible e multifuncional, á que se pode acceder en diferentes momentos e horarios conforme á necesidade de cada unidade familiar. Dispón dunha oferta oferta puntual ou descontinua: os espazos de atención á infancia de carácter colectivo. Para dar resposta a necesidades de carácter extraordinario, ofrecese atención domiciliaria.

Ademais, vela en todo momento polo benestar da/o menor, quen está atendido/a sempre por persoal profesional: coidadores/as de menores e educadores/as infantís.

Cada intervención realízase de xeito personalizado, isto é, é resultado do contacto previo coa unidade familiar para tratar de dar resposta as súas necesidades.

A coeducación, a educación en igualdade que evita a transmisión de estereotipos de xéneros, é un principio reitor do servizo.

O Concello poderá establecer taxas ou prezos públicos pola prestación do servizo segundo os ingresos económicos e as características da unidade familiar. En tanto non sexan establecidos, o servizo é gratuíto.

O servizo contempla dúas modalidades de atención. En primeiro lugar, os espazos de atención á infancia de carácter colectivo, onde se proporciona de modo non regular acollemento e desenvolvemento de actividades de carácter lúdico-educativo dirixidas a grupos de menores de idades comprendidas entre os catro e doce anos. Están situados nos seguintes centros cívicos municipais:

Centro de Formación e Emprego de “Los Rosales”
Praza Elíptica s/n
15011 A Coruña
Buses urbanos: 3 – 3A – 12 – 14

Centro Cívico Municipal Castrillón
Praza Pablo Iglesias s/n
15009 A Coruña
Buses urbanos: 1 – 12A – 14 – 15

Centro Cívico Municipal Monte Alto ( a partir do mes de Xuño )
Rúa Vereda del Polvorín 4
15002 A Coruña
Buses urbanos: 3 – 4 – 5 – 6 – 6A – 7 – 11 – 17

ATENCIÓN Á INFANCIA A DOMICILIO ( a partir do mes de xuño )

En segundo lugar, a atención á infancia a domicilio, ca que se dá resposta no propio domicilio a necesidades de carácter extraordinario e proporciona coidados e atencións lúdico-educativas a menores de idades comprendidas entre os catro meses e os doce anos. Non contempla a realización de actividades relacionadas co servizo doméstico salvo que estas estean vinculadas estritamente ao benestar do/a menor.

COMO DARSE DE ALTA

Cun procedemento sinxelo, as/os solicitantes deberán cubrir un formulario de alta no servizo que se pode recoller no Rexistro Xeral do Concello (nas sedes da praza de María Pita ou do Fórum Metropolitano), no CIM (Centro de Información ás Mulleres) ou descargalo en http://igualdadecoruna.blogspot.com/ ou premendo directamente AQUÍ. Unha vez cuberto, entregarase xunto coa documentación requerida no Rexistro Xeral.

Unha vez aceptada a alta, as persoas que queiran comezar a usá-lo servizo, deberán solicitar no CIM (Centro de Información ás Mulleres) a modalidade que lles interesa.

Servizo Municipal de Atención á Infancia. Descargar documentos.

CANGUROS MUNICIPAIS CONCELLO DA CORUÑA

O SERVIZO DE ATENCIÓN Á INFANCIA

O Servizo de atención á infancia para a conciliación da vida laboral, familiar e persoal (Canguros Municipais), é un servizo especializado no coidado e atención dos/as menores das unidades familiares que desenvolven a súa actividade profesional e/ou formativa na cidade da Coruña, para a conciliación da vida laboral, familiar e persoal. Este servizo está regulado pola correspondente Ordenanza municipal, publicada no BOP nº 44 do 23/02/2009.

Este servizo contempla as seguintes modalidades:

1) ESPAZOS DE ATENCIÓN Á INFANCIA DE CARÁCTER COLECTIVO (E.A.I.):

Esta modalidade do servizo proporciona acollemento e desenvolvemento de actividades lúdico-educativas a grupos de menores de idades comprendidas entre os catro e doce anos (artigo 8 da Ordenanza).

2) ATENCIÓN Á INFANCIA A DOMICILIO:

Esta modalidade do servicio dá resposta no propio domicilio a necesidades de carácter extraordinario e proporciona coidados e atencións lúdico-educativas a menores de idades comprendidas entre os catro meses e os doce anos (artigo 10 da Ordenanza).

3) LUDOTECAS:

Esta modalidade do servizo está dirixida á poboación infantil de idades comprendidas entre os catro e doce anos, favorecendo o seu desenvolvemento persoal, social, afectivo e congnitivo, a través de xogos e xoguetes (artigo 9 da Ordenanza). As ludotecas atopándse reguladas polo Decreto 354/2003, do 16 de setembro, publicado do DOG nº 187 do 26/09/2003.

Segundo a disposición transitoria da Ordenanza do servizo, a posta en marcha de cada una das modalidades do servizo realizarase en función da dispoñibilidade dos recursos materiais e persoais necesarios para a súa axeitada realización.

REQUISITOS XERAIS PARA ACCEDER AO SERVIZO:

Para acceder a este servizo deberán cumplirse os seguintes requisitos:

a) Precisar medidas de conciliación da vida persoal, laboral e familiar no municipio da Coruña. Enténdese que concorren estas necesidades no término municipal:

· Para solicitar o servicio de atención a domicilio, cando o responsable do menor ou o menor estean empadroados no municipio da Coruña.

· Para solicitar o servizo nos E.A.I. ou nas ludotecas, cando o responsable do menor ou o menor estean empadroados no municipio da Coruña, o menor estea cursando estudios nun centro de ensino domiciliado no municipio da Coruña ou cando o responsable do menor sea empregado público, traballador por conta propia ou allea, nun centro de traballo domiciliado no municipio da Coruña.

b) Solicitar o servizo, en razón dalgunha das casuísticas ou motivacións sinaladas conforme a cada unha das tres modalidades de atencións.

c) Non dispor doutro recurso axeitado, según informe motivado dos técnicos municipais.

d) Que o/a menor non requira coidados especiais que excedan da capacidade do servizo, según a valoración do persoal técnico municipal.

Co Servizo de atención á infancia para a conciliación da vida laboral, familiar e persoal,

A CORUÑA ATENDE EN IGUALDADE

PARA SABER MAIS SOBRE ESTE SERVIZO, INFÓRMATE EN:

Centro de Información ás Mulleres (CIM)

Barrio das Flores - Rúa Hortensias s/n, 15008, A Coruña

Teléfono: 981 184356 - Fax: 981 184357

Concellaría de Igualdade e Participación Cidadá do Concello da Coruña

Praza de María Pita s/n, 15001, A Coruña

Teléfonos: 981 184309 - Fax: 981 184312

e-correo: igualdade@coruna.es

A continuación, dun xeito moi sinxelo, poderás descargar a solicitude de ALTA no Servizo. Unha vez cumprimentada, podes entregala no Rexistro Xeral do Concello en María Pita ou no existente no Fórum Metropolitano no Parque Europa. Debes acompañala da seguinte documentación básica:

Documentación que se ten que achegar coa SOLICITUDE DE ALTA no servizo:

- Fotocopia do DNI/NIE da persoa solicitante responsábel da/o menor.
- Documentación que acredite a relación da persoa solicitante coa/o menor ( Fotocopia do libro de familia ou, no seu caso, resolución xudicial ou administrativa )

Unha vez presentada no Rexistro Xeral a SOLICITUDE DE ALTA no servizo, desde o Centro Municipal de Información ás Mulleres (CIM) contactarase por teléfono coa/s persoa/s solicitante/s para concretar a data e hora dunha ENTREVISTA e presentar a documentación complementaria.

A COMUNICACIÓN da necesidade das diferentes modalidades que contempla o servizo realizarase no Centro Municipal de Información ás Mulleres, sito no Barrio das Flores, r/ Hortensias s/n, Tlf.: 981 18 43 56.

Alta no Servizo Municipal de Atención á Infancia:

Imprimir e/ou descargar solicitude de ALTA no Servizo ( galego )

Imprimir e/ou descargar solicitude ALTA no Servizo ( castelán )



Alta na modalidade de Espazos de Atención á Infancia:

Imprimir e/ou descargar ALTA na modalidade de Espazos de Atención á Infancia ( galego )

Imprimir e/ou descargar ALTA na modalidade de Espazos de Atención á Infancia ( castelán )



Alta na modalidade de Atención a Domicilio:

Imprimir e/ou descargar ALTA na modalidade de Atención a Domicilio ( galego )

Imprimir e/ou descargar ALTA na modalidade de Atención a Domicilio ( castelán )


PARA CALQUERA DÚBIDA OU CONSULTA QUE TEÑA, CONTACTE CON NÓS NO "BUZÓN DE MARGARIDA" QUE ATOPARÁ NA COLUMNA DEREITA SUPERIOR. MOITAS GRAZAS.